Tsìmotè fiiraa 1:3 - Bible Dzùùngoo Unicode

³ Mun baraka sìan Ŋaablà ra, mun faagoò faa tɔ̀ niì rè ko duunfyɛ ka, a ci mun fàbɔɔ rèè y'à fau nìi tsuru. Kudɛyn wo tsoò ni tsuù mun dzu n ne Ŋaabla mafyɛyn nèè doùn.

Tsìmotè fiiraa 1:3 ပူးပေါင်းရင်းမြစ်များ

Lukì 2:37

Tà shɔ̀ùn, tɔ̀ kpir'la yè dò, à y'à to. Tɔ̀un, Anì yè to e soone, à sìà yè bè wɔ fɔ jii cɛɛ̀n ko dzin nààlen. Kudɛyn, à na ni Ŋaablà re gbà blàa fɔɔn doùn. Feèn ko bwèè sa, à na goo faa Ŋaablà re, nìi yɛ, à suàn wɔɔ̀, è bà Ŋaablà mafyɛ̀ɛn.

Kɛɛradzin neè faadziɛ 22:3

«Mun Dzyèèsìbee mòdzin ni. Mun kereu Tarisì wɔ̀ rɔ̀n nì, Silisi jamaan ɲàn. Ŋà, mun lamɔ̀nɔun mìin nì Yerusalɛmùn. Mòò riì na mun kàrànfaà, tɔ̀ na Gamaliyɛl'lì. Wò rii mun kàraun ɲe fàbɔɔ rèè rè sàrìya reè jaa taki taki ra. Mun na Ŋaablà raa goò jiɔ̀ n ɲiun, a ci ye sa yɛ nìi tsuru she.

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

Kɛɛradzin neè faadziɛ 24:14

Sààben fyan, mun kpɛ̀yn nìi tɔ̀, min bà dzia à dè wo ra, tɔ̀ rii yɛ, ci mun goo faa Ŋaablà rii lè, ɲe fà rèè rè Ŋaablàa, min bà Tsìfa Yesù raa shia jìɛ. Ye ci tɔ̀ shia na sààbèn goo waa, ŋà, nìi sapɛ sɛbɛɔ̀n sàrìyaa kìtaabuà doùn, ko kɛɛra reè rè kìtaabu rèè doùn, mun ɲɛɔ̀n tɔ̀ sapɛ ra.

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Kɛɛradzin neè faadziɛ 26:4

Àwà, è sen fɔ mun dzunwɛynkɔɔn nà, min ne goo rèè shi jiiŋ nìi tsuru, è mun to n ne mòò rèè fi, tà ko Yerusalɛmùn, Dzyèèsìbee mòdzin neè sapɛ tɔ̀ tɔ̀.

Kɛɛradzin neè faadziɛ 27:23

Àwà, mun Ŋaablà riì raa, min bà faagoò faa à re, tɔ̀ re mɛ̀rɛ̀kɛ sɔn nàu e yɛrɛ kpadè mun na fen nɔ̀n.

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Galatsika reè 1:14

Mun na bèe jɔun Dzyèèsìbee mòdzin neè rè dzinɛ shià jìɛ̀ doùn, min bà ni n jaasi kur'là mòò giri jɔun ɲe kuan ɲàn. Wɔ̀dzùùnta na ni mun ɲan fɔ à si yè bè tsi mun fà rèè rè goo bɔrɔɔ shi rèè jìɛ̀ doùn.

Efɛsika reè 1:16

kudɛyn mun baraka sìan Ŋaablà ra ye kamà, mun taa to yè bà ni ye mà n ne Ŋaabla mafyɛyn nèè doùn.

Tesalonikika reè jɔ̀naà 3:10

Fen sen ɲɛn bwèy tsɛ, ɲe ni Ŋaablà mafyɛ̀ɛ̀n nà kudɛyn, è bà ni à to ɲe yè ye sèè jà. Tà tsuru, nìi ye fɔɔn ɲɛynaà doùn, ɲe yè tɔ̀ dzii tsyɛn.

Tsìmotè jɔ̀naà 1:19

Tɔ̀ fa, e ɲɛynaà màrà ko kɛ̀sɛmà wùù ka. Swey tɔ̀ akir'là maaŋ, è bà baragoò è mà ɲɛynaà kàjaa tsɛ.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè jɔ̀naà 5:5

Fùnshɔ̀ùntaan takia, nìi too e soone, tɔ̀ yeè e sixɔbeò Ŋaablà tsɛ è bà à màfyɛ̀ɛn fyɛ̀ùn'n kur'la sapɛ, feèn ko bwèè sa.

Tsìmotè fiiraa 1:5

Ɲɛyna fyɛuma nìi ni wo ɲan, mun taa ni tɔ̀ re. Tɔ̀ niì bàu ni wo nabɔɔ Loyisì ko wo na Enisì jɔ̀na ɲan, mun ɲɛunà à ra ci tɔ̀ soo ni wo sa ɲan.

Tsìmotè fiiraa 3:15

Fɔ wo dziinkoomɛyniinkɔɔn nà, wo Ŋaablà re Kìtaabuà tɔ̀. Tɔ̀ rii dzia wo bà akiritsi, wo yè bà ni tsi ɲɛynaà baraka rɔ̀n, Yesù Kirisà ɲàn.

Dzyèèsìbee mòdzin neè 13:8

Ŋaablà Jaara Moo Yesù na ni nìi tsuru kuru, à ni tɔ̀ rii tsuru she, à to nà to tsùù tɔ̀ rii tsuru kudɛyn.