Yàkubà 4:1 - Bible Dzùùngoo Unicode

¹ Àwà kaa nìì reè, ko sɔ̀swɛy nìì reè ni ye ko e si fi, twɛy daàn min ? Kur'la goo ɲaan niì reè ni ye ɲan, yè bà ye sùùsuɔ̀, è na daàn mɔn nì ɔ̀ ?

Yàkubà 4:1 ပူးပေါင်းရင်းမြစ်များ

Matsiyù 15:19

Goo nìì reè boò duùn nɔ̀n, tɔ̀ rii yɛ, kɛ̀sɛmà ɲaan neè, ko mòdzìn vua, ko ɲànmɔ̀ɔ̀bee ko kɛ̀kɛ̀ɛ̀ybeè, ko shɔnbeè, ko doò, ko tsoo bara goo reè.

Yùxanà 8:44

Ye fàà rìì Sànwɔbaà, nìi to y'à sàɔ, ye sa sao ni, ye yè tɔ̀ rii fa. Sùtana, tɔ bàu vuifabaa fɔ goo rèè dzunjɔn bwèy, à na to sààbeen tsɛ waa, kàtsu, sààben soo, tɔ̀ na ni à ɲan waa. À ye ba doò dèe, à yɛ̀r'la juɔ nìi, à tɔ̀ rii dèe, kàtsu, à doodebaa, è ba doò fàà.

Ɔ̀rɔ̀mùnka reè 7:23

Ŋà, m'a jàa ci sàrìya kpɛrɛ ni mun gɔɔ̀n min niì sapɛ, nìi ni kaà rà mun akir'là ɲàn raa sàrìyaa ka, è mun bà tsùù gooɲaan raa sàrìyaa rè kàsòdzin, tɔ̀ niì ni mun gɔn nɔ̀n min niì sapɛ.

Ɔ̀rɔ̀mùnka reè 7:5

Àwà, juu bɔrɔɔ na ni mùn ɲan waatsi riì bwèy, sàrìyaa na kur'la goo ɲaan niì reè ɲan fu jia, twɛy na faagoo faa mùn gɔɔ̀n gàne rèè ɲàn, nìi nàfaà naà kpɛrɛ saàn tɛ̀y waa.

Ɔ̀rɔ̀mùnka reè 8:7

È ɲɛn à tsɛ, gɔɔ̀n raa dzibee goo reè, twɛy dzun wɔɔ Ŋaablà ra. È mà na jàaŋnà Ŋaablà re sàrìyaa rè, è to yɛ̀rɛ̀ na dzia à fa tsu waa.

Galatsika reè 5:17

È ɲɛn à tsɛ, goo nìì re dzi gɔɔ̀n rà, twɛy xɔ Ŋaablà re Dzia mà. Nìì reè to dzi Ŋaablà re Dzia rà, twɛy xɔ gɔɔ̀n mà. È fiɛ̀ dzun wɔɔ e si ra, è bè bà ye n'a re ye yè nìi fa, ye na dzia tɔ̀ fa waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tsìmotè fiiraa 2:23

Sɔ̀swɛy gɔ̀rɔ̀, akiribɛy goòmà rèè jɔun bo. W'a tɔ̀, ci twɛy nàa kaà rìì ka.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Tsitè 3:9

Ŋà nìi sɔ̀swɛy gɔ̀r'leè, ko buruju gbaan goòmà rèè, ko kaa goòmà rèè, ko sàrìyaa tsɛ raa dziira sɔswɛɛ, twɛy jɔun bo. È ɲɛn à tsɛ, kùn na ni à ra, nàfa to na ni à ɲan.

Yàkubà 1:14

Mòdzian soo sookɔɔn sapɛ dzuun boò e kur'la goo ɲaan nì kpɛyn. Kur'la goo ɲaan nee y'à sɔ̀ɔn fɔ è bè dzi à dzuun.

Yàkubà 4:3

Ye kɛ̀nsɛɛn y'a màfyɛ̀n, ye na à tàr'la waa, kàtsu à màfyɛ̀ùn'n kur'la na wù waa. À màfyɛ̀n kuàn nì yɛ, ye y'à ka e dzibee goo reè jaa bo.

Piyɛrì jɔ̀naà 1:14

Ye Ŋaablà vu kun a ci dzin gooma myɛnbaa ì. E na ni kur'la goo ɲaan niì reè fyɛ̀ùn tɔ̀bɛ̀ybeè waatsi rɔn, e maà e re jaamabee fa twɛy tsɛ dɛ.

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.

Piyɛrì fiiraa 2:18

Gooma bla blaa ni è dzu, dzin to na ni à doùn. Tà tsuru, mòdzin niì reè ni fìr'là gè doùn, nìì reè yè e tsiɔ twɛy rà yeu, è twɛy màniɛ̀n gɔɔ̀n kur'la goo seeybɛyma reè ka, yè è kùnànban.

Piyɛrì fiiraa 3:3

Soore, ye bà à tɔ̀ ci waatsi latan neè ɲàn, ɲànŋmɛ̀ynfabaa ì nà nà, ɲànŋmɛ̀yn goo reè ni ji nìì reè ɲàn, è yɛ̀r'leè kur'la goo ɲaan neè yè bà è kuru kuɔn.