1 AbaseKhorinte 16:2 - iBhayibhili Elingcwele 1978

² Ngosuku lokuqala lweviki kakube yilowo lalowo azibekele aqogelele njengokuzuza kwakhe, ukuze kuthi nxa ngifikayo, kungabi yisikhathi sokubuthwa komnikelo.

IBhayibhili Elingcwele LesiNdebele

² Ngosuku lwakuqala maviki wonke, yilowo lalowo wenu kabeke eceleni imali ethile kusiya mayelana leholo lakhe, ayigcine, ukuze kuthi ekufikeni kwami kungabi lokuqoqa okwenziwayo.

1 AbaseKhorinte 16:2 ပူးပေါင်းရင်းမြစ်များ

UGenesisi 26:12

UIsaka walima kulelolizwe, wazuza ngalowomnyaka okuphindwe kalikhulu; iNkosi yambusisa.

UGenesisi 30:27

ULabani wathi kuye: Uba ngifumene umusa kuwe, ungahambi; ngoba sengibonile ngezibonakaliso ukuthi iNkosi ingibusisile ngenxa yakho.

UGenesisi 30:30

Ngoba okwakho kwakuyingcosana ngingakafiki, kodwa kwandile, sekukunengi; iNkosi ikubusisile kukho konke engikwenzileyo; phoke, ngizakusebenzela nini eyami indlu na?

UGenesisi 32:10

kangiwufanele umusa wakho wonke lokuthembeka kwakho encekwini yakho; ngoba ngawela leliJordani ngilodondolo lwami kuphela, khathesi sengingamaqembu amabili.

UGenesisi 33:11

Akwamukele isipho engisiletha kuwe; ngoba uNkulunkulu ungenzele umusa, sengilokunengi. Wamncenga, waze wasamukela.

2 ImiLando 31:10

UAzariya umpristi omkhulu owayengowendlu kaZadoki wamphendula wathi: Selokhu baqalisa abantu ukuletha iziphiwo zabo ethempelini, siyadla sisuthe kuze kusale okunengi; ngoba iNkosi uNkulunkulu ibabusisile abantu bayo ukuze sibe lakho lokhu okunengi okusalayo.

UMakho 14:8

Yena wenzile abengakwenza; uqalile phambili ukuwugcobela ukumbelwa umzimba wami.

ULukha 16:10

Othembekileyo kokuncinyane uthembekile lakokukhulu. Longathembekanga kokuncinyane kathembekanga lakokukhulu.

ULukha 24:1

Kodwa ngosuku lokuqala lweviki, emadabukakusa, bafika elibeni bephethe amakha ababewalungisile.

UJohane 20:19

Kwathi kusihlwa ngalolosuku, usuku lokuqala lweviki, iminyango ivaliwe lapho abafundi babekhona ngenxa yokwesaba abaJuda, uJesu wafika wema phakathi kwabo, wathi kibo: Ukuthula akube kini.

UJohane 20:26

Emva kwensuku ezificaminwembili abafundi bakhe babesendlini futhi, loTomasi elabo. UJesu wafika iminyango ivaliwe, wema phakathi kwabo, wathi: Ukuthula akube kini.

Imisebenzi 20:7

Kwathi ngosuku lokuqala lweviki, sesibuthene ukuba sihlephule isinkwa, uPawuli wakhuluma labo eqonde ukuhamba kusasa, welula inkulumo yakhe kwaze kwaba phakathi kobusuku.

2 AbaseKhorinte 8:10

Nanku ukubona kwami ngalindaba; ngithi kulilungele ukuba liwuqede lowomsebenzi elawuqalisa nyakenye, lalingabokuqala ukuwenza lokuthanda ukuwenza.

UDutheronomi 8:18

Khumbulani iNkosi uNkulunkulu wenu, ngoba yiyo elinika amandla okuzuza imfuyo, ukuba iqinise isivumelwano sayo eyasifunga kubokhokho benu njengokwenza kwayo lamhla.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi: