1 AbaseKhorinte 12:3 - iBhayibhili Elingcwele 1978

³ Ngakhoke ngiyalazisa ukuthi kakho umuntu okhuluma ngoMoya kaNkulunkulu ongathi: Kathukwe uJesu. Futhi kakho umuntu ongathi uJesu uyiNkosi; kuphela ngaye uMoya oNgcwele.

IBhayibhili Elingcwele LesiNdebele

³ Ngakho ngiyalitshela ukuthi kakho okhuluma ngoMoya kaNkulunkulu othi, “UJesu kathukwe,” njalo kakho ongathi, “UJesu yiNkosi,” ngaphandle kokuba kungoMoya oNgcwele.

1 AbaseKhorinte 12:3 ပူးပေါင်းရင်းမြစ်များ

AmaHubo 109:20

Lokhu kakube ngumvuzo wezitha zami ovela eNkosini, lowalabo abakhuluma okubi ngami.

UMatewu 22:43

Wathi kibo: Pho, uDavida watsho kanjani ngoMoya ukuthi yiNkosi? esithi:

UMakho 9:39

Kodwa uJesu wathi: Lingamnqabeli, ngoba kakho owenza umsebenzi wamandla ngebizo lami ongasuka masinyane, akhulume kubi ngami.

UJohane 13:13

Lingibiza lithi: Mfundisi, Nkosi; liqinisile ngoba ngiyikho.

UJohane 13:14

Uba minake, iNkosi loMfundisi wenu, ngigezise inyawo zenu, lanike lifanele ukugezisana inyawo.

UJohane 15:26

Kodwa nxa esefikile uMsizi engizakumthumela kini evela kuBaba, uMoya weqiniso, ophuma kuBaba, uzakungifakazela.

Imisebenzi 8:37

[UFiliphu wathi kuyo: Uba ukholwa ngenhliziyo yonke, kungenzeka. Yaphendula yathi: Ngiyakholwa ukuthi uJesu Kristu uyiNdodana kaNkulunkulu.]

AbaseRoma 10:9

Ngoba uba uvuma ngomlomo wakho ukuthi uJesu uyiNkosi, ukholwa enhliziyweni yakho ukuthi uNkulunkulu wamvusa kwabafileyo, uzasiliswa.

AbaseRoma 9:3

Ngoba ngingafisa ukuba mina uqobo ngahlukaniswe loKristu ngenxa yabazalwane bami, abangabakithi ngokwenyama.

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

1 AbaseKhorinte 8:6

kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.

2 AbaseKhorinte 11:4

Ngoba uba kufika umuntu etshumayela omunye uJesu esingamtshumayelanga thina, loba lisamukela omunye umoya elingamamukelanga, loba elinye ivangeli elingalamukelanga, lilokubekezela okukhulu.

2 AbaseKhorinte 3:5

kungesikho ukuthi silamandla thina ngokwethu okucabanga ukuthi ulutho luvela kithi, kodwa amandla ethu avela kuNkulunkulu;

AbaseGalathiya 3:13

UKristu wasihlenga ekuqalekisweni komlayo, yena waqalekiswa ngenxa yethu; ngoba kulotshiwe ukuthi: Baqalekisiwe bonke abalengiswa esihlahleni.

UDutheronomi 21:23

isidumbu sakhe singahlali esihlahleni ubusuku bonke, kodwa lizamlahla ngalona lolosuku, ngoba umuntu ophanyekiweyo uqalekisiwe nguNkulunkulu. Lingangcolisi ilizwe lenu iNkosi uNkulunkulu wenu elinika lona ukuba ngelenu.

Isambulo 1:10

Ngehlelwa nguMoya ngosuku lweNkosi, ngezwa ngemva kwami ilizwi elikhulu kungathi ngelophondo lisithi: