Yàkubà 1:1 - Bible Dzùùngoo Unicode

¹ Mun Yàkubà, Ŋaablà ko Tsìfa Yesù Kirisà rè jòn kpir'là, nèe mun ne sɛbɛn, m'a ka Isirayɛlidzin neè kun teeŋ fiɛ̀ rè, è gè o ge jee jiɔ̀ dziɲantsiɛ doùn. N ne tswɛy ni è re.

Yàkubà 1:1 ပူးပေါင်းရင်းမြစ်များ

Matsiyù 10:3

Tà shɔ̀ùn Fìlipù yè gban, ko Batelemin, ko Tomà, ko Matsiyù, tɔ xɔnsɔɔntsibaa, ko Àlifù raa dzin kpiri Yàkubà, ko Tadè,

Matsiyù 13:55

À na gɔ̀ɔ̀kpaabaà dzin kpir'la dɛ ? Wò rii naà tsoo na Mariyamùn ɔ̀n ? À tseyn nèè rìì na Yàkubà, ko Yusufù, ko Shimɔ̀n, ko Yudà ɔ̀ ?

Matsiyù 19:28

Yesù yè dzin è ra ci: «Sààben na, mun nì ci e ra, goò sapɛ ye na bà yeu waatsi riì bwèy, Adamà dziàn yè e tsuù e re màsà gbaaniɛn tsɛ, nɔɔrɔɔ̀ màsà gbaaniɛn, ye nìì reè yè e gbaun mun kpɛyn, ye sa nà e tsuù màsà gbaaniin teeŋ fii tsɛ, ye yè kitsia kùnùn Isirayɛlì mòdzian kun teeŋ fii rèè tsɛ.

Marikì 3:18

Andère yeè ɲɛn è tsɛ, ko Fìlipù, ko Batelemin, ko Matsiyù, ko Tomà, ko Àlifù raa dzin kpiri Yàkubà, ko Tadè, ko Kanaaninka kpiri Shimɔ̀n, fàtsiɛ kùùnkààfabaà,

Lukì 22:30

Tɔ̀ kamà, ye nà ɲwɛɛ̀n ɲɔn, ye yè e min mun ka n ne màsàbee gàne rɔ̀n. Ye to nà bà tsùuŋnà màsà gbaaniin ì tsɛ, ye yè kitsia kùnùn Isirayɛlì fàdzìn kuru teeŋ fiɛ̀ mòdzin neè tsɛ.»

Lukì 6:15

Matsiyù yè gban tɔ̀ ra. Tomà yè gban tɔ̀ ra. Àlifù raa dzin kpiri Yàkubà yè gban tɔ̀ ra. Shimɔn tsoo kpɛrɛ yè gban tɔ̀ ra, yè bà tɔ̀ kir'là ci Zhèlɔtsì nìi dzuɔn ci, fàtsiɛ kùùnkààfabaà.

Yùxanà 12:26

Mòò riì ye ba n'a re w'e faagoò fa mun ne, fɔ è gban mun kpɛyn. Tɔ̀ tsuru, mun ye ba ni min niì, mun ne faagoofadzian sa nà bà ni mɔn. Mòò riì ye ba ni faagoò rà mun ne, Fà Ŋaabla nà blà wɔ tɔ̀ ɲan.

Yùxanà 7:35

Tɔ dèu min niì, mòdzian yè e si teè ci: «È bà nà bè min, sànko ɲe mà dzi à jà ? Dzyèèsìbee mòdzin niì reè jee jiɔ̀ yè e tsuù tsùù bè kun kpɛrɛ mòdzin neè fi, è bà nà bè twɛy rìì lè, è kun kpɛrɛ mòdzin neè kàr'na gbɛ ?

Kɛɛradzin neè faadziɛ 1:13

È nàu wɔ Yerusalɛmùn, è dɛ̀rɔɔ̀n yè e si ladzyee sangaso nìi doùn, yè bè dɔ̀n mɔn. À na Piyɛrì, ko Yùxanà, ko Yàkubà, ko Andère, ko Fìlipù, ko Tomà, ko Batelemin, ko Matsiyù, ko Àlifù raa dzin kpiri Yàkubà, ko Shimɔ̀n, nìi kir'là ci Zhèlɔtsì fàtsiɛ kùùnkààfabaà, tɔ̀ yeè kòmànà ɲɛn Yàkubà raa dzin kpiri Yudè tsɛ.

Kɛɛradzin neè faadziɛ 12:17

Tà doùn, Piyɛrì yè e si ŋààn è ra, ci yè e mɛnshɛ̀n. Tà shɔ̀ùn, mùn Tsìfaà y'à bou nìi tsuru kàsoò doùn, è tɔ̀ sapɛ lakɛ̀ɛ̀y è ra. Yàkùbà tsoo kpɛrɛ nìi ni, è dzin, ci yè tɔ̀ ko kàràndzìn dzyee reè sapɛ toro kɔ̀ tɔ̀ goomaa nà. Tà shɔ̀ùn, è bo mɔn, è dɔ̀n be min kpɛrɛkuru.

Kɛɛradzin neè faadziɛ 15:13

Àwà, Polì ko Barinabasì nàu dò goomaa nà waatsi riì bwèy, Yàkubà yè goomaa sen tɔ̀un. À ci: «N neema ì, dòònuùn ye e toro wɔ n ne !

Kɛɛradzin neè faadziɛ 15:21

Tà doùn, fɔ waatsi gbaan, mòdzin ì ni wɔ̀ rèè soo sookɔɔn sapɛ ɲan, twɛy yè bà waajibia faa, yè mòdzian kàr'na kɛɛra Musà rè sàrìyaa rà. Twɛy goo rèè kàr'na ɲànwɔsii sapɛ ŋaablabegba rèè doùn.»

Kɛɛradzin neè faadziɛ 15:23

È sɛbɛn niì wɔu è suun, tɔ̀ doùn goomaa nì siin nèe ci: «Àwà, mùn neema karàndzin ì, ye nìì reè kun kpɛrɛ mòdzin ì, ye yè bà tsùuŋnà Antsiyɔshì wɔ̀ rɔ̀n ko Siiri jamaan ko Silisi jamaan ɲàn, ɲe kɛɛradzin neè ko mìin ɲɛynamoo kur'là jɔundzin neè, mùn ne tswɛy ni e re.

Kɛɛradzin neè faadziɛ 2:5

Tɔ̀ y'a tàrà Ŋaabla goo ni Dzyèèsìbee mòdzin niì reè vunun tsɛ, è ni dziɲantsiɛ min o min, twɛy giri na ni tɔ̀ bwèy fii rɔ̀n Yerusalɛmùn wɔ̀ɔ̀ doùn.

Kɛɛradzin neè faadziɛ 21:18

Tɔ̀ raa gbee, Polì yè bè ɲe ka Yàkubà rè gàne rɔ̀n. Àwà, ɲɛynamoo kur'là bɔɔ rèè, twɛy sa yeè bè e ladzyèè mɔn.

Kɛɛradzin neè faadziɛ 23:26

Tɔ̀ sɛbɛɛn doùn, à ci: «Mun Kloodzì Lisiyasì rìì nèe sɛbɛn nee kaà wo jàmààntsì sɔbɛn Fèlisì rè. M'a tswaà.

Kɛɛradzin neè faadziɛ 26:7

Ɲe re mòò rèè kun teeŋ fii rèè sapɛ ɲɛɔ̀n à ra, ci tɔ̀ làyir'là nà bo e shi tsɛ. Tɔ̀ rii kamà, yè bà e ɲanshiɔ̀ yè Ŋaablà blabee feèn ko bwèè sa. Mun ɲɛn niì faɔ̀ tà goò rà dɛ màsà kpiri Agiripà, Dzyèèsìbee mòdzin neè jàaŋnà mun na, è ɲɛn tɔ̀ rii tsɛ !

Kɛɛradzin neè faadziɛ 8:1

Nìi Sɔlì, tɔ̀ sa kpɛ̀ynto yè e tsiiŋ Etsiyɛnìn vua rà. È sen tɔ̀ jisee rà, yè byɛnbe xɔù mɛɛy ɲɛynamoo kur'là tsɛ Yerusalɛmùn wɔ̀ɔ̀ min niì sapɛ. Tɔ̀un, è sapɛ yeè vwɛ̀yn jee Yude mar'la, ko Samari mar'la ɲàn. Kɛɛradzin neè bàsɔùn nì yè to.

