Yàkubà 5:16 - Bible Dzùùngoo Unicode

¹⁶ Tà doùn, ye e tsiì e re gooɲaan fauma rèè rà, y'a dè e si ra, ye Ŋaablà mafyɛ̀n e si kɔ̀, sànko ye cɛrɛmabe. Fàan ni mòdzin tereonmaà rè màfyɛɛ̀n ɲàn, fɔ è bè geren.

Yàkubà 5:16 ပူးပေါင်းရင်းမြစ်များ

Matsiyù 21:22

Àwà, gè o ge, ye y'a gaa màfyɛɛ̀n doùn ko ɲɛyna ka, ye nà à tàrà.»

Matsiyù 3:6

È na e tsiɛ e re gooɲaan fauma rèè rà y'à dè. Y'à to, Yùxanà yè è jaara foò Ŋaablà re shia goo rèè rà Yuridɛn ba rɔn.

Marikì 1:5

Tà doùn, Yude mar'la mòdzian sapɛ, ko Yerusalɛmùn wɔ̀ùndzin neè sapɛ na bèe Yùxanà rè. È na e tsiɛ e re gooɲaan fauma rèè rà y'à dè. Y'à to Yùxanà yè è jaara foò Ŋaablà re shia goo rèè rà Yuridɛn ba rɔn.

Lukì 9:6

Àyìwà, kàràndzin neè yè fù, yè shia sen, yè bèe wɔ̀ rèè ɲàn. Yè Kùnàgoo Dziɔ̀ dè beè mòdzian nà, yè ɲìnìnkɔɔn reè cɛrɛmabe bèe min niì sapɛ.

Yùxanà 9:31

Mùn sapɛ y'a tɔ̀, ci Ŋaablà na e toro wɔɔ gooɲaan fa reè rè waa. Ŋà, nìì reè rè blàbe n'a tsɛ, yè bà à sàɔ shi jiɛ, è toro wɔɔ̀ twɛy rìì lè.

Kɛɛradzin neè faadziɛ 10:38

Ŋaablà to yè e re Dzi Fɛnɛɛ jàaŋ Nazarɛtsika kpiri Yesù tsɛ nìi tsuru, è fààn sin à ra, ye tɔ tɔ̀. Ye yè bà à tɔ̀ sa, ci Yesù fùu tɔ̀un, è tsyeeree beè jàmaàn min niì sapɛ, è goowùɔ fa beè. Sànwɔbaà byɛnbe jiɔ̀ nìì reè sapɛ tsɛ, è twɛy sa cɛrɛmabeè, kàtsu Ŋaablà na ni à re.

Kɛɛradzin neè faadziɛ 19:18

Nìì reè sapɛ na baɔ̀ kàràndzin, twɛy giri na nàa e yɛrɛ ma tɔ̀un, yè nà bo e faadzii ɲaan neè mà, y'à dè fyɛ jàmaà jaa ra.

Kɛɛradzin neè faadziɛ 8:24

Shimɔ̀n dziu twɛy gooma reè myɛ̀n min niì, è dzin tɔ̀un ci: «Ye yɛ̀r'leè yè Tsìfaà màfyɛ̀n mun kɔ̀, sànko ye yɛ nìi deò nèe, tɔ̀ sɔn mà mun tàrà waa.»

Ɔ̀rɔ̀mùnka reè 3:10

À sɛbɛɔ̀n Ŋaablà re Goomaa doùn ci: «Mòò pɛn na tereòn waa, arì mòò sɔn.

Ɔ̀rɔ̀mùnka reè 5:19

Mòò sɔn ne Ŋaablà dzugoomaa shi jiìbɛ̀ybeè to bàu nìi tsuru saabu mòò giri yè bà gooɲaantsiitsi, tɔ̀ soo tsuru, mòò sɔn ne Ŋaablà dzugoomaa shi jiiŋmaà bàu saabu, mòò giri sa yeè kpàdè tereunma.

Kolosika reè 1:9

È ɲɛn tɔ̀ tsɛ, fɔ jisee riì ɲe twɛy kùnàgoo reè myɛ̀un, kudɛyn ɲe ni Ŋaabla mafyɛɛ̀n nà ye re. Ɲe y'à gaa Ŋaablà re, è ye ɲantsyɛn e saɔ twɛ̀ɛ rà, è kòrò à re Dzia rè akiriblabeè sapɛ, ko à re akiridzibeè sapɛ ka.

Tesalonikika reè jɔ̀naà 5:17

Kudɛyn ye Ŋaablà mafyɛ̀ɛn !

Tesalonikika reè jɔ̀naà 5:23

Arì she, jaanciàn tsìfa Ŋaablà yeè e ko e kur'la fɛnɛbe. À yè e akir'là, ko e xɔɔn, ko e gɔɔ̀n sapɛ ladzyèèmaa màrà, jààma mà jà è ra, mùn Tsìfa Yesù Kirisà nà sii sèè waa.

Tesalonikika reè jɔ̀naà 5:25

Neema ì, ye Ŋaablà mafyɛ̀n ɲe sa re.

Dzyèèsìbee mòdzin neè 11:4

Abɛlì ɲɛunmaà kamà Ŋaablà ra, à saaka bou nìi vùn Kayinìn naà mà. Tɔ̀ baraka rɔ̀n, Ŋaablà yeè e tsiiŋ à re blàbee rà, nìi y'à re saakaà, è kpàdè ci à tereòn. Abɛlì kpɛ̀yn saun, ŋà, à ɲɛunmaà kamà Ŋaablà ra, tɔ̀ baraka rɔ̀n, à goomaa arì she ŋe.

Dzyèèsìbee mòdzin neè 11:7

Nuùn ɲɛunmaà kamà Ŋaablà ra, Ŋaabla goo nìì reè dèu à ra, ci è nà fa, twɛy jàbɛ̀ybeè ko e raà sa, Nuùn e si kuun Ŋaablà re goomaa nà. È konkoron bla gbaan lamɔ̀nɔ̀n, sànko à ko e re mòdzìnbee yè tsi. Tà tsuru, à kitsi mɛrɔun e raa waatsia mòdzian tsɛ. À to ɲɛn niì fau Ŋaablà ra, Ŋaablà y'a kpàdèu mòdzin tereonma tɔ̀ kamà.

Dzyèèsìbee mòdzin neè 12:13

Tà doùn, ye jìì shi tsɛ, nìì tereòn, sànko, sànsɔun nèè raa sàn nèè mà bo e si dzu waa, ŋà, yè cɛrɛmabe.

Dzyèèsìbee mòdzin neè 13:18

Ye Ŋaablà mafyɛ̀ɛn mùn ne, kàtsu, ɲe ɲɛɔ̀n à ra, ci ɲe na jàaŋnà e yɛr'la kàjaa pɛn tsɛ waa. Ɲe kpɛ̀yn nìi gaa, tɔ̀ rii yɛ, goo o goo, ɲe jìì saàn yè bà tereòn.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.

Yùxanà jɔ̀naà 3:22

Tà tsuru mìn gè o ge gaa à re, mùn tɔ̀ tàr'la, kàtsu mùn y'a dzugooma xɔù rèè màraɔ̀, mìn bà à dzibee goo reè faa.