1 AbaseKhorinte 3:18 - iBhayibhili Elingcwele 1978

¹⁸ Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile ezintweni zalesisikhathi kabe yisithutha, ukuze ahlakaniphe.

IBhayibhili Elingcwele LesiNdebele

¹⁸ Lingazikhohlisi. Nxa omunye wenu ecabanga ukuthi uhlakaniphile ngokwesilinganiso salesisikhathi kabe yisithutha ukuze ahlakaniphe.

1 AbaseKhorinte 3:18 ပူးပေါင်းရင်းမြစ်များ

Izaga 26:12

Uyabona lowomuntu othi uhlakaniphile na? Isithutha silethemba elikhulu kulaye.

Izaga 3:5

Themba eNkosini ngayo yonke inhliziyo yakho, ungathembi kokwakho ukuqedisisa.

Izaga 3:7

Ungacabangi ukuthi uhlakaniphile, kodwa yesabe iNkosi, utshiye ububi.

Izaga 5:7

Ngalokho, mntanami, ungilalele, ungaphambuki emazwini ami.

U-Isaya 44:20

Kufana nje lokudla umlotha; ingqondo yobuthutha iyamkhohlisa; kaboni ukuthi lokhu akuphethe ngesandla kakusunkulunkulu.

U-Isaya 5:21

Maye kulabo abazibona behlakaniphile, bezibona beqondile!

UJeremiya 37:9

INkosi ithi: Lingazikhohlisi ngokuthi: AmaKaladiya kawasayikubuya kithi. Ngoba azakubuya isibili.

UJeremiya 8:8

Lingatsho kanjani ukuthi: Sihlakaniphile, lomlayo weNkosi ulathi? Kodwa, khangelani, ukuloba okukhohlisayo kwababhali kuwuphendule umlayo waba ngamanga.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UMatewu 18:4

Ngakho lowo ozakuzithoba njengalumntwana, nguye omkhulu embusweni wezulu.

UMakho 10:15

Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.

ULukha 18:17

Ngiqinisile ngithi kini: Ilowo lalowo ongamukeli umbuso kaNkulunkulu njengomntwana kasoze angene kuwo.

ULukha 21:8

Wathi: Qaphelani ukuba lingaduhiswa, ngoba abanengi bazakuza ebizweni lami besithi: Nginguye; bathi futhi: Isikhathi sesisondele. Lingabalandeli.

AbaseRoma 11:25

Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

1 AbaseKhorinte 15:33

Lingakhohliswa; ukujwayelana lababi kuyonakalisa ukuziphatha okuhle.

1 AbaseKhorinte 3:17

Uba umuntu echitha ithempeli likaNkulunkulu, uNkulunkulu uzakumchitha yena, ngoba ithempeli likaNkulunkulu lingcwele; liyiloke lina.

1 AbaseKhorinte 4:10

Thina siyizithutha ngenxa kaKristu, kodwa lina lihlakaniphile kuKristu; thina sibuthathaka, kodwa lina lilamandla; lina liyahlonitshwa, kodwa thina siyadelelwa.

1 AbaseKhorinte 6:9

Kalazi yini ukuba abangalunganga kabayikulidla ilifa lombuso kaNkulunkulu na? Lingakhohliswa; iziphingi, labakhonza izithombe, lezifebe, labesilisa abalalanayo,

AbaseGalathiya 6:3

Ngoba uba umuntu ezitshaya ulutho, yena engasilutho, uyazikhohlisa.

AbaseGalathiya 6:7

Lingakhohliswa; uNkulunkulu kahlekwa. Ngoba lokho akuhlanyelayo umuntu, uzakuvuna khona lokho.

Abase-Efesu 5:6

Lingakhohliswa muntu ngamazwi ayize, ngoba ngenxa yalezizinto ulaka lukaNkulunkulu luyehlela phezu kwabantu abangalaleliyo.

2 uTimothi 3:13

kodwa abantu ababi labakhohlisi bazakuqhubekela phambili ebubini, bekhohlisana.

UThithu 3:3

Ngoba lathi kade sasiyiziphukuphuku, singalaleli, sikhohliswa, sifuywe yizinkanuko lokuzithokozisa okunenginengi, sihlezi ebubini langomhawu, sizondeka ebantwini bonke, sizondana.

UJakhobe 1:22

Wobani ngabenzi belizwi, lingabi ngabalizwayo kuphela, lizikhohlisa.

UJakhobe 1:26

Uba umuntu esithi uyakholwa, engalunqandi ulimi lwakhe kodwa akhohlise inhliziyo yakhe, ukukholwa kwalowomuntu kuyize.

1 UJohane 1:8

Uba sisithi kasilasono, siyazikhohlisa, leqiniso kalikho kithi.