1 AbaseKhorinte 2:4 - iBhayibhili Elingcwele 1978

⁴ ukukhuluma kwami lokutshumayela kwami kakubanga ngamazwi okuhlakanipha ahugayo, kodwa kwaba ngokubonakalisa kukaMoya lokwamandla,

IBhayibhili Elingcwele LesiNdebele

⁴ Ilizwi lami lentshumayelo yami akubanga ngamazwi okuhlakanipha lahugayo, kodwa kubonakalisa amandla kaMoya,

1 AbaseKhorinte 2:4 ပူးပေါင်းရင်းမြစ်များ

Izaga 20:19

Onyeyayo uhlakaza imfihlakalo; ungahlangani lomuntu ophophothayo.

Izaga 7:21

Wamyenga ngamazwi amahle, wamhuga ngamazwi amnandi.

UJeremiya 20:10

Ngiyezwa abanengi benyeyeza besithi: Kukhona ukwesabeka inxa zonke! Bathi: Mmangalele! Asimmangaleleni! kutsho bonke abangane bami engibejwayeleyo, beqaphele ukuwa kwami. Bathi: Mhlawumbe angakhohliseka; ng’khona sizakumahlula, siphindisele kuye.

UHezekhiyeli 13:6

Bakhohlisile, bavumisa amanga, besithi: Nanka amazwi eNkosi; yona iNkosi ingabathumanga, baqaphele ukuba izagcwalisa ilizwi labo.

Imisebenzi 20:27

Ngoba kangiyekelanga ukulitshela lonke icebo likaNkulunkulu.

Imisebenzi 26:28

UAgripha wathi kuPawuli: Uthi ngokufitshane nje usuzangenza ngibe ngumKristu.

AbaseRoma 15:13

Kungathi uNkulunkulu wethemba angaligcwalisa ngentokozo yonke langokuthula konke ekukholweni kwenu, ukuze ngamandla kaMoya oNgcwele likhule ethembeni.

AbaseRoma 15:19

langamandla ezibonakaliso lezimangaliso, langamandla kaMoya oNgcwele. Ngalokho ngitshumayele ivangeli likaKristu ngokupheleleyo kusukela eJerusalema kwaze kwafika eIliriku.

AbaseRoma 16:18

ngoba abanjalo kabakhonzi iNkosi yethu uKristu, kodwa bakhonza inkanuko zabo; ngamazwi langokulalisa ngolimi bakhohlisa izinhliziyo zabangelacala.

1 AbaseKhorinte 1:17

Ngoba uKristu kangithumanga ukuba ngibhaphathize, kodwa ukuba ngitshumayele ivangeli kungesikho ngokuhlakanipha kwamazwi, funa isiphambano sikaKristu senziwe ize.

1 AbaseKhorinte 2:1

Lami, bazalwane, ekufikeni kwami kini kangifikanga ngobugabazi bokukhuluma langokuhlakanipha, ngitshumayela iqiniso elifakaziweyo likaNkulunkulu.

1 AbaseKhorinte 2:13

Kuyilezizinto esikhuluma ngazo, kungesikho ngamazwi esawafundiswa yikuhlakanipha kwabantu kodwa ngamazwi esawafundiswa nguMoya, sichasisa okomoya ngokomoya.

1 AbaseKhorinte 4:20

Ngoba umbuso kaNkulunkulu kawuyi ngokukhuluma, kodwa uya ngamandla.

2 AbaseKhorinte 6:6

Siyazibonakalisa langokuhlambuluka, langokwazi, langokubekezela, langobumnene, langoMoya oNgcwele, langothando oluqotho,

AbaseGalathiya 1:10

Kambe ngiyazincengela ebantwini loba kuNkulunkulu khathesi na? Ngizama ukuthokozisa abantu na? Uba ngisathokozisa abantu, ngingebe yiyo inceku kaKristu.

AbaseKholose 2:4

Ngilitshela lokhu ukuze lingakhohliswa muntu ngamazwi ayengayo.

1 AbaseThesalonika 1:5

lokuthi ivangeli lethu kalifikanga kini ngelizwi kuphela, kodwa lafika futhi ngamandla, langoMoya oNgcwele, langokuthemba okukhulu; ngoba liyazi ukuthi sasingabantu abanjani phakathi kwenu ngenxa yenu.

1 UPhethro 1:12

Bambulelwa ukuthi kabazisebenzeli bona kodwa basebenzela lina, ezintweni eselitshunyayezwe zona ngabalitshumayeze izindaba ezinhle ngoMoya oNgcwele othunywe evela ezulwini, izinto izithunywa ezilangatha ukuzibona.

2 UPhethro 1:16

Ngoba sasingalilandiseli izinganekwane zobuqili, lapho silazisa amandla lokufika kweNkosi yethu uJesu Kristu, kodwa sasingabazibonelayo ubukhulu bayo.

2 UPhethro 2:18

Ngokuziqakisa okuyize bayabayenga ngezinkanuko zomzimba langamanyala labo asebephose baphuma ekuduheni;

Abahluleli 14:15

Ngosuku lwesine bathi kumkaSamsoni: Huga umkakho ukuba asitshele ilibho, funa sikutshise ngomlilo kanye lendlu kayihlo. Lisimemele ukuba lisiphange na?

Abahluleli 16:5

Izikhulu zamaFilistiya zeza kuDelila zathi: Akumyenge ubone ukuba amandla akhe amakhulu avela ngaphi, lokuba singamahlula kanjani, ukuba simbophe simnqobe. Sizakukunika sonke inhlamvu zesiliva ezingamakhulu alitshumi lelilodwa.