1 AbaseKhorinte 13:6 - iBhayibhili Elingcwele 1978

⁶ kaluthokozi ngokungalunganga, kodwa luthokoza ngeqiniso.

IBhayibhili Elingcwele LesiNdebele

⁶ Uthando kaluthokozeli okubi, kodwa luthokozela iqiniso.

1 AbaseKhorinte 13:6 ပူးပေါင်းရင်းမြစ်များ

AmaHubo 10:3

Ngoba omubi uyazikhukhumeza ngezifiso zenhliziyo yakhe, loyisihwaba uyayithuka ayeyise iNkosi.

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

U-Eksodasi 18:9

UJetro wathokoza ngakho konke okuhle iNkosi ebikwenzele abakoIsrayeli ngokubakhulula kwayo ezandleni zamaGibithe.

Izaga 14:9

Abantu abayizithutha kabathandi ukutshiya izono zabo, kodwa abaqotho bayakwazi ukuthethelelwa.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 20:10

Ngiyezwa abanengi benyeyeza besithi: Kukhona ukwesabeka inxa zonke! Bathi: Mmangalele! Asimmangaleleni! kutsho bonke abangane bami engibejwayeleyo, beqaphele ukuwa kwami. Bathi: Mhlawumbe angakhohliseka; ng’khona sizakumahlula, siphindisele kuye.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

UHosiya 4:8

Badla izono zabantu bami, bayizihwaba zobubi babo.

UHosiya 7:3

INkosi uNkulunkulu ithi: Ngobubi babo bayayikhohlisa inkosi, lababusi ngenkohliso yabo.

UMikha 7:8

Ungathokozi ngami, sitha sami, ngoba lapho ngisiwa, ngizakuvuka; lapho ngihlezi emnyameni, iNkosi izakuba yikukhanya kwami.

UMatewu 18:13

Uba eyifumana, ngiqinisile ngithi kini: Uthokoza ngayo kakhulu kulangazo ezingamatshumi aficamunwemunye lezificamunwemunye ezingalahlekanga.

ULukha 22:5

Bathokoza, bathembisa ukumnika imali.

AbaseRoma 1:32

bewazi umthetho kaNkulunkulu wokuthi abenza okunjalo bafanele ukufa, kodwa bayakwenza; futhi bavumelana labakwenzayo.

AbaseRoma 12:9

Uthando lwenu kalube qotho. Zondani okubi, libambelele kokulungileyo.

AbaseFiliphi 1:18

Kulani pho? Uba uKristu etshunyayelwa ngezindlela zonke, loba ngokuzenzisa ingabe ngeqiniso, ngalokhuke ngiyathokoza.

AbaseFiliphi 1:4

langezikhathi zonke ekulikhulekeleni kwami konke ngikhuleka ngokuthokoza,

AbaseFiliphi 3:18

Ngoba abanengi, engalitshela kanengi ngabo, lakhathesi ngilitshela ngezinyembezi, bahamba njengezitha zesiphambano sikaKristu;

2 AbaseThesalonika 2:12

ukuba bonke abangakholwanga iqiniso kodwa bethokoziswa yikungalungi balahlwe.

2 UJohane 1:4

Ngathokoza kakhulu ngoba ebantwaneni bakho ngifumene abathile abahamba eqinisweni, njengokulaywa kwethu nguBaba.