1 AbaseKhorinte 12:4 - iBhayibhili Elingcwele 1978

⁴ Kukhona iziphiwo ezehlukeneyo, kodwa uMoya munye.

IBhayibhili Elingcwele LesiNdebele

⁴ Kulenhlobo ezehlukeneyo zezipho zikamoya kodwa uMoya munye.

1 AbaseKhorinte 12:4 ပူးပေါင်းရင်းမြစ်များ

U-Eksodasi 31:3

ngimgcwalisile ngoMoya kaNkulunkulu ukuba abe lokuhlakanipha lokuqedisisa lokwazi lamandla okwenza yonke imisebenzi,

1 AbaseKhorinte 12:1

Mayelana leziphiwo zokomoya, bazalwane, kangithandi ukuba lingazi.

1 AbaseKhorinte 12:28

UNkulunkulu umisile abathile ebandleni; kuqala abaphostoli, okwesibili abaprofethi, okwesithathu abafundisi, besekusiba abenzi bezimangaliso, besekusiba abasilisayo, labasizayo, labaphathi, labakhuluma ngendimi ezehlukeneyo.

1 AbaseKhorinte 12:5

Kukhona izinkonzo ezehlukeneyo, kodwa iNkosi yinye.

1 AbaseKhorinte 7:7

Bengingathanda ukuba abantu bonke babe njengami; kodwa ilowo lalowo ulesiphiwo sakhe esivela kuNkulunkulu, omunye esolunye uhlobo, lomunye esolunye.

Abase-Efesu 4:11

Wanika izipho zakhe ukuba abanye babe ngabaphostoli, abanye babe ngabaprofethi, abanye babe ngabavangeli, labanye babe ngabelusi bebandla, abanye babe ngabafundisi,

AmaHebheru 2:4

uNkulunkulu futhi efakaza kanye labo ngezibonakaliso langezimangaliso langemisebenzi yamandla eyizinhlobonhlobo langeziphiwo zikaMoya oNgcwele, ezabelwa ngokwentando yakhe.

1 UPhethro 4:10

Lisizane, kube yilowo lalowo ngesiphiwo asiphiweyo, njengabaphathi abalungileyo bomusa omnengi kaNkulunkulu.