Tsìmotè fiiraa 3:2 - Bible Dzùùngoo Unicode

² Mòdzian taa fa bà ni mòò mà e yɛrɛ tɛy, è nà ɲɛɛn kɛ̀n, yè bà yɛ̀rɛ̀dèra ì, è blà e yɛr'le, è Ŋaablà tsoobarabaa ì, è na e ker'làgè blàbee, è goowuu tɔ bɛy ì, è màgoo na ni Ŋaabla ɲan.

Tsìmotè fiiraa 3:2 ပူးပေါင်းရင်းမြစ်များ

Matsiyù 15:6

Tɔ̀ ye de nòn, ci à na wɔɔ̀ e blàbe fa a faà rè dɛ. Tà tsuru ye Ŋaablà re goomaa mɛrɔun e re shi bɔrɔɔ kamà.

Lukì 12:15

Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»

Lukì 16:14

Àyìwà, Faridziɲɛn rèè dziu twɛy gooma reè myɛ̀n Yesù dzu min niì, yè jiran à mà, kàtsu è na ɲɛɛn kɛ̀niɔ̀n fɔ è bè geren.

Lukì 6:35

È ba ye, ye e ɲan rèè kɛ̀n, ye goowùɔ fa. Ye tsìì wɔ mòò rà, e maà e ɲɛyn ji tsuù tɔ̀ tsɛ waa. E ye tɔ̀ fa, e naà bàràji bla tarà. Tɔ nà à kpàdè mòdzian nà sa, ci Ŋaablà riì ni jìran nɔ̀n, ye tɔ̀ dzin ì. Wò rii wù mùn sapɛ dzyeèmaa ka, goowuu tɔ bɛy sen ɲɛn mòdzìn ɲan tsɛ.

Kɛɛradzin neè faadziɛ 5:36

À waatsi na ciɔ̀n waa, mùn kpiri sɔn jàu mìin, nìi tsoo ci Tedasì. Tɔ̀ kpir'la fùu mìin, è yɛrɛ ba mòdzin bla, fɔ mòkun caànmoò nààlen tsuru sa yeè bè e gban à kpɛyn. Ŋà, tɔ vuu, à kpɛyn dzin neè sapɛ yeè jee. Mòò na tɔ̀ gooma myɛn tà shɔ̀ùn dɛ.

Ɔ̀rɔ̀mùnka reè 11:18

wo na wù w'a yɛrɛ blabe twɛy sààn neè mà waa. Wo kpɛ̀yn dzia a yɛrɛ blabe, ŋà wo rìì na jiɛ̀ seòn dɛ, jiɛ̀ rìì wo seòn.

Korɛntsika reè fiiraa 5:15

À saun mòdzian sapɛ kamà, gè riì ni à to jaama reè mà jaamabee fa e yɛrɛ kamà dɛ, ŋà mòò riì saun è sèè kpunan è kamà, y'à fa tɔ̀ kamà.

Filipika reè 2:21

È sapɛ yeè e yɛr'la raa nàfaà rìì gaa, pɛn na Yesù Kirisà raà gaa waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tesalonikika reè fiiraa 2:4

Gè o ge kiriu ŋaablà, gè o ge to blàbè ge, ɲaàn nà fù è ji twɛy sapɛ kuùn, fɔ è wɔ è bè e tsuù Ŋaablà blabè gbaà doùn, ci wò rii Ŋaablà.

Tsìmotè jɔ̀naà 1:20

Àwà Imɛnɛ̀ ko Alɛkisandziri sa twɛy mòdzin neè sɔn ni, mun to yè è wɔu Sùtana suun, yè bà ni à kàràn ci ye na kakan Ŋaablà tsoo bara dɛ.

Tsìmotè jɔ̀naà 1:9

Mìn nèe fàànmun: sàrìyaa na tsùuŋnà mòdzin tereonmaà kamà waa fɔ terenbɛy reè, ko mòdzin mabaunma rèè, ko nìì reè na shia Ŋaablà jɔun waa, ko gooɲaan fa reè, ko nìì reè màgoo na ni Ŋaablà ɲan waa, ko Ŋaabla tɔ bɛy reè, ko nìì reè yè e fa vua, nìì reè yè na vua, ko mòdzìn vu reè.

Tsìmotè jɔ̀naà 3:3

À mà bà mììnfabaa waa, à to mà bà mòdzin vunun ɲan waa. Ŋà è bà mòdzin vunun ma dzi, kaa na dzi à ra waa, à to na ɲɛɛn kɛ̀niɔ̀n waa.

Tsìmotè jɔ̀naà 6:10

È ɲɛn à tsɛ, ɲɛɛn kɛ̀nbààbee rìì gooɲaan sapɛ jiɛ̀. À saabu ɲan, mòò giri yè e dan gbànbeu ɲɛynaà nà, yè byɛnbe giri ji e yɛrɛ tsɛ.

Tsìmotè jɔ̀naà 6:4

tɔ mòdzin, nìi tsyɛɔ̀n yɛ̀rɛ̀blàbeè rà, à na gèsɔn pɛn tɔ̀. Sɔ̀swɛy gɔ̀r'la ko gooma ì kùùn kaa, twɛy rìì ɲinin ni à ra. Twɛy rìì nàa jaaɲininbeè, ko kaà, ko tsoo bar'la, ko ŋɛ̀nɛ̀ɲàn ɲaan,

Tsìmotè fiiraa 3:4

è jàànfà moo ì, è goo fa beè e kun nè, è ɲantsyɛɔ̀n yɛ̀rɛ̀blàbeè rà, dziɲaan dzibee goo reè rìì dzi è ra, è geren Ŋaablà tsɛ.

Yàkubà 2:8

E kpɛyn ye ba Ŋaablà re màsàbee shi kpadèuma rèè shi jiɛ a ci à sɛbɛɔ̀n à re Goomaa doùn nìi tsuru ci: «A modzìnsia kɛ̀n jàci a yɛr'la», tɔ̀ fakɔɔn wù e re.

Yàkubà 4:16

Ŋà dòònuùn ye e yɛrɛ deè, ye yè tɔ̀ ka e yɛrɛ blabe. Tɔ̀ yɛ̀rɛ̀blàbe nìi yɛ, tɔ̀ na wù waa.

Yàkubà 4:6

È ɲɛn tɔ̀ sapɛ tsɛ, à ɲanwùɔ mùn ka, tɔ blà fɔ è bè geren. Àwà à deò à re Goomaa doùn ci: «Nìì reè blà e yɛr'le, Ŋaabla kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì jɔ̀naà 5:5

Tɔ̀ soo tsuru, ye dzunwɛyn neè sa yeè e majàà bɔɔ rèè rè. E re goo rèè doùn e ko e si fi, e sapɛ yeè e majàà e si re, è ɲɛn à tsɛ à deò Ŋaablà re Goomaa doùn ci: «Nìì reè blà e yɛr'le, Ŋaablà kaa faa twɛy ka, è bà e ɲanwùɔ kpàdèe mòdzin majàaŋma rèè rà.»

Piyɛrì fiiraa 2:10

Gooma na ni nìì reè vwɛ̀ɛ gɔɔn raa goo rèè kpɛyn è ɲɛn è kur'la goo nooŋma rèè tsɛ, yè bà Tsìfaà rè kùntsììbee ɲanfyɛnbee. È kùun xɔ, è blà e yɛr'le, è to yè bà ni jìrànxɔɔ̀ nɔɔrɔ ge reè tsoo bara, tɔ̀ shiɲaanbe na ni è ra.

Piyɛrì fiiraa 2:12

È mòdzin neè ni a ci dzwɛkà akiribɛy ì, nìì reè kere kùn yɛ, yè kun yè vu. È na nìi tɔ̀ waa, è tɔ̀ rii tsoo bar'la. È sa nà fyee, a ci dzwɛkà rèè fyeè nìi tsuru.

Piyɛrì fiiraa 2:18

Gooma bla blaa ni è dzu, dzin to na ni à doùn. Tà tsuru, mòdzin niì reè ni fìr'là gè doùn, nìì reè yè e tsiɔ twɛy rà yeu, è twɛy màniɛ̀n gɔɔ̀n kur'la goo seeybɛyma reè ka, yè è kùnànban.

Piyɛrì fiiraa 2:3

È re ɲɛyn goo ɲanbee kamà, è nà ye bà durukun, e re doo kar'neè ka. Fɔ waatsi gbaan è kitsia ni sààn, è bar'la dàn to na gbàn dɛ.

Yudè 1:16

Kudɛyn ŋùnùnŋùnùn vu na do jàa ye rìì dzu e re jaamabee kamà, è taama to na dzi. È yɛ̀r'leè kur'la goo ɲaan neè rìì yè kuru kuɔn, gooma bla blaa yè bà ni è dzu. Yè nɛɛ̀n wɔɔ̀ mòdzian dzuun e yɛr'la nàfaà kamà.

Goo kpàdèuma rèè 13:1

Àyìwà tà shɔ̀ùn kɔn, min kparan sɔn bokɔɔn ja kòòyu rɔn. Kùngɔ ɲɛ̀ɛ̀nun ni à re, ko bin tsyeùn. Màsà bàànflɛ̀ɛ̀rii tsyeùn ni bin nèè tsɛ, Ŋaablà tsoo bara goòmà ì yè bà sɛbɛɔ̀n kùngɔ rèè tsɛ.

Goo kpàdèuma rèè 16:11

Yè jìrànxɔ rɔ̀n Ŋaablà tsoo bara e re ɲìnìnbe reè ko e re ɲuun neè kamà, ŋà tɔ̀ pɛn na à to yè nimisa, yè sèè bo e faadzii ɲaan neè kpɛyn waa.

Goo kpàdèuma rèè 16:21

Sankaamadzin bla bla ì yè boò jìrànxɔ rɔ̀n, yè mɛɛ̀ mòdzian tsɛ, è na gè vùnbè san. È bè wɔ, mòdzian yè Ŋaablà tsoo bara goòmà rèè dèe sankaamadzian raa gooɲaan kamà, kàtsu tɔ̀ gooɲaan si tsiu.

Goo kpàdèuma rèè 16:9

Tà doùn, bwèy ŋɔɔn yè mòdzian dzu cɛyn, è bè wɔ, yè Ŋaablà tsoo bar'la, dzi ni tɔ̀ niì rè twɛy gooɲaan neè tsɛ. È na e tsiì yè nimisa, yè làkere dɔn e re jaamabee doùn, y'à nɔɔrɔɔ̀ kpàdè waa.