1 AbaseKhorinte 10:10 - iBhayibhili Elingcwele 1978

¹⁰ Lingasoli njengabanye babo basola, babhujiswa ngumbulali.

IBhayibhili Elingcwele LesiNdebele

¹⁰ Lingakhononi, njengokwenziwa ngabanye babo, babulawa yingilosi ebhubhisayo.

1 AbaseKhorinte 10:10 ပူးပေါင်းရင်းမြစ်များ

2 USamuyeli 24:16

Lapho isithunywa siselulela isandla eJerusalema ukulibhubhisa, iNkosi uNkulunkulu yazisola ngalobobubi, yathi kuso isithunywa esasibhubhisa abantu: Yekela! Sekwanele. Isithunywa seNkosi sasisesizeni sikaAruwana waseJebusi.

1 ImiLando 21:15

UNkulunkulu wathumela isithunywa eJerusalema ukulibhubhisa; kodwa kwathi sesizakulibhubhisa, iNkosi yabuye yazisola ngalobobubi ebizakubenza; yasisithi kuso isithunywa esibhubhisayo: Yekela! Sekwanele. Isithunywa seNkosi sasisesizeni sikaOrnani waseJebusi.

2 ImiLando 32:21

INkosi yathumela isithunywa esabulala amaqhawe wonke labaphathi bezimpi lezinduna ezihonqweni zenkosi yaseAsiriya. Yona yabuyela elizweni layo ilenhloni. Isingenile endlini kankulunkulu wayo, abanye kumadodana ayo bayibulalela khona ngomkhonto.

AmaHubo 106:25

Basola besemathenteni abo, bengalaleli ilizwi leNkosi.

U-Eksodasi 12:23

Ngoba iNkosi izadabula ilizwe ukuba ibulale amaGibithe; nxa ibona igazi emgubazini lasensikeni zombili zomnyango, izakudlula lowomnyango ingavumeli umbulali ukuba angene ezindlini zenu ukulibulala.

U-Eksodasi 15:24

Abantu bamsola uMose besithi: Sizakunathani?

AmaNani 14:2

Bonke abakoIsrayeli babasola oMose loAroni; lonke ibandla lathi kubo: Kungathi ngabe safela elizweni laseGibithe, ingabe enkangala!

AmaNani 14:37

abulawa ngumkhuhlane phambi kweNkosi.

AmaNani 16:11

Ngalokho wena leqembu lakho lonke seliyihlanganyele iNkosi. Ngoba uAroni uyini ukuthi limsole na?

AmaNani 16:41

Kusisa lonke ibandla labakoIsrayeli labasola oMose loAroni, lathi: Libabulele abantu beNkosi.

AmaNani 17:10

INkosi yathi kuMose: Buyisela induku kaAroni ngaphambi kobufakazi, igcinwe khona, ibe yisibonakaliso kubo abahlamukayo, ukuze bayekele ukungisola, bangafi.

AmaNani 17:5

Umuntu olenduku yakhe ehlumayo uzakuba nguye engizakumkhetha; ngalokhu ngizakwenza ukuba abakoIsrayeli bayekele ukulisola.

Imisebenzi 12:23

Masinyane isithunywa seNkosi samtshaya, ngoba kamdumisanga uNkulunkulu; wadliwa zimpethu, wafa.

AbaseFiliphi 2:14

Yenzani zonke izinto ngokungasoli langokungabuzi,

AmaHebheru 11:28

Ngokukholwa wamisa iPhasika efafaza igazi, ukuze umbhubhisi wamazibulo angawathinti amazibulo akoIsrayeli.

UJuda 1:16

Laba bangabangungunayo labasolayo, behamba ngenkanuko zabo, bekhuluma amazwi aqatha, bezikhukhumeza, besebenzisa amazwi okulalisa ngolimi ngenxa yenzuzo.

Isambulo 16:1

Ngasengisizwa ilizwi elikhulu livela ethempelini lisithi kuzo izithunywa eziyisikhombisa: Hambani, lithululele emhlabeni okusemiganwini eyisikhombisa okululaka lukaNkulunkulu.