1 AbaseKhorinte 12:9 - iBhayibhili Elingcwele 1978

⁹ omunye aphiwe ukukholwa ngalowoMoya, lomunye aphiwe iziphiwo zokusilisa ngaye uMoya lowo,

IBhayibhili Elingcwele LesiNdebele

⁹ omunye uphiwa ukukholwa ngoMoya munye lowo, omunye uphiwa izipho zokusilisa ngawona lowo Moya munye,

1 AbaseKhorinte 12:9 ပူးပေါင်းရင်းမြစ်များ

UMatewu 10:8

Silisani abagulayo, livuse abafileyo, lihlambulule abalobulephero, likhuphe omoya ababi. Lamukelisiwe ngesihle, phanini ngesihle.

UMatewu 21:21

UJesu wabaphendula wathi: Ngiqinisile ngithi kini: Uba lilokukholwa, lingathandabuzi, kaliyikwenza lokhu okomkhiwa kuphela, kodwa loba lithi kulintaba: Quphuka, uphoseke olwandle; kuzakwenzeka.

UMakho 16:18

bazakuphatha inyoka ngezandla; uba benatha okubulalayo, kakuyikubalimaza; bazakubeka izandla phezu kwabagulayo, basile.

UMakho 6:13

Bakhupha omoya ababi abanengi, bagcoba abanengi abagulayo ngamagcobo, babasilisa.

ULukha 10:9

lisilise abagulayo abakuwo, lithi kubo: Umbuso kaNkulunkulu ususondele kini.

ULukha 9:2

Wabathuma ukutshumayela umbuso kaNkulunkulu lokusilisa.

Imisebenzi 10:38

lokuthi: UNkulunkulu wammisa uJesu waseNazaretha ngoMoya oNgcwele langamandla, lokuthi wahamba esenza okulungileyo, esilisa bonke labo ababesemandleni kaSathane, ngoba uNkulunkulu wayelaye.

Imisebenzi 5:15

baze bakhuphela phandle emigwaqweni abagulayo, bababeka emathaleni lemacansini, ukuze kuthi lapho uPetro esiza, isithunzi sakhe nje sibasithe abanye babo.

1 AbaseKhorinte 12:28

UNkulunkulu umisile abathile ebandleni; kuqala abaphostoli, okwesibili abaprofethi, okwesithathu abafundisi, besekusiba abenzi bezimangaliso, besekusiba abasilisayo, labasizayo, labaphathi, labakhuluma ngendimi ezehlukeneyo.

1 AbaseKhorinte 12:30

Bonke baleziphiwo zokusilisa na? Bonke bakhuluma ngendimi na? Bonke bangachasisa na?

1 AbaseKhorinte 13:2

Loba ngingaba lamandla okutshumayela, ngiqedisisa imfihlakalo zonke lokwazi konke, loba ngingaba lokukholwa konke kokuba ngisuse intaba, kodwa uba ngingelalo uthando, kangisilutho.

2 AbaseKhorinte 4:13

Umbhalo uthi: Ngakholwa, ngakhoke ngakhuluma. Lathi ngalokhokukholwa siyakholwa, ngakho siyakhuluma,

Abase-Efesu 2:8

Ngoba lisilisiwe ngomusa ngokukholwa; lalokhu kakuveli kini, kuyisiphiwo sikaNkulunkulu.

AmaHebheru 11:33

abathi ngokukholwa banqoba imibuso, basebenza ukulunga, bazuza izithembiso, bavimba imilomo yezilwane,