Ɔ̀rɔ̀mùnka reè 9:1 - Bible Dzùùngoo Unicode

¹ Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Ɔ̀rɔ̀mùnka reè 9:1 ပူးပေါင်းရင်းမြစ်များ

Ɔ̀rɔ̀mùnka reè 1:9

Mun faagoò faa Ŋaablà riì rè ko n duɔ̀n sapɛ ka, à Dzin Kpir'la rè Kùnàgoo Dziɔ̀ dèè doùn, tɔ̀ sa mun shɛɛrɛ, ci mun taa ni tsuù ye mà kudɛyn.

Ɔ̀rɔ̀mùnka reè 2:15

È fau'n kur'la y'à kpàdèe ci sàrìyaa ci nìi yè fa, tɔ sɛbɛɔ̀n è dùsùkuan tsɛ. È akir'là sa y'a shɛɛrɛbe faa, nìi doùn è kɛ̀sɛmàà yè è jààkia waatsia sɔn ɲan, waatsia sɔn ɲan è dzi sìn è ra.

Ɔ̀rɔ̀mùnka reè 8:16

Tɔ̀ Dzi niì Ŋaablà re Dzia, tɔ̀ yɛ̀r'la y'à shɛɛrɛbee faa ɲe akir'là rè, ci ɲe Ŋaablà dzin ì.

Ɔ̀rɔ̀mùnka reè 9:2

ci mun taama ŋununbeuma bla ni, mun vunuun yeè bà kɔ̀n tsùuŋnà kudɛyn.

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 1:23

Ŋaablà ye n shɛɛrɛ. N naà nìi dè, à ma ba sààben min san. A y'a jà mun na be Korɛntsì, mun tɔ̀ fau nì, min ye tààn.

Korɛntsika reè fiiraa 11:10

È ɲɛn Kirisà rè sààbeen tsɛ tɔ̀ niì ni mun ɲan, è bè Akayi mar'la min niì sapɛ, mòò pɛn fa dzi tɔ̀ goò yɛ̀rɛ̀blàbee sà dzi mun ɲan waa.

Korɛntsika reè fiiraa 11:31

Tsoo dzi ye ɲɛn Ŋaa tsɛ kudɛyn, mùn Tsìfa Yesù Kirisà Fàà, tɔ̀ y'a tɔ̀ ci mun na doò dèe waa.

Korɛntsika reè fiiraa 12:19

Fɔ waatsi gbaan y'a kɛ̀sɛɛ̀ ci ɲe yè e dzi rìì dèe ye jaa ra. Ayi, à na tɔ̀ tsuru waa. Ɲe goomaa Ŋaablà rii jaