Tsitè 3:8 - Bible Dzùùngoo Unicode

⁸ Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Tsitè 3:8 ပူးပေါင်းရင်းမြစ်များ

Matsiyù 20:4

È dzin twɛy rà ci: "Ye sa y'a wa faagoò rà ɛ̀rɛ̀nzhɛ̀ndzu rɔ̀n. Ye wù sàr'lìi ka mun nà tɔ̀ sìn ye ra."

Yùxanà 12:44

Àwà, Yesù yè nà sɛ̀ɛ̀y nèe tsuru ci: «Mòò riì ye ɲɛn mun na, à na baà ɲɛɔ̀n mun bàsɔùn nà dɛ, ŋà, mòò riì mun ka naɔ, à bàa ɲɛɔ̀n tɔ̀ sa ra.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Kɛɛradzin neè faadziɛ 12:15

Twɛy yè dzin à ra ci: «Fa jiɔ̀ wo ɲan gbɛ ?» Tà ko e sa ra, cangur'la ci à wò rii taki. Yè dzin, ci tà bwèy, à y'à mɛ̀rɛ̀kɛɛ̀ rìì.

Ɔ̀rɔ̀mùnka reè 4:5

Ŋà mòò riì na faagoo faɔ̀ waa, tɔ̀ ye ɲɛn à ra ci Ŋaabla mòò bàa tereunma, mòò riì na shia à jɔun waa, tɔ̀ ɲɛynaà daàn à tsìfa re terenbe.

Korɛntsika reè fiiraa 4:13

À deò Ŋaablà re Goomaa doùn ci: «Mun ɲɛun à ra, tɔ̀ kamà min gooma.» È kòrò tɔ̀ ɲɛyna soo akir'là ka ɲe ɲan, ɲe sa ɲɛɔ̀n à ra, tɔ̀ kamà ɲe yè bà goomaa.

Efɛsika reè 4:28

Mòò riì na shɔnbe faa, tɔ̀ yeè shɔnbeè dzii bà. È maxɔbe, è faagoo dàaŋma fa e yɛr'la si rèè ka, gè riì n'a to mòò riì màgoo ni gè ra, è dzi tɔ̀ kɔ̀.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Tsìmotè jɔ̀naà 2:8

È ɲɛn tɔ̀ tsɛ, m'a gaa kpir'leè yè Ŋaablà mafyɛ̀n min niì sapɛ, è si rèè fɛnɛuma ɲan ye bà seunà, vununta ko sɔ̀swɛy mà bà ni waa.

Tsìmotè jɔ̀naà 5:10

À wù faadzii wuɔ shɛɛrɛbe yeè bà ni à tsɛ. È bà e dzin nèè ladɔun'n kuru wuu fau, è bà bàu tɔnɔn ladɔnbaa, è bà Ŋaablà re mòdzin neè sàn nèè fòoŋ, è bà wɔu byɛnkɔɔn reè rà, è bà goowùɔ kaatsià sapɛ fau.

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Tsitè 1:9

È bà e shiɔ̀ Ŋaablà re goomaa nà mòò ɲɛɛn tɔ̀ niì nà, a ci à kàraun à ra nìi tsuru, è bà ni dzi mòdzian kàràn kàràn takia ka è màxɔ̀n, è sɔ̀swɛ̀y fa reè dzuun bo.

Tsitè 2:14

È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Tsitè 3:1

È taa to, ci yè e majàà kùntsii rèè ko fàan mòdzin neè rè. Yè è vu kun, yè bà ni tsuù goowùɔ sapɛ faa ɲan tsuù ɲàn.

Tsitè 3:14

Mùn ne ɲɛynamoo rèè sa wù yè dɛ̀ɛ̀y goowuu faa rà, è sa yeè bà ni dzi e tsiì swey màgòò wùbè ge ì ka taama. Tà tsuru, è mà bà mòdzin ì, nàfa na ni nìì reè ɲàn waa.

Filemɔ̀n 1:11

À kpɛ̀yn na wo màgoo wube dan waa, ŋà dòònuùn, à wo ko mun sa magoo wubee.

Dzyèèsìbee mòdzin neè 10:24

Y'a to mùn yeè e taa to e si re, mìn si màxɔ̀n kɛ̀nbààbee ko goowuu faa rà.

Piyɛrì jɔ̀naà 1:21

Wò rii baraka ɲan, ye ɲɛɔ̀n Ŋaablà ra, wò riì y'à kpunan bou saàn ɲàn è nɔɔrɔɔ̀ sìn à ra, ye yè bà ni ɲɛn Ŋaablà ra, ye si yè bà xɔ à tsɛ.