1 AbaseKhorinte 1:8 - iBhayibhili Elingcwele 1978

⁸ yena ozakuliqinisa kuze kube sekupheleni, lingabi lacala ngosuku lweNkosi yethu uJesu Kristu.

IBhayibhili Elingcwele LesiNdebele

⁸ Izaligcina liqinile kuze kube sekupheleni ukuze lingabi lasici ngosuku lweNkosi yethu uJesu Khristu.

1 AbaseKhorinte 1:8 ပူးပေါင်းရင်းမြစ်များ

AmaHubo 37:17

Ngoba amandla ababi azakwaphulwa, kodwa iNkosi iyamsekela olungileyo.

AmaHubo 37:28

Ngoba iNkosi ithanda ukulunga, kayiyikubatshiya abalungileyo bayo. Abalungileyo bazakulondolozwa kuze kube nininini, kodwa abantwana bababi bazakuchithwa.

ULukha 17:24

Ngoba njengombane, nxa uphazima ukhanyisa zonke indawo zomkhathi, izakuba njalo iNdodana yomuntu osukwini lwayo.

ULukha 17:30

Kuzakuba njalo ngosuku ezakwambulwa ngalo iNdodana yomuntu.

AbaseRoma 14:4

Ungubani wena osola inceku yomunye na? Ngoba ukuma ingabe ukuwa kwayo kuyindaba yeNkosi yayo; izakuma isibili, ngoba iNkosi ilamandla okuyimisa.

AbaseRoma 16:25

Kuye olamandla okuliqinisa ngokwevangeli lami langokutshunyayelwa kukaJesu Kristu, langokwambulwa kwemfihlakalo eyayifihliwe ngezikhathi zakade,

AbaseRoma 8:19

Ngoba okudaliweyo kulindele ngokulangatha okukhulu ukwambulwa kwabantwana bakaNkulunkulu.

1 AbaseKhorinte 3:13

umsebenzi walowo lalowomuntu uzakuvela obala; usuku lokuthonisisa luzakuwudalula, ngoba luzavela lomlilo; umlilo uzakuhlola umsebenzi walowo lalowomuntu ukuba unjani.

1 AbaseKhorinte 5:5

onjalo kanikelwe kuSathane kukho ukubhubha kwenyama yakhe, ukuze umoya wakhe usiliswe osukwini lweNkosi.

2 AbaseKhorinte 1:13

Ngoba kasililobeli okunye, kodwa lokho elikufundayo likuzwe; ngithemba futhi ukuthi lizakukuzwisisa,

2 AbaseKhorinte 1:14

njengalokhu seliqedisisile kancinyane ukuthi lingazincoma ngathi, njengalokhu lathi singazincoma ngani osukwini lweNkosi yethu uJesu.

2 AbaseKhorinte 1:21

KunguNkulunkulu osiqinisayo kanye lani kuKristu, lowasikhethayo,

Abase-Efesu 5:27

ukuze alimise ibandla phambi kwakhe lilenkazimulo, lingelacwatshana, lomxhele loba okunye nje, kodwa libe libandla elingcwele elingelacala.

AbaseFiliphi 1:10

ukuze likwazi okuhle kakhulu, lize lihlambuluke lingasoleki kuze kube sosukwini lukaKristu,

AbaseFiliphi 1:6

Ngilethemba lokuthi yena lowo owaqalisa umsebenzi omuhle kini uzakuwuphelelisa kuze kube sosukwini lukaJesu Kristu.

AbaseKholose 1:22

Kodwa khathesi usebuyisene lani emzimbeni wayo ngokufa ukuba alimise phambi kwakhe lingcwele, lingelacala, lingasoleki,

AbaseKholose 2:7

ligxilile, lakhiwe kuye, liqiniswe ekukholweni njengokufundiswa kwenu, lande ekubongeni.

1 AbaseThesalonika 3:13

ukuze iqinise inhliziyo zenu, zingabi lakusoleka ebungcweleni phambi kukaNkulunkulu uBaba ekufikeni kweNkosi uJesu kanye labantu bakhe bonke.

1 AbaseThesalonika 5:2

ngoba lina uqobo liyazi kuhle ukuthi usuku lweNkosi luzakufika njengesela ebusuku.

2 AbaseThesalonika 2:2

ukuba lingaphangisi likhathazeke engqondweni zenu, lethuswe, loba ngumoya, loba yilizwi, loba yincwadi ngokungathi ivela kithi, kuthiwa usuku lweNkosi selufikile.

2 AbaseThesalonika 3:3

Kodwa iNkosi ithembekile, izakuliqinisa, ilivikele komubi.

2 uTimothi 1:12

Ngalokhoke ngiyahlupheka; kodwa kangilamanhloni ngoba ngiyamazi engakholwa kuye, ngiyazi ukuthi ulamandla okulondoloza lokho anginike khona kuze kufike lolosuku.

2 uTimothi 1:18

INkosi imnike ukuba azuze isihawu eNkosini ngalolosuku. Konke ukusebenza kwakhe eEfesu uyakwazi wena kakhulu.

1 UPhethro 5:10

Kodwa lapho selihluphekile okwesikhatshana, uNkulunkulu womusa wonke owalibizela ebukhosini bakhe obungapheliyo ngoKristu, yena oqobo uzakuliphelelisa, aliqinise, alinike amandla.

2 UPhethro 3:10

Kodwa usuku lweNkosi luzakufika njengesela, kuthi izulu lidlule ngokuhlokoma okukhulu, konke kuncibilikiswe ngumlilo, lomhlaba lemisebenzi ekuwo kuzakutsha.

2 UPhethro 3:14

Ngakho, bathandekayo, lokhu lisalindele lezozinto, tshisekelani ukuba lifunyanwe nguye lingelacwatshana, lingelasici, lilokuthula.