Ɔ̀rɔ̀mùnka reè 9:8 - Bible Dzùùngoo Unicode

⁸ Tɔ̀ dzuɔn nì yɛ, ci nìì reè dzin adamadzinbee kàjaa tsɛ, à na ni a ci twɛy rìì Ŋaablà dzin ì waa, ŋà nìì reè dzin è ɲɛn làyir'là tsɛ, twɛy rìì daɔn Ibraximà tsua dzin taki reè.

Ɔ̀rɔ̀mùnka reè 9:8 ပူးပေါင်းရင်းမြစ်များ

Matsiyù 3:9

E maà à ji e duùn, ye dzin ci ye Ibraximà tsua dzin ì dɛ ! Àwà, mun nì ci e ra, è ba tɔ̀ rii, arì kpàà niì reè yɛ nèe, Ŋaabla dzia è lakere ba Ibraximà tsua dzin ì.

Yùxanà 1:13

Mòdzin ker'là kereu'n kur'liì rà kpiri ko tàan raa sàɔ doùn, à na ni a ci è bàu tɔ̀ rii tsuru Ŋaablà dzin ì dɛ, ŋà, Ŋaablà yɛr'la rìì yè è bàu e dzin ì.

Ɔ̀rɔ̀mùnka reè 8:14

Àwà, Ŋaablà re Dzia nìì reè sapɛ kuru kuɔn e re jaamabee doùn, twɛy sapɛ Ŋaablà dzin ì.

Ɔ̀rɔ̀mùnka reè 8:16

Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Ɔ̀rɔ̀mùnka reè 8:19

Àwà Ŋaablà re gè ɲɛunma rèè sapɛ kɔɔtɔɔ nìi rà, yè bà à màshua, tɔ̀ rii yɛ, Ŋaablà dzin nèè yè kpàdè.

Dzyèèsìbee mòdzin neè 11:11

Nìi Saràn, tɔ̀ sa ɲɛunmaà kamà Ŋaablà ra, à ko e re dzin kerebɛybeè sa, à dziu don sen, è dzin kere, tɔ̀ to y'à tàrà, à sìà na gereon dzin kere ma. Àwà, Saràn na à tɔ̀, mòò riì làyir'lèe seòn, tɔ̀ yeè bà Ŋaablà, tɔ vusootsi.