Tsìmotè fiiraa 4:7 - Bible Dzùùngoo Unicode

⁷ Mun kaa wùɔ fau, min vwɛ̀ɛ̀ fa wɔ e daùn, min ɲɛynaà màrà.

Tsìmotè fiiraa 4:7 ပူးပေါင်းရင်းမြစ်များ

Lukì 11:28

Yesù sa yeè dzin à ra tɔ̀un ci: «À kpɛ̀yn tɔ̀ tsuru, ŋà, nìì reè yè e toro wɔɔ̀ Ŋaablà re goomaa rè, y'à bo e shi tsɛ, twɛy rìì laa wùbeu Ŋaablà re è geren kɔn.»

Lukì 8:15

Àyìwà, shìmàndzin neè tɔrɔnmàà bèu kòrò dzù wùù gane riì ka, mòdzin neè swey ni tɔ̀ dzù wùù ganee rìì tsuru. Yè e toro wɔɔ̀ Ŋaablà re Goomaa rè, y'à to e duùn ko duun fyɛ ka, è na boò à tsɛ waa. Twɛy mòdzin neè rìì yè e maxɔbee yè Ŋaablà sao faa kudɛyn.»

Yùxanà 17:6

Àwà, wo mòdzin niì reè tsiu dziɲan na, wo yè è sìn mun na, m'a tou twɛy yè wo tɔ̀. È na wo raa ì rìì, wo to yè è sìun mun na, è to yè wo re goomaa to e duùn.

Yùxanà 4:34

Yesù yè dzin è ra ci: «Mun naa ɲwɛɛ̀n nì yɛ, mòò riì mun kaɔ, min tɔ̀ sàɔ shi jiì, à to faagoo rìi kɛ̀ɛ̀yfaɔ̀ mun mà, min tɔ̀ fa vyɛ e daùn.

Kɛɛradzin neè faadziɛ 13:25

Yùxanà ci e ye wɔ e re faagoò latanma nɔ̀n waatsi riì bwèy, à na dziàn mòdzian nà ci: "Ye mun siɛ̀n tsì rii jaa ka ? Ye mòò riì màshua, tɔ̀ na mun waa ! Ɔ̀ɔɔn, tɔ̀ na mun waa, mun shɔ̀ùn nì, à nà nà. Mun yè bà ni à re seereyn fɛɛ̀ takia foro bo à sàn nà, mun na wù tà tsu ka waa."»

Kɛɛradzin neè faadziɛ 20:24

Mun kpɛ̀yn na sɔɔn n yɛr'la raa jaamabee kpɛyn dɛ, kàtsu, tɔ̀ na gèsɔn pɛn mun ne waa. Mun nìi kaà, Tsìfa Yesù faagoo nìi kɛ̀ɛ̀yfaɔ̀ mun mà, min dzi tɔ̀ fa, m'a vyɛ̀ e daùn. Tɔ̀ rii yɛ, min mòdzian toro kɔ̀ Kùnàgoo Dziɔ̀ rà, Ŋaablà ɲanwùɔ goomaa.

Galatsika reè 2:2

Mun bèu mɔn è ɲɛn goo kpàdèuma nì tsɛ. Mun to Kùnàgoo Dziù rìi dèe kun kpɛrɛ mòdzin neè rà, min tɔ̀ jaa dè jɔundzin neè rà e dan na, gè riì ni à to, mun vwɛ̀yn riì fau ko mun ni vwɛ̀yn riì rà, tɔ mà nà bà goo maana waa.

Filipika reè 1:30

Ye mun jàu tɔ̀ sikun niì rà m'a faa, ye toro yè bà à myɛ̀ɛn arì she ci mun ni à ra, ye sa ni tɔ̀ soo rìì là.

Tsìmotè jɔ̀naà 1:18

Mun dzin Tsìmotè, mun nèe goo rèe kɛ̀ɛ̀yfaa wo mà, è kòrò kɛɛrabe goòmà dè dɔ̀unma rèè ka wo tsɛ, wo yè bà ni kaa wùɔ fa, twɛy baraka ɲan.

Tsìmotè jɔ̀naà 6:12

Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.

Tsìmotè jɔ̀naà 6:20

Àwà Tsìmotè, nìi kɛ̀ɛ̀yfaunà a ma, tɔ̀ màrà. Gooma nafà bɛy reè, nìì reè ko Ŋaabla goòmàà na byɛɛ̀n, e twɛy jɔun bo. È to twɛ̀y goòmà nìì reè ka sɔ̀swɛy faa, sààben to na ni è ɲan waa, e twɛy sa jɔun bo.

Tsìmotè fiiraa 1:14

Gè wùù riì kɛ̀ɛ̀yfaunà a ma, tɔ̀ màrà Ŋaablà re Dzi Fɛnɛɛ baraka rɔ̀n, tɔ̀ niì ni mùn ɲan.

Tsìmotè fiiraa 3:10

Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.

Goo kpàdèuma rèè 3:10

Wo y'à mɔɲɔn niì fau w'e to mun ne goomaa tsɛ, mun sa nà wo màrà dzɔ̀nxɔɔ̀ tsɛ byɛnbe nakɔɔn jɔun, tɔ̀ niì nà dziɲaan ko e kur'la mòdzian sapɛ tarà, è dzuun bo.

Goo kpàdèuma rèè 3:8

Mun wo faadziɛ tɔ̀. À siin, mun dzii san jiɔ̀ wo re, mòò fa dzi nìi tsyee waa. Wo ɲan dzibaabee kpɛ̀yn dzyɛ̀n, ŋà wo mun ne goomaa màrau. Wo na a dziira tsɛ mun na waa.

Goo kpàdèuma rèè 6:11

Tɔ̀un, mɛ̀yɛ̀ blà fyɛ yeè sìn è soo sookɔɔn sapɛ ra, è dè è ra ci yè e mɔɲɔn dɛyn ŋe. Yè e mɔɲɔn dɛyn, fɔ è faagoofasi nìì reè ko è neemasi niì reè ni, twɛy yè bà nà vu è tsuru, yè è dzii tsyɛn, twɛy yè vu.