Ɔ̀rɔ̀mùnka reè 1:1

Nèe mun Pol'lè sɛbɛn, Yesù Kirisà rè jòn kpir'là. Mun kiriu min bà kɛɛradzin, min bo n si, min Ŋaablà re Kùnàgoo Dziɔ̀ dè.

Galatsika reè 1:19

Ŋà mun na kɛɛradzin kpɛrɛ jà mɔn Tsìfaà tseyn kpiri Yàkubà tɛ̀y waa.

Galatsika reè 2:12

È ɲɛn à tsɛ, sani mòdzin ì yè bo Yàkubà kpà yè nà, Piyɛrì na ɲwɛɛ̀n ɲɔɔ̀n ko kun kpɛrɛ mòdzin neè ka. Ŋà, fɔ twɛy dziu nà nòn, è mabo è ra ɲaun, è to e dan na, kàtsu à na shiɔ̀ Dzyèèsìbee mòdzin neè jɔun, twɛy nìì reè ni shimaangoo tsɛ.

Galatsika reè 2:9

Àwà Yàkubà, ko Piyɛrì, ko Yùxanà, twɛy nìì reè jàtsi kuɔn ɲɛynamoo kur'là tsindzin neè, twɛy Ŋaablà ɲanwùɔ tɔ̀u mun kàjaa tsɛ. Tà doùn, yè si wɔ mun ko Barinabasì suun dzyèèsìbe tàànmàshɛn, ɲe yè bà ni faagoò fa kun kpɛrɛ mòdzin neè fi, ye y'à fa Dzyèèsìbee mòdzin neè fi.

Filipika reè 1:1

Mun Polì ko Tsìmotè, Yesù Kirisà rè faagoofadzin neè, nèe ɲe re sɛbɛn, è ka Ŋaablà re mòò rèè rè, nìì reè ni Yesù Kirisà ɲàn Filipi wɔ̀ rɔ̀n, è ka ɲɛynamoo kur'là kààwɔbaa rèè ko à goojaabo reè rè.

Tsìmotè fiiraa 4:21

A maxɔbe e nà mùnkɛɛ̀ waatsia jɔun. Ebulì, ko Pudɛnsì, ko Linusì, ko Klodziyà, ko neema dzyee reè sapɛ wo tswàa.

Tsitè 1:1

Mun Polì, Ŋaablà re jòn kpir'là ko Yesù Kirisà rè kɛɛradzian, Ŋaablà mun kaɔ, mun y'à jaara moo rèè wɔ ɲɛynaà tsɛ, tà ko yè sààbeen tɔ̀ è kòrò Ŋaablà jɔun shiɲaanbeè ka.

Piyɛrì jɔ̀naà 1:1

Mun Piyɛrì, Yesù Kirisà rè kɛɛradzian, nèe mun ne sɛbɛn, è sìn Ŋaablà jaara moo rèè rà, twɛy nìì reè jee jiɔ̀ yè bà ni tɔnɔnbee rà Pɔn mar'la, ko Galatsi mar'la, ko Kapadɔsi mar'la, ko Azhi mar'la, ko Bitsinin mar'la ɲàn.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Yudè 1:1

Mun Yudè, Yesù Kirisà rè jòn kpir'la, ko Yàkubà keresia, nèe mun ne sɛbɛn, è sìn Fà Ŋaablà re mòdzin kiriuma rèè rà, à twɛ̀y nìì reè kɛ̀niɔ̀n, è bà è màrà tsùuŋnà Yesù Kirisà rè.

Goo kpàdèuma rèè 7:4

Àwà, tàànmàshɛɛn fyɛ̀ɛ̀ jiɔ̀ nìì reè ten na, min twɛy xɛkɛ myɛ̀n. Mòkun gbaa càànmoò ko gbaa dzyèè ko gbaa nààlen. Isirayɛlidzin neè tsua sapɛ ni è ɲan.