Tsitè 1:12 - Bible Dzùùngoo Unicode

¹² È ɲan mòò sɔn, Kɛrɛtsikaa sɔn, tɔ̀ niì è yɛ̀r'la rè kɛɛra, tɔ dziun nèè tsuru ci: «Kɛrɛtsika reè na sààben de jàa, è kparan ɲan ì, yè bà nwɛ̀ynɲan saànmaan ì.»

Tsitè 1:12 ပူးပေါင်းရင်းမြစ်များ

Kɛɛradzin neè faadziɛ 17:28

Wò rii baraka ɲan, mùn ni jaamabee rà, mùn dzia e ɲankwey, xɔɔn yè bà ni mùn na. Ye re ye cee reè swey tɔ̀ rii dèu nèe tsuru ci: "Mùn y'a dzin ì nì."

Kɛɛradzin neè faadziɛ 2:11

Dzyèèsìbee mòdzin ì na ni è ɲan, swey yè bà ni, twɛy dɔɔ̀n Dzyèèsìbee mòdzin neè rè dzinɛɛ ɲàn. Kɛrɛtsika ì na ni ko Àrabu ì. Twɛy mòdzin neè ci: «À baɔ̀ dzùrù nèe mòdzin nee reè yè bà dzia Ŋaablà re kabagoo goo fauma rèè dèe ɲe re kungoòmà rèè ɲàn.»

Kɛɛradzin neè faadziɛ 27:12

Tɔ̀ konkoron tsiimaà naà wù mùnkɛɛ̀ waatsi rɔn waa. Tɔ̀ doùn, mòdzian fàan yè byɛ̀n à mà, ci mìn bo mɔn, mìn Kɛrɛtsi jamaan wɔ̀ sɔn naa konkoron tsiima màkaa ci Fenikisi, mùn nà bè mùnkɛɛ̀ waatsia fa min niì. Tà konkoron tsiima rèe kàjaa sɔn jaa jiɔ̀ jàmaàn kòòdùù tɔɔn ko bwèydoo fia kpàkèrè, kàjaa sɔn jaa yè bà jiɔ̀ wòròdùù tɔɔn ko bwèydoo fia kpàkèrè.

Kɛɛradzin neè faadziɛ 27:13

Fyɛn tswɛyrii sɔn yeè nà e maa, tɔ̀ yeè bo naà wòròdùù tɔɔn kpàkèrè. È na à siɛ̀n, ci tɔ na dzia à to mìn tɔ̀ gàneè kaa kun n dzi. Myɛ̀ɛ̀n kunun gbanàkàntàn nìi konkor'na tsìɛ, yè tɔ̀ bo. Tɔ̀ bou, konkor'na yè e maa è bèe Kɛrɛtsi jamaan tenteèn dzii kpɛyn.

Kɛɛradzin neè faadziɛ 27:7

È bè tàrà jisee giri, mùn ni yuà tsɛ, mìn bèe dɛyn dɛyn. Mìn byɛn cɛyn, mìn kòmànà bè wɔ wɔ̀ sɔn ka sɛ̀rɛ̀n, ci Kinidzì. Ŋà, m'a jà fyɛɛn na e tsiiŋnà, mìn bè tɔ̀ jaateremaà ka waa. Tɔ̀un, ɲe yè e caànan be, ɲe yè bè dɔ̀n gàne sɔn taàkuùn ci Salimonɛ̀, tɔ kòòyua ɲàn dzɔ̀nxɔ̀ gane sɔn dzii gɔngwɛyn, è bà ni jàmàan sɔn ɲan, ci Kɛrɛtsì. Fyɛɛn naà byɛnbe faa mɔn kèrè waa.

Ɔ̀rɔ̀mùnka reè 16:18

È ɲɛn a tsɛ, twɛy mòdzìn tsu rèè na faagoò faa Kirisà, mùn Tsìfaà rè waa, ŋà y'à faa e yɛr'la doòn rìì lè. È dzugoomaa tsiinbee ko e re nanmara goòmà rèè saabu rɔ̀n, è mòdzin kunsɔ̀ɔ̀ma reè sàn fìr'la.

Filipika reè 3:19

È lataan rìì yɛ, yè bara. È doòn rìì yè è re ŋaablà, goo rìi yè è seè goo, yè e yɛrɛ blabee tɔ̀ rii ka, è to na e kɛsɛɛ̀ gèsɔn pɛn na dzɔ̀nxɔɔ̀ tsɛ raa goo rèè tɛ̀y waa.

Tsìmotè jɔ̀naà 4:2

Doodebaa duungoofiitsi rèè nà è sàn fìrì, twɛy nìì reè kɛ̀sɛmàà ni a ci myɛ̀ɛ̀n xe ka gè riì fyɛ̀ jiɔ̀.

Tsitè 1:5

Mun wo tou Kɛrɛtsì gàne rɔ̀n, gè riì ni à to goo nìì reè too màbyɛ̀nàma mɔn, w'e twɛy sɔ̀n byɛ̀ùn'n kuru wube, w'e bɔɔ ì tsùù tsùù be wɔ̀ɔ̀ soo soo sapɛ doùn ɲɛynamoo kur'lèè jɔun, a ci mun y'à dèu wo ra nìi tsuru.

Piyɛrì fiiraa 2:12

È mòdzin neè ni a ci dzwɛkà akiribɛy ì, nìì reè kere kùn yɛ, yè kun yè vu. È na nìi tɔ̀ waa, è tɔ̀ rii tsoo bar'la. È sa nà fyee, a ci dzwɛkà rèè fyeè nìi tsuru.

Piyɛrì fiiraa 2:15

È shi tereunmaà bàjiu, yè e gban Bòzɔrì dzin kpiri Bàlaamùn naa shia kpɛyn, terenbɛybee sàr'là dzibeu tɔ̀ niì rà.