Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tsìmotè fiiraa 2:2 - Bible Dzùùngoo Unicode

2 Wo nìi myɛ̀un mun dzu shɛɛrɛ giri jaa ra, tɔ̀ kɛ̀ɛ̀yfa mòdzin ì mà a ɲɛɔ̀n nìì reè rà, è sa yeè bà dzia à kàràn mòò kpɛrɛ ì rà.

အခန်းကိုကြည့်ပါ။ ကော်ပီ




Tsìmotè fiiraa 2:2
33 ပူးပေါင်းရင်းမြစ်များ  

È dzin è ra ci: «Tɔ̀ kamà, Sàrìryà Kaamoo ge o ge ye ba Jìrànxɔɔ̀ Màsàbee doùn kàràndzin, tɔ bàa boo gbàtsi re, nìi gè ye ì ko gè bɔrɔɔ ì sa boò e re nàfòrò marama nɔ̀n.»


Yesù yè dzin à ra ci: «Wo re o, mòo dzia ɲɛn gbàà goojaabobaa rìi rà à akiri yè bà dzi, tɔ mòdzìn kaatsi kɛ̀n ? Tɔ mòdzin, à kùntsiɛ̀ y'à tsùɔ e re gbàà doùn jòn dzyee reè kùùn, è bà ni è re ɲwɛɛ̀n sìn è ra e waatsi ɲan.


Tɔ̀ to y'à tàrà, nìi gaa goojaabobaà rè, tɔ̀ rii yɛ, mòò yè ɲɛn à ra.


Baraka yè sìn Ŋaablà ra, wò riì mùn bàa dzibaa e ka waatsia sapɛ doùn Kirisà baraka rɔ̀n, à y'à to ɲe saabu rɔ̀n Kirisà yè tɔ̀ min niì sapɛ, a ci ɲinin kinin dziù.


À na ni a ci ɲe yɛ̀r'leè rìì dzia goò sɔn fa e yɛrɛ ma a ci à boo ɲe yɛ̀r'leè rìì ɲàn dɛ ! Ayi, ɲe raa dzia boo Ŋaablà rii lè.


Epafarasì, ɲe faagoofasi kɛ̀niunmaà tɔ̀ rii tɔ̀ kàr'nà sìun ye ra. À Kirisà rè faagoofadzin vusootsi, è bà faagoò faa ye re.


Mun baraka sìan mùn Tsìfa Yesù Kirisà rà, tɔ̀ niì fààn wɔu mun ɲan. Mun baraka sìan à ra, è ɲɛn à tsɛ à ɲɛun mun na, è mun tsùù e re faagoò tsɛ,


Mun dzin Tsìmotè, mun nèe goo rèe kɛ̀ɛ̀yfaa wo mà, è kòrò kɛɛrabe goòmà dè dɔ̀unma rèè ka wo tsɛ, wo yè bà ni kaa wùɔ fa, twɛy baraka ɲan.


Ŋaablà ɲanwùɔ kwɛ̀yge rìi sìun a ra, è ɲɛn kɛɛrabe goòmà tsɛ, ko ɲɛynamoo kur'là bɔɔ rèè si tsùuŋmaà a tsɛ, m'a tɔ̀ bo a si bònè waa.


Àwà wo ye neema reè kàràn tɔ̀ ra, wo nà bà Yesù Kirisà rè faagoofadzin wuu, ɲɛynaà gooma reè ko kàràn wùɔ baɔ̀ wo xɔɔn ɲwɛyndzii, wo y'à gbaɔn twɛ̀y nìì ree kpɛyn.


Maà a si tabe tsuù mòò pɛn tsɛ e faagoo kɛ̀ɛ̀yfa à mà Ŋaa re gbàà doùn. Maà a ba mòò pɛn tɛ̀y e re gooɲaan doùn. À to e bà fyɛɔ.


Ɲɛynaà kaa wùɔ fa, e jaamabe dziù dòbɛɛ kun gban gban, Ŋaabla wo kiriu tɔ̀ riì kamà, wo yè bà à shɛɛrɛbe wuu bou shɛɛrɛ giri jaa ra.


Ŋà nìi wo, wo mun sàn siin kàjaa sapɛ tsɛ, wo y'à gban mun kpɛyn. Kàr'nà kàjaa tsɛ, jìì saàn kàjaa tsɛ, goo farama rèè kàjaa tsɛ, ɲɛynaà kàjaa tsɛ, mɔ̀ɲɔɔn kàjaa tsɛ, kɛ̀nbààbee kàjaa tsɛ, ɲànshia kàjaa tsɛ.


Àwà nìi wo, a nìi kàraun, e bà ɲɛɔ̀n à ra, tɔ̀ kun a si fii ka. È ɲɛn à tsɛ, nìì reè wo kàraun à ra, wo twɛy tɔ̀.


Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