Tsitè 2:14 - Bible Dzùùngoo Unicode

¹⁴ È yɛrɛ siun mùn kamà, è bà ni mùn kùngɔ màbo gooɲaan sapɛ suun, tà ko è mùn fyɛ, mìn bà à tsoo ra modzìn ì, nìì reè ni goowuu faa ɲan tsuù ɲàn.

Tsitè 2:14 ပူးပေါင်းရင်းမြစ်များ

Matsiyù 1:21

À nà dzin kpir'li kere. À ye kere, a tsoo wɔ ci Yesù, kàtsu wò rii nà e re mòò rèè tsi bo e re gooɲaantsiɛ ɲàn.»

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Matsiyù 3:12

À re shìmàn fyɛɛ gèè kuuna à suun, à nà tɔ̀ ka shìmaan ɲààn fyɛ bo dziàn ɲàn. Tɔ̀un, è dziàn tsɛ̀ ji bòndoo doùn. Ɲààn, è tɔ̀ fla bo e re kpèndee doùn, à y'à dzu sà ka, sà rìi na dzià waa.»

Yùxanà 10:15

Tɔ ni a ci Fà Ŋaablà mun tɔ̀ nìi tsuru, mun sa yeè bà à tɔ̀. Mun yè n xɔɔn sìan n ne sàà rèè kamà.

Yùxanà 6:51

Ɲwɛyn ge jaama niì boo jìran nɔ̀n, tɔ mun gɔɔ̀n rìì. Mòò riì ye tɔ̀ ɲwɛyn geè sɔn ɲɔn, tɔ nà to tsùù jaamabee rà kudɛyn. Mun nà ɲwɛyn ge nìi sìn, tɔ mun gɔɔ̀n rìì. À sìn kuàn nì, è jaamabee sìn dziɲantsiɛ mòdzian sapɛ ra.»

Kɛɛradzin neè faadziɛ 15:14

Àwà, Shimɔ̀n dzii wɔu à tsɛ ye ra, è ye taa to, ci fɔ goo rèè dzunjɔn bwèy rɔ̀n, a bàu Ŋaablà sao è mòdzin ì bo kun kpɛrɛ mòdzin neè fi, à yè è bà e tsoo ra modzin ì.

Kɛɛradzin neè faadziɛ 15:9

À ɲe ko twɛy sa bau soo, kàtsu twɛy ɲɛn niì fau à ra, à yè è duùn fyɛu tɔ̀ kamà.

Kɛɛradzin neè faadziɛ 20:28

Tà doùn, ye e yɛrɛ kaàwɔ, ye Ŋaablà re sàà kur'là sa kaàwɔ, à re Dzi Fɛnɛɛ twɛy nìì reè kɛ̀ɛ̀yfau ye mà, ye yè bà è kààwɔbaa, ye yè è kuru kun. À yɛ̀r'la tsìɛn nì baraka ɲan, à yè è tàrà bàu e raa.

Kɛɛradzin neè faadziɛ 9:36

Àyìwà, wɔ̀ sɔn na ni, ci Yɔpɛ̀. Tàan sɔn na ni tɔ̀ wɔ̀ rɔ̀n, tɔ̀ sa yeè bà na Yesù rè kàràndzin. Tɔ̀ taàn tsoo na ci Tàbità. Gɛ̀rɛ̀kì goòmà nɔ̀n, ci 'Dɔrɔkasì', nìi dzuɔn ci Dagbɛ. Tɔ̀ taàn na goowùɔ faa kudɛyn, è bà wɔɔ̀ gbakɔɔn reè rà.

Galatsika reè 1:4

tɔ̀ niì yè e yɛrɛ siun mùn ne gooɲaantsiɛ kamà, gè riì ni à to mùn yeè tsi bo nèe dziɲan ree gooɲaan suun, è kòrò mùn Fà Ŋaablà saɔ ka.

Galatsika reè 2:20

Mun kpɛ̀yn ni jaamabee rà, ŋà à na mun ne jaamabe fakɔɔn dɛ waa, Kirisà rìì ni jaamabee rà mun ɲan. È ɲɛn à tsɛ, mun ni jaamabe riì rà gɔɔ̀n kàjaa tsɛ dòònuùn, mun tɔ̀ faa ɲɛynaà nì baraka ɲan Ŋaablà Dzin Kpir'la ɲàn, tɔ̀ niì mun kɛ̀niun, è yɛrɛ sin mun kamà.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Efɛsika reè 1:11

Kirisà rìì ɲàn sa, ɲe ɲankɛrɛun, ɲe to yè bo tsùù Ŋaablà raa fɔ dzunjɔnma nɔ̀n, è kòrò ko à saɔ ka, wò riì goo sapɛ latsigɛ̀ɛ a ci à y'à sàò nìi tsuru.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Efɛsika reè 5:2

Ye e re jaamabee fa kɛ̀nbààbee tsɛ, a ci Kirisà sa mùn kɛ̀niun nìi tsuru, è yɛrɛ sin mùn kamà kwɛ̀yge ko saaka, nìi kinìn dzi Ŋaablà ra.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Tsìmotè jɔ̀naà 2:10

Ŋà è raa màwɔɔ ye byɛ̀n faadzii wuu ì rìì mà, a ci tàan nìì reè ci ye shia Ŋaablà jɔun, twɛy raa faadziɛ ni nìi tsuru.

