Tsitè 2:13 - Bible Dzùùngoo Unicode

¹³ Mìn tɔ̀ fa, mùn si xɔ nìi tsɛ, mìn bà ni tɔ̀ goo blàa màshua rà, ko mùn Tsibaa Yesù Kirisà, mùn ne Ŋaablà blaa nɔɔrɔ nìi nà kpàdè.

Tsitè 2:13 ပူးပေါင်းရင်းမြစ်များ

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Matsiyù 25:31

Yesù yè dzin kɔn ci: «Adamà dziàn ye na nà e nɔɔrɔɔ̀ doùn waatsi riì bwèy, à ko mɛ̀rɛ̀kɛ rèè sapɛ, à nà e tsuù e re màsà gbaaniin nɔɔrɔmaa tsɛ.

Matsiyù 26:64

Yesù yè dzin à ra ci: «Wo rìì y'à dèu. Ŋà, mun nì ci e ra, nèe shɔ̀ùn, ye nà Adamà dziàn tsùuŋma jà Dzitsi Ŋaablà sirama si jaa rè, tà shɔ̀ùn, y'a nàkɔɔn ja jìrànxɔ rɔ̀n mun'na tsɛ.»

Marikì 14:62

Yesù yè dzin tɔ̀un ci: «À mun nì. Ye nà Adamà dziàn tsùuŋma jà Dzitsi Ŋaablà sirama si jaa rè, tà ko y'a nàkɔɔn ja è bo jìrànxɔ rɔ̀n mun'na tsɛ.»

Marikì 8:38

Nèe she raa mòdzin niì reè yè e nɔɔ̀n Ŋaablà re, yè bà gooɲaan faa, àwà mòò riì ci wo seè twɛy jɔun mun ko n ne gooma reè kamà, Adamà dziàn sa ye na nà sii rìi sèè e Fa Ŋaablà nɔɔrɔɔ̀ doùn, ko e re mɛ̀rɛ̀kɛ̀ fɛnɛ reè ka à sa nà seey, ci wò na tɔ̀ tsìfa tɔ̀ waa.»

Kɛɛradzin neè faadziɛ 24:15

Mun kpɛ̀yn ɲɛɔ̀n goo soo ra Ŋaablà re, ci tɔ nà fa, è sa to ɲɛɔ̀n tɔ̀ ra. Tɔ̀ rii yɛ, ci fùn nèè nà sèè kpunan sii sɔn see, mòdzin wuu sen ɲɛn mòdzìn ɲan tsɛ.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Ɔ̀rɔ̀mùnka reè 5:5

Àwà, tɔ̀ sixɔbemaà na mòò màniɛn waa, è ɲɛn à tsɛ, Ŋaablà kɛnbààbee jee jiu mùn dùsùkuan ɲàn à re Dzia baraka rɔ̀n, tɔ̀ niì sìun mùn na.

Ɔ̀rɔ̀mùnka reè 8:18

M'a jàa ci nèe waatsi ree raa byɛnbee, ko Ŋaabla nà nà nɔɔrɔ rìi kpàdè ɲe ɲan, è na e siun goo waa.

Korɛntsika reè jɔ̀naà 1:7

Tà tsuru, mùn Tsìfa Yesù Kirisà nà nà e yɛrɛ kpadè rìi fa, è ye to tɔ̀ màshua rà, Ŋaablà ɲanwùɔ kwɛ̀yge pɛn na ye fɔɔn waa.

Korɛntsika reè fiiraa 4:4

Twɛy ɲɛynabɛy reè, nèe dziɲan ree ŋaablàa twɛy akir'là tsyeeŋna, gè riì ni à to è mà Kirisà, tɔ̀ niì Ŋaablà bosià, tɔ̀ nɔɔrɔɔ̀ Kùnàgoo Dziɔ̀ vyevyeè jà waa.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Kolosika reè 1:23

Ŋà, fɔ ye sàn gbaunma yè to ɲɛynaà tsɛ, goo sɔn pɛn mà dzi ye bo e shɔùn waa. Ye si to xɔ nìi tsɛ Kùnàgoo Dziɔ̀ doùn, e maà e bon wɔ tɔ̀ ra waa, e tɔ̀ Kùnàgoo Dziù rìi goomaa myɛ̀un, è bà dèu gè ɲɛunmaà sapɛ ra dziɲantsiɛ min niì sapɛ. Mun Polì, min bà bàu à faagoofabaa.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Kolosika reè 1:5

Ye si xɔ nìi tsɛ, tɔ̀ yeè bà màrà tsùuŋnà ye re jìrànxɔɔ̀ doùn, tɔ̀ rii y'à saabu. Ye si to xɔ tɔ̀ niì tsɛ, ye tɔ̀ gooma myɛn dɔ̀un bɔrɔɔ sààbeen goomaa nì baraka ɲan, nìi Kùnàgoo Dziɔ̀.

Kolosika reè 3:4

Ye re jaamabee Kirisà rìì. È na e yɛrɛ kpadè sii rìi sèè, ye sa nà kpàdè ko à ka, à nɔɔrɔɔ̀ ɲàn.

Tesalonikika reè fiiraa 2:16

Mùn Tsìfa Yesù Kirisà yɛ̀r'la ko mùn Fà Ŋaablà, twɛy nìì reè mùn kɛ̀niun, yè vununmacin dòbɛy sin mùn na ko siɲɛnma wùù è ɲanwùɔ baraka rɔ̀n,

Tesalonikika reè fiiraa 2:8

Tɔ̀un mòdzìn ɲaan nà e kpadè, Tsìfa Yesù to nà e dzu ŋɔ̀ɔ̀n ka à bara bo mɔ̀n, à y'à bo mɔn peu e seè nakɔɔn kpàdèkɔɔn doùn.

Tsìmotè jɔ̀naà 1:1

Mun Polì, Yesù Kirisà rè kɛɛradzian è kòrò mùn Tsibaa Ŋaablà devuà ka, ko Yesù Kirisà, mùn si xɔ tɔ̀ niì tsɛ,

Tsìmotè fiiraa 1:2

nèe mun ne sɛbɛn, m'a sìn wo Tsìmotè rà, mun dzin kpiri kɛniunmaà. Arì she, Ŋaablà ɲanwùɔ, ko màtsur'la, ko jaanciàn, Fà Ŋaablà, ko mùn Tsìfa Yesù Kirisà yè twɛy sìn a ra !

Tsìmotè fiiraa 4:1

Àyìwà mun y'à dè màxɔbee wo ra Ŋaablà ko Yesù Kirisà jaa ra, tɔ̀ niì nà kitsia kùnùn jaama reè ko fùn nèè sa tsɛ, mun y'à dè màxɔbe à nà jisee ko à re màsàbee tsoo ra,

Tsìmotè fiiraa 4:8

Àwà è sen dòònuùn, terenbee màsà baanflaa màrà tsùuŋnà mun ne. Tsìfaà, kitsikununbaa tereunmaà nà à sìn mun na jisee lataan sii sèè. À fa bà mun bàsɔùn waa, nìì reè sapɛ nà à nà jisee kɛ̀n, à nà à sìn twɛy sa ra.

Tsitè 1:2

Tà tsuru Ŋaablà riì na doò dèe waa, tɔ jaamabe dziù dòbɛy riì làyiri seòn fɔ dziɲan na ɲɛn ŋe, yè bà ni e si xɔbe tɔ̀ tsɛ.

Tsitè 1:4

Nèe mun ne sɛbɛn è sìn wo Tsitè rà, wo rìi mun dzin kpiri taki takì ɲɛynaà baraka ɲan, mùn dzyèeŋnà tɔ̀ niì mà. Arì she, Ŋaablà ɲanwùɔ, ko jaanciàn, Fà Ŋaablà ko mùn Tsibaa Yesù Kirisà yè twɛy sìn a ra.

Tsitè 3:4

Ŋà waatsi riì bwèy, mùn Tsibaa Ŋaablà re wùɔ ko à re kɛ̀nbààbee yè e kpadèu adamàdzin nèè kàjaa tsɛ,

Dzyèèsìbee mòdzin neè 9:28

Tɔ̀ fau'n kuru soo rà, Ŋaablà Jaara Modzìàn sa bàu saaka jaa soo pe rii, è mòdzian rè gooɲaantsiɛ mɛɛy bo è vu ra. À tou è nà e jaa fiira ɲan kɔn. Tɔ̀un, à fa bà gooɲaantsii reè mɛɛy kamà dɛ waa, Ŋà, nìì reè y'à màshua, à nà bà naɔ̀ twɛy rìì tsi.

Piyɛrì jɔ̀naà 1:3

Arì she, tsoo dzi yeè ɲɛn mùn Tsìfa Yesù Kirisà Fà Ŋaablà tsɛ ! È ɲɛn à tsɛ, à ɲan màtsuru brisià kamà, à mùn sèè kereu yeu, Yesù Kirisà sèè kpunaunmaà baraka ɲan è bo fùn nèè fi, mìn bà ni siɲɛnma tàrà, nìi jaama.

Piyɛrì jɔ̀naà 1:7

Àwà sɛn'na bar'la gè rìì, ŋà tà ko e sa ra, à jia sà kɔɔ rè à noo yè bo. Tɔ̀ soo tsuru, ye re ɲɛyna nìi nàfa blà sɛn'na mà, twɛy byɛnbe reè sa ye tàr'la rìì, gè riì ni à to à ɲan ye siin, à wùbee yè tɔ̀, è dzi na tsoo dzi, ko nɔɔrɔ ko blàbe ka ye mà Yesù Kirisà kpàdè sii sèè.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.

Piyɛrì fiiraa 3:18

Ŋà ye bɔɔ bè jɔun ni, mùn Tsìfa ko mùn Tsibaa Yesù Kirisà ɲanwùɔ ko à tɔ̀ɔ̀ doùn. Nɔɔrɔ yè ɲɛn à tsɛ dòònuùn, fɔ waatsi sen ɲɛn waatsi tsɛ ! Àmiinà !

Yùxanà jɔ̀naà 4:14

Nìi ɲe, ɲe y'à jàu, ɲe to y'à shɛɛrɛbe faa, ci Fà Ŋaablà yeè e Dzin Kpir'la ka nau, è nà bà dziɲantsiɛ Tsibaa.

Yudè 1:21

Ye to Ŋaablà re kɛ̀nbààbee doùn, ye bà ni mùn Tsìfa Yesù Kirisà rè màtsur'la màshua rà, jaamabe dziù dòbɛɛ raa.

Goo kpàdèuma rèè 1:7

À siin nèe, à nàa mun'na ɲàn. Jaadzin sapɛ nà à jà, arì nìì reè y'à vɔ̀ tsɔu. Dzɔ̀nxɔɔ̀ tsɛ tsua sapɛ nà gɛyn à kamà. Àmiinà !