Yàkubà 3:6 - Bible Dzùùngoo Unicode

⁶ Nɛɛ̀n sa sà rìì. À tsyɛɔ̀n ɲaan nà. À ni mùn gɔɔ̀n gàne rèè fi, è bà mùn gɔɔ̀n ko e kur'la sapɛ noo. À mùn ne jaamabee sapɛ dzua ko sà ka, sà rìi boo jààndamaan yɛ̀r'la doùn.

Yàkubà 3:6 ပူးပေါင်းရင်းမြစ်များ

Matsiyù 12:24

Tɔ̀ goomaa myɛ̀unmaà Faridziɲɛn rèè rè, yè dzin ci: «A ye nèe jà à kwey rèè kaa boò mòdzian kpɛyn, à y'à faa kwey rèè kùntsii blàa rìì baraka ɲan, tɔ̀ niì kir'là Baalizebulì.

Matsiyù 5:22

Ŋà, mun nì ci e ra, mòò o moò nà e vunun ta e modzìnsia ka, tɔ wù è kitsi. Mòò riì nà e modzìnsia ɲɛ̀n ci à manan, à wù tɔ̀ yeè kitsi kitsi kunun kur'là mòdzin neè rè. Mòò riì to nà e modzìnsia ɲɛ̀n ci à fàkɔɔn, tɔ wù jààndamaan sàà ka.

Marikì 7:15

Gè o ge boò da rɔn è bè mòò duùn, tɔ̀ pɛn na mòò noo waa. Ŋà nìi daàn è bo duùn nɔ̀n, tɔ̀ rii mòò noo. [

Lukì 16:24

Nàfòròtsià dziu tɔ̀ jà min niì, è vu bo fààn na ci: "Mun fà Ibraximà, cinan n ma. Lazarì ka, ci è bè e siiniɛn tsun yu rɔ̀n, è nà à ka n nɛɛ̀n cin, tà boshɔ̀ùn, wùù na ni n tsɛ sàden nɔ̀n mìin."

Kɛɛradzin neè faadziɛ 20:30

Arì ye ɲan, mòdzin ì nà jà, yè doò dèe, fɔ yè kàràndzin neè sàn fìrì, yè è gban e kpɛyn.

Kɛɛradzin neè faadziɛ 5:3

Piyɛrì yè Ananiyasì tey tɔ̀ rii ɲàn ci: «Ananiyasì, è bà dzùrù wo y'à to Sùtana yè dzi wo dzuun nèe tsuru. Wo Ŋaablà re Dzi Fɛnɛɛ màniin ! Nìi bàu wo re dzùà ɲɛɛn, wo tɔ̀ sɔn mɛnɛn tou a re, wo yè kòmànà à dzyeè sen na sìn.

Kɛɛradzin neè faadziɛ 6:13

Yè nà shɛɛrɛ doodebaa swey sa ka, twɛy yè nà doò wɔ à ra ci: «Kudɛyn, nèe kpir'lee rìì yè e dzii ɲaan ker'la Ŋaablà re gbà blà fɛnɛɛ ko kɛɛra Musà rè sàrìyaa rà.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Yàkubà 2:7

Yesù tsoo wùù riì ɲɛɔ̀n ye tsɛ, ye rìì na tɔ̀ barabaa rèè gbɛ ?

Yàkubà 3:7

Jòònshua kuan sapɛ, ko kɛ̀yn neè, ko gè nìì reè yè e ger'na e don tsɛ, ko yuun ge reè kuan sapɛ, adamàdzin mòdzin yeè è kor'na, à to yè koroòn.

Piyɛrì fiiraa 3:3

Soore, ye bà à tɔ̀ ci waatsi latan neè ɲàn, ɲànŋmɛ̀ynfabaa ì nà nà, ɲànŋmɛ̀yn goo reè ni ji nìì reè ɲàn, è yɛ̀r'leè kur'la goo ɲaan neè yè bà è kuru kuɔn.

Yùxanà zhììgìraa 1:10

Tɔ̀ kamà min wɔ mɔn, mun nà à taa to e faadziɛ rè. À gooma ɲaan giri dè sìan ɲe ra. Tɔ̀ na à boò waa, è sèè kɔn à na naà neema reè ladɔn, nìì reè sàò to ni ye yè è ladɔn à twɛy jɔun shuà, è kaa bo ɲɛynamoo kur'là doùn.

Goo kpàdèuma rèè 12:9

Kparan ɲan blaa yè maa bo jìrànxɔɔ̀ doùn tɔ̀un, tɔ̀ niì myɛn bɔrɔɔ, è bà kir'là Sànwɔbaà ko Sùtana, nìi mòdzian sàn fìr'la dzɔ̀nxɔɔ̀ tsɛ. À ko e kpɛyn mɛ̀rɛ̀kɛ rèè sa yeè maa dzɔ̀nxɔɔ̀ tsɛ.

Goo kpàdèuma rèè 13:14

Dzi riì sìun à ra è bà tɔ̀ ka kabagoo goo reè faa kparan jɔnaà jaa ra, à tɔ̀ ka dzɔ̀nxɔɔ̀ tsɛ mòdzian sàn fìriu. È dzin è ra, ci kpar'niì mɛ̀ɲɛun kaamun'nà ka à to na san waa, ci yè tɔ̀ ɲɛyn lamɔnɔ̀n.

Goo kpàdèuma rèè 18:23

Fìtsìnà vyee deuma fa jà wo re mɔn dɛ, mòò to fa kɔnɲɔn kpiri ko e re kɔnɲɔn taan vu myɛ̀n wo re mɔn dɛ. È ɲɛn à tsɛ, wo re duru fa reè rìì na dzɔ̀nxɔɔ̀ sapɛ tsɛ mòdzin bla reè, wo to dzɔ̀nxɔɔ̀ tsɛ kuan sapɛ san fìriu ko a re tɔ̀ gòò goo reè ka.»

Goo kpàdèuma rèè 19:20

Kpar'na yè kun tɔ̀un, à ko kɛɛra doodebaà, tɔ̀ niì na tàànmàshɛn kabagooma reè faa kpar'na jaaterema. Kpar'na rè tàànmàshɛɛn na jiɔ̀ nìì reè rà, yè bà à ɲɛɛ̀n blàbee, à na twɛy goo rèè ka twɛy mòdzin neè sàn fìriɔ̀. Tà doùn, kpar'na ko kɛɛra doodebaà fiɛ̀ sa jaama yeè maa sà blà rɔn tɔ̀un, sà nìi gìrìbià sàà.