1 AbaseKhorinte 1:10 - iBhayibhili Elingcwele 1978

¹⁰ Ngiyalincenga, bazalwane, ngebizo leNkosi yethu uJesu Kristu, ukuthi lonke likhulume ilizwi libe linye, kungabi khona ukwahlukana phakathi kwenu, kodwa lipheleliswe emqondweni munye lasekuboneni kunye.

IBhayibhili Elingcwele LesiNdebele

¹⁰ Ngiyalincenga bazalwane, ngebizo leNkosi yethu uJesu Khristu, ukuba lonke livumelane ukuze kungabi lokwehlukana phakathi kwenu kanye lokuthi libe ngabamanyeneyo engqondweni lasemcabangweni.

1 AbaseKhorinte 1:10 ပူးပေါင်းရင်းမြစ်များ

AmaHubo 133:1

Khangela, kuhle kangaka kumnandi ukuba abazalwane bahlale ndawonye babe munye.

UJeremiya 32:39

Ngizabanika inhliziyonye lendlelanye, ukuba bangesabe zonke insuku, kube kuhle kubo lakubantwana babo emva kwabo.

UMatewu 9:16

Kakho obekela isichibi selembu elingakafinyeli engutsheni endala, ngoba lokho okubekelwe kuyo kuzadabuka kuyo, siqhele isikhala.

UMakho 2:21

Kakho othungela isichibi esingakafinyeli engutsheni endala, funa okubekelweyo kudabuke kwendala, siqhele isikhala.

UMakho 3:24

Uba umbuso wahlukene phakathi, lowombuso ungeme.

UJohane 10:19

Kwaba khona futhi ukwahlukana phakathi kwabaJuda ngenxa yalamazwi.

UJohane 17:23

Mina ngikibo, lawe ukimi, ukuze bapheleliswe babe munye, ukuba umhlaba wazi ukuthi nguwe ongithumileyo, lokuthi ubathandile bona, njengalokhu ungithandile mina.

UJohane 7:43

Ngakho kwaba khona ukwahlukana ngaye phakathi kwexuku.

UJohane 9:16

Ngakho abanye babaFarisi bathi: Lumuntu kaveli kuNkulunkulu, ngoba kagcini iSabatha. Kodwa abanye bathi: Umuntu oyisoni angazenza kanjani izibonakaliso ezinje na? Kwaba khona ukwahlukana phakathi kwabo.

Imisebenzi 4:32

Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.

AbaseRoma 1:13

Ngithanda, bazalwane, ukuba lazi ukuthi ngazimisela kanengi ukuza kini, ukuba ngizuze izithelo lakini njengakwezinye izizwe, kodwa ngabambeka kuze kube khathesi.

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

AbaseRoma 12:16

Hlalisanani kuhle, lingazikhukhumezi, kodwa lihlangane labathobileyo, lingazitshayi abahlakaniphileyo.

AbaseRoma 15:30

Ngiyalincenga, bazalwane, ngayo iNkosi yethu uJesu Kristu langothando lukaMoya, ukuba lizame kanye lami ngokungikhulekela kuNkulunkulu,

AbaseRoma 16:17

Ngiyalincenga, bazalwane, ukuba liqaphele ababanga ukuxabana lezikhubekiso bephambene lesifundiso elafundiswa sona. Baxwayeni bona,

1 AbaseKhorinte 1:11

Ngoba ngitsheliwe ngabantu bakoKlowe ukuthi kukhona ukuxabana phakathi kwenu, bazalwane bami.

1 AbaseKhorinte 11:18

Okokuqala, nxa libuthana ebandleni, ngizwa kuthiwa kukhona ukwahlukana phakathi kwenu; nganxanye ngiyakukholwa lokhu.

1 AbaseKhorinte 12:25

ukuze kungabi khona ukwahlukana emzimbeni, kodwa ukuze izitho zonke zomzimba zinanzelelane ngokufananayo.

1 AbaseKhorinte 3:3

ngoba liseyibo abomhlaba. Nxa kusekhona umhawu lokuphikisana phakathi kwenu, kalisibo abomhlaba na? Kalihambisi okwabantu na?

1 AbaseKhorinte 4:16

Ngakhoke ngiyalincenga ukuba libe ngabalingisi bami.

2 AbaseKhorinte 10:1

Mina Pawuli uqobo ngiyalincenga ngobumnene langothando lukaKristu, mina engithobileyo nxa ngikhona phakathi kwenu, njengokutsho kwenu, kodwa engilesibindi nxa ngingekho.

2 AbaseKhorinte 13:11

Elokucinake, bazalwane, salani kuhle; liphelele, lilalele ukuncenga kwami, lizwane, lihlale ngokuthula; uNkulunkulu wothando lowokuthula uzakuba lani.

2 AbaseKhorinte 13:9

Siyajabula nxa sibuthakathaka thina, linake lilamandla. Esikukhulekelayo yikupheleliswa kwenu.

2 AbaseKhorinte 5:20

Ngakhoke siyizithunywa zikaKristu okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

AbaseGalathiya 4:12

Ngiyalincenga, bazalwane, wobani njengami, ngoba lami nginjengani. Kalingonanga ngalutho.

AbaseFiliphi 1:27

Kuphela hambani ngokufanele ivangeli likaKristu, kuze kuthi, loba ngifika kini loba ngingekho, ngizwe indaba zenu zokuthi liqinile emoyeni munye, lasengqondweninye lilwela ukukholwa kwevangeli,

AbaseFiliphi 3:16

Kasihambe ngalezondlela esesifinyelele kuzo.

1 AbaseThesalonika 5:13

libazise kakhulu ngothando ngenxa yomsebenzi wabo. Hlalani ngokuthula.

2 AbaseThesalonika 2:1

Bazalwane, mayelana lokufika kweNkosi yethu uJesu Kristu lokubuthana kwethu ukuba siyihlangabeze, siyalincenga

1 uTimothi 5:21

Ngiyakulaya phambi kukaNkulunkulu loKristu Jesu lezithunywa ezikhethiweyo ukuba uzigcine lezizinto ngokungaqumi ngaphambili; ungabandlululi muntu.

2 uTimothi 4:1

Ngiyakulaya phambi kukaNkulunkulu loKristu Jesu ozakuthonisisa abaphilayo labafileyo, langokubonakala kwakhe langombuso wakhe,

UJoshuwa 22:15

Bafika kwabakoRubeni labakoGadi lengxenye yesizwe sakoManase elizweni laseGileyadi, bathi kibo:

1 UPhethro 2:11

Bathandekayo, ngiyalincenga lokhu liyizihambi labemzini ukuba lizigcine ezinkanukweni zomzimba ezilwa lomphefumulo wenu;

1 UPhethro 5:10

Kodwa lapho selihluphekile okwesikhatshana, uNkulunkulu womusa wonke owalibizela ebukhosini bakhe obungapheliyo ngoKristu, yena oqobo uzakuliphelelisa, aliqinise, alinike amandla.