Tsitè 1:9 - Bible Dzùùngoo Unicode

⁹ È bà e shiɔ̀ Ŋaablà re goomaa nà mòò ɲɛɛn tɔ̀ niì nà, a ci à kàraun à ra nìi tsuru, è bà ni dzi mòdzian kàràn kàràn takia ka è màxɔ̀n, è sɔ̀swɛ̀y fa reè dzuun bo.

Tsitè 1:9 ပူးပေါင်းရင်းမြစ်များ

Kɛɛradzin neè faadziɛ 18:28

Gooma san gbaunma ì na n'a dzu à nìì reè ka à dè kpàdèe jàmaà nà, ci Dzyèèsìbee mòdzin neè ni fìrì gè doùn. À na Ŋaablà re goomaa kàjaa giri sa ka à kpàdèe è ra, ci Yesù rìì Ŋaablà Jaara Modzìàn.

Korɛntsika reè jɔ̀naà 14:24

Ŋà è ba ni a ci ye sapɛ kɛɛrabe goòmà nì dèe, ɲɛynabɛɛ sɔn, tàmafa à jaa tɔ bɛɛ sɔn ye nà dɔ̀n mɔn, à nà nìì myɛ̀n è bo ye sapɛ dzu, tɔ nà sɔn de à ra è kitsi kunùn à tsɛ.

Tesalonikika reè jɔ̀naà 5:21

Ŋà, y'a sapɛ rii ɲansiin cɛyn, nìi wù, ye tɔ̀ kun gban gban.

Tesalonikika reè fiiraa 2:15

Tà doùn neema ì, e san gbaunma yè to. Mùn goo nìì reè kàraun e ra gooma doùn, tàmafa sɛbɛn kauma ka, ye twɛy kun gban gban.

Tsìmotè jɔ̀naà 1:10

È bà tsùuŋnà kɛ̀kɛ̀ɛ̀y gòò fa reè kamà, ko kpiri ko kpiri gaa reè, ko jòn gɔɔ reè, ko doo de reè, ko nìì reè yè e kɛɛ doò tsɛ, ko goo o goo rìì dzun wɔɔ kàràn takia rà.

Tsìmotè jɔ̀naà 1:15

Nèe gooma, mòo dzia ɲɛn nìi rà, è tsiì à sapɛ ra. Tɔ̀ rii yɛ, ci Yesù Kirisà nàu dziɲantsiɛ doùn, è nà gooɲaan fa reè tsi, min bà è sapɛ jɔna.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Tsìmotè jɔ̀naà 4:9

Nèe gooma, mòo dzia ɲɛn nìi rà, è tsiì à sapɛ ra.

Tsìmotè jɔ̀naà 6:3

Mòò riì kàràn kpɛrɛ sìan, nìi yè e si mùn Tsìfa Yesù Kirisà rè gooma taki reè rà, à ko Ŋaablà jɔun shiɲaanbee goomaa to na soo waa,

Tsìmotè fiiraa 1:13

A gooma taki niì reè myɛ̀un mun dzu, twɛy to a taa ra jaa kpadee raa, ɲɛynaà ko kɛ̀nbààbee baraka ɲan, twɛy nìì reè ni Yesù Kirisà ɲàn.

Tsìmotè fiiraa 2:2

Wo nìi myɛ̀un mun dzu shɛɛrɛ giri jaa ra, tɔ̀ kɛ̀ɛ̀yfa mòdzin ì mà a ɲɛɔ̀n nìì reè rà, è sa yeè bà dzia à kàràn mòò kpɛrɛ ì rà.

Tsìmotè fiiraa 2:25

Sɔ̀swɛ̀y fa reè, è twɛy kàràn ko vununmacin ka. Gè sɔ̀n ge Ŋaabla dzia cinan è mà, yè e re jaamabee lakere, yè sààbeen tɔ̀.

Tsìmotè fiiraa 3:14

Àwà nìi wo, a nìi kàraun, e bà ɲɛɔ̀n à ra, tɔ̀ kun a si fii ka. È ɲɛn à tsɛ, nìì reè wo kàraun à ra, wo twɛy tɔ̀.

Tsìmotè fiiraa 4:3

È ɲɛn à tsɛ, waatsi nàa, nìi doùn mòdzian na naà gaa kàràn takia rà dɛ, ŋà è kòrò è yɛ̀r'la dzibee goo reè ka, nìi dzi è tor'là rà, è nà twɛy dèbaa kààmoo reè kuru brisi gaa e yɛrɛ kɔ.

Tsitè 1:11

Twɛy mòdzin neè dzii rèè tsyee. È tsun'nèè swey ko e kuru kunànbaan ko goo ì ka, nìì na wù è kàràn mòò rà waa, yè nanmara ge tsi.

Tsitè 2:1

Àwà Tsitè, nìi kpɛ̀yn wo, mòdzian kàràn, è kòrò kàràn takia ka.

Yudè 1:3

Mun ne kɛ̀niunma rèè, mùn sa dzyèeŋnà tsii rìi mà, mun sàò na ni min goo sapɛ ko e kuru fa, min sɛbɛn ka ye re tɔ̀ kàjaa tsɛ. Ŋà, à bàu mun mà fààn, min nèe sɛbɛn nee ka ye re, m'a ka ye màxɔ̀n ye yè bà ni ɲɛynaà kaà fa, tɔ̀ niì sìun Ŋaablà re mòò rèè rà jaa soo pe.

Goo kpàdèuma rèè 2:25

Ŋà nìi ni e re, ye tɔ̀ kun gban fɔ min bè nà.

Goo kpàdèuma rèè 3:11

Sani dɛyn, mun nà nà. Nìi ni a re, tɔ̀ kun gban, mòo mà nà to a re màsà baanflaa tsi a ra.

Goo kpàdèuma rèè 3:3

Wo nìi tàrau, tà ko w'a myɛ̀n, a taa to tɔ̀ re, a màrà. Nimisa, e làkere taki dɔn a re jaamabee doùn. Wo m'a a jaara tsiì, mun nà nà a ci shɔn, min nà bàràma wo ɲan. Wo fa mun nà bwey tɔ̀ waa.