1 AbaseKhorinte 1:20 - iBhayibhili Elingcwele 1978

²⁰ Singaphi isihlakaniphi? Ungaphi umbhali? Ungaphi umphikisi na? Kayisibo balesisikhathi na? UNkulunkulu kakwenzanga kube yibuthutha ukuhlakanipha komhlaba na?

IBhayibhili Elingcwele LesiNdebele

²⁰ Ungaphi umuntu ohlakaniphileyo na? Singaphi isifundiswa somthetho na? Singaphi isazi salesisikhathi na? UNkulunkulu kenzanga ukuhlakanipha kwasemhlabeni kwaba yibuthutha na?

1 AbaseKhorinte 1:20 ပူးပေါင်းရင်းမြစ်များ

2 USamuyeli 15:31

Kwabikwa kuDavida kwathiwa: UAhithofeli uphakathi kwabahlamuke loAbisalomu. UDavida wakhuleka wathi: Nkosi, ake uphendule amacebo kaAhithofeli abe yibuthutha.

2 USamuyeli 16:23

Kulezonsuku iseluleko sikaAhithofeli sasinjengokungathi umuntu ubuza kuNkulunkulu; sasinjalo iseluleko sikaAhithofeli kuDavida lakuAbisalomu.

2 USamuyeli 17:14

UAbisalomu labo bonke abantu bakoIsrayeli bathi: Ukweluleka kukaHushayi waseArki kungcono kulokukaAhithofeli. Ngoba iNkosi uNkulunkulu yayimisile ukuba kudilizwe ukweluleka okuhle kukaAhithofeli ukuze imehlisele okubi uAbisalomu.

2 USamuyeli 17:23

Lapho uAhithofeli ebona ukuthi ukweluleka kwakhe kakulandelwanga, wabophela ubabhemi wakhe, wasuka waya ekhaya emzini wakhe; eselungisile izinto zomuzi wakhe, waseziphanyeka, wafa, wangcwatshelwa elibeni likayise.

UJobe 12:17

Uphendula abaluleki babe yiziphukuphuku, aphendule abahluleli babe yizithutha.

UJobe 12:20

abathembekileyo abaphendule babe yizimungulu, asuse ukuhlakanipha kwabadala.

UJobe 12:24

Uyasusa ukuhlakanipha ezikhulwini zabantu bomhlaba, aziduhise enkangala engelandlela,

U-Isaya 33:18

Lizakhumbula okwakulesabisa, lithi: Bangaphi khathesi ababebala? Bangaphi ababethelisa umthelo? Bangaphi ababebala izinqaba na?

U-Isaya 44:25

Nginguye ofilisa imihlolo yezangoma, athuthaze izanuse, abuyisele emuva abahlakaniphileyo, aphendule ukwazi kwabo kube yibuthutha;

U-Isaya 53:1

Ngubani owayengakholwa esikuzwileyo na? Amandla eNkosi ambulelwa bani na?

UJeremiya 10:7

Ngubani ongaze wakwesaba, wena Nkosi yezizwe? ngoba ufanele ukwesatshwa. Phakathi kwabahlakaniphileyo bonke bezizwe, lakuyo yonke imibuso yabo, kakho onjengawe.

UMatewu 13:22

Ohlanyelwe emeveni nguye olizwayo ilizwi, kodwa ukuphisekela komhlaba lokukhohlisa kwenotho kuyaminyanisa ilizwi, lingatheli isithelo.

UJohane 12:31

Khathesi yikwahlulelwa kwalumhlaba; khathesi umbusi walumhlaba uzakuxotshwa.

Imisebenzi 17:18

Abathile kuzo izazi zamaEpikuri lamaStoyiki baphikisana laye; abanye bathi: Umzenzisazi lo angathini na? Labanye bathi: Kungathi ungotshumayela onkulunkulu bezizweni; ngoba watshumayela ngoJesu langokuvuka kwabafileyo.

AbaseRoma 1:20

Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

AbaseRoma 1:22

Bezitshaya abahlakaniphileyo, baba yizithutha,

1 AbaseKhorinte 1:19

Ngoba kulotshiwe ukuthi: Ngizakuchitha ukuhlakanipha kwabahlakaniphileyo, lokuqedisisa kwabaqedisisayo ngizakukwenza ize.

1 AbaseKhorinte 1:26

Khangelani ukubizwa kwenu, bazalwane; kini kababanengi abahlakaniphileyo ngokomhlaba, kababanengi abalamandla, kababanengi abayizikhulu;

1 AbaseKhorinte 1:27

kodwa uNkulunkulu ukhethile izinto zobuthutha zomhlaba ukuba ayangise abahlakaniphileyo; uNkulunkulu ukhethile okubuthakathaka komhlaba ukuba ayangise okulamandla;

1 AbaseKhorinte 1:28

lezinto eziphansi zomhlaba lezinto ezidelelekayo uNkulunkulu uzikhethile, lezinto ezingekho ukuba achithe izinto ezikhona,

1 AbaseKhorinte 11:32

Kodwa nxa sithonisiswa, siyatshaywa yiNkosi, ukuze singalahlwa kanye lomhlaba.

1 AbaseKhorinte 2:6

Ukuhlakanipha sikukhuluma phakathi kwabapheleleyo, lanxa kungeyisikho ukuhlakanipha kwalesisikhathi ingabe ukuhlakanipha kwababusi balesisikhathi, abazakubhubha.

1 AbaseKhorinte 2:8

Kakho loyedwa owababusi balesisikhathi okwaziyo lokhukuhlakanipha; ngoba uba babekwazile, babengayikuyibethela iNkosi yenkazimulo.

1 AbaseKhorinte 3:18

Kakungabi khona ozikhohlisayo; uba umuntu phakathi kwenu ecabanga ukuthi uhlakaniphile ezintweni zalesisikhathi kabe yisithutha, ukuze ahlakaniphe.

1 AbaseKhorinte 3:19

Ngoba ukuhlakanipha komhlaba kuyibuthutha kuNkulunkulu. Kulotshiwe ukuthi: Ubamba abahlakaniphileyo ebuqilini babo;

1 AbaseKhorinte 6:2

Kalazi yini ukuthi abangcwele bazakuthonisisa umhlaba na? Uba umhlaba uzakuthonisiswa yini, kalifanele ukuthonisa amacala amancinyane na?

UJakhobe 4:4

Zifebendini, kalazi yini ukuthi ukuthandana lomhlaba kuyibutha kuNkulunkulu na? Ngakhoke lowo othanda ukuba ngumhlobo womhlaba, uzenza abe yisitha sikaNkulunkulu.