Tsìmotè jɔ̀naà 2:6

Tɔ̀ yeè e yɛrɛ siun mòdzian sapɛ kungɔ̀ màbò sara. Tɔ bàu shɛɛrɛbe, nìi fau e waatsi ɲan.

Tsìmotè jɔ̀naà 6:18

À dè è ra, ci yè goowùɔ rìì fa, yè bà gètsi faadzii wuɔ kàjaa tsɛ. È si yè bà forouna, è sɔ̀n yè bà byɛɔ̀n yè mòò kɔ̀.

Tsitè 2:7

Goò sapɛ doùn, wo yɛ̀r'la sa yeè bà jaakpadeyra wùù faadzii wuɔ kajaa tsɛ. Sɔ̀bɛ̀nbee ko blàbee yè jà kàr'nà doùn.

Tsitè 3:8

Nèe gooma, mòo dzia ɲɛn nìi rà, mun to y'à gaa wo y'à dè, wo y'à tsi à tsɛ. Tà tsuru, nìì reè sapɛ ɲɛɔ̀n Ŋaabla ra, yè bà ni e maxɔbe, yè bè jɔun goowuu faa rà. Nìi wù, nàfa yè bà ni à ɲan adamàdzin nèè rè, tɔ tɔ̀ rii.

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Dzyèèsìbee mòdzin neè 10:24

Y'a to mùn yeè e taa to e si re, mìn si màxɔ̀n kɛ̀nbààbee ko goowuu faa rà.

Dzyèèsìbee mòdzin neè 9:14

Twɛy gè rèè ye ba dzia mòdzian fɛnɛbe tɔ̀ tsuru, Ŋaablà Jaara Modzìàn raa tsììn niì vùn tɔ̀ sapɛ ma do, tɔ̀ fa mùn duɔ̀n fòò fyɛ bo fabɛy goo reè ɲàn, à to mìn faagoò fa Ŋaablà jaamaa rè ò ? Ŋaablà re Dzi dobɛɛ baraka rɔ̀n, wò rii yè e yɛrɛ siun Ŋaablà ra a ci dzwɛka saaka, fyɛ̀ na ni nìi rà waa.

Yàkubà 4:8

Ye e kpɛrɛ̀ Ŋaablà ra, à sa nà e kpɛrɛ̀ ye ra. Ye gooɲaan fa reè, ye e si rèè fòò. Akirifiitsi rèè, ye e duùn fyɛ.

Piyɛrì jɔ̀naà 1:18

Y'a tɔ̀ ci ye jaamabee fau'n kuru nafà bɛy riì seun shɛn e fa rèè rè, ye kùngɔ mà na bo tɔ suun gè bar'lama ì ka nìi yɛ war'là ko sɛn'na waa.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 2:12

Ye e re jaamabee fa fau'n kuru wuu ra Ŋaabla tɔ bɛy reè fi. Tɔ̀ tsuru è kɛ̀nsɛɛn ye ba doò wɔɔ̀ ye ra ci ye gooɲaanfabaa ì, è nà ye faadzii wuɔ kààwɔ, yè tsoo dzi ɲɛn Ŋaablà tsɛ tɔ̀ bo sii sèè è re.

Piyɛrì jɔ̀naà 2:9

Ŋà ye, ye bàu kun ɲankɛrɛunma, màsà kpir'là rè saakagoojaabobaa ì, jàmààndzin fɛnɛ ì, Ŋaabla nìì reè bàu e raa yè bà ni à re goo blà bla fauma rèè dè, à nìì reè kiri bou tsitsiɛ̀ ɲàn, yè nà à re vyevyee kabagoomaa nà.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Yùxanà jɔ̀naà 1:7

Ŋà mìn ba jìɛ vyevyeè ɲàn a ci à sa ni vyevyeè ɲàn nìi tsuru, mùn bàa e si dzyèèsi ì, à Dzin Kpiri Yesù tsìɛn yè bà mùn fòò boò e re gooɲaantsiɛ ɲàn.

Yùxanà jɔ̀naà 1:9

Mìn ba e tsiɛ à ra ci gooɲaantsiɛ ni mùn vu ra, à vusootsi è bà tereòn. À nà e yɛrɛ to mùn ne, è mùn fòò bo e re terenbɛy goo sapɛ ɲan.

Yùxanà jɔ̀naà 3:2

Mun ne kɛ̀niunma rèè, ɲe kpɛ̀yn Ŋaablà dzin ì dòònuùn, ŋà ɲe nà nà bà nìi, tɔ̀ na kpadè ŋe waa. M'à tɔ̀ ci Kirisà ye na e kpadè, ɲe nà bà à bosi ì, kàtsu, ɲe nà à jà a ci à ni nìi tsuru.

Goo kpàdèuma rèè 1:5

ko Yesù Kirisà, Shɛɛrɛ vusootsià, fùn jɔna kpunaunmaà, dzɔ̀nxɔɔ̀ tsɛ màsa reè raa Màsaa, twɛy sa yeè tɔ̀ fa e re. Àwà, Ŋaablà Jaara Moo Yesù rìi mùn kɛ̀niɔ̀n, è bà mùn tsi bou e re gooɲaantsiɛ ɲàn e tsiɛn baraka rɔ̀n,

Goo kpàdèuma rèè 5:9

È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲantsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan.