1 AbaseKhorinte 13:3 - iBhayibhili Elingcwele 1978

³ Loba nginganika abayanga konke engilakho, loba nginganikela umzimba wami ukuba utshiswe, kodwa uba ngingelalo uthando, kakungisizi ngalutho.

IBhayibhili Elingcwele LesiNdebele

³ Loba nginganika abayanga konke engilakho nginikele lomzimba wami emalangabini, kodwa ngingelalo uthando, kangizuzi lutho.

1 AbaseKhorinte 13:3 ပူးပေါင်းရင်းမြစ်များ

U-Isaya 57:12

Uthi okwenzayo kulungile, ngizadalula izenzo zakho, ukwenza kwakho kakuyikukusiza.

UJeremiya 7:8

Khangelani, lithemba amazwi akhohlisayo angelakusiza.

UMatewu 23:5

Imisebenzi yabo yonke bayenza ukuba babonwe ngabantu; ngoba benza izicwatsho zabo zokukhuleka zibe banzi, lentshaka zengubo zabo zibe zinkulu.

ULukha 18:22

UJesu ekuzwa lokhu wathi kuye: Usaswele ulutho lunye; thengisa konke olakho, wabele abayanga, kung’khona uzakuba lenotho ezulwini; uze ungilandele.

ULukha 18:28

UPetro wasesithi: Khangela, thina sitshiye imizi yethu, sakulandela.

ULukha 19:8

Kodwa uZakewu wasukuma, wathi eNkosini: Khangela, Nkosi, ngiyabapha abayanga ingxenye yempahla yami; kuthi uba ngimthathele umuntu ulutho ngobuqili, ngilubuyisele luphindwe kane.

UJohane 12:43

ngoba bathanda udumo lwabantu kulodumo lukaNkulunkulu.

UJohane 13:37

UPetro wathi kuye: Nkosi, ngingekulandele ngani khathesi na? Ngizakudela ukuphila kwami ngenxa yakho.

UJohane 15:13

Kakho olothando olukhulu kulalolu lokuthi umuntu adele ukusila kwakhe ngenxa yabangane bakhe.

UJohane 6:63

Kungumoya onika ukuphila, inyama kayisizi lutho; amazwi esengiwakhulume kini angumoya, ayikuphila.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

AbaseGalathiya 5:26

Kasingazikhukhumezi, siqalane, sifelane umona.

AbaseFiliphi 2:3

Lingenzi lutho ngokubangisana langokuziqhenya, kodwa ngokuthobeka litshaye sengathi abanye bangcono kulani.

1 uTimothi 4:8

Ukwejwayeza umzimba kulokusiza okuthile, kodwa ukukhonza uNkulunkulu kusiza ezintweni zonke, ngoba kulesithembiso sokuphila kwalamuhla lokuphila okuzayo.

AmaHebheru 13:9

Lingaduhiswa yizifundiso eziyinhlobonhlobo lezingaziwayo; ngoba kuhle ukuthi inhliziyo iqiniswe ngomusa, kungabi ngokudla okungabasizanga lalabo ababebambelela kukho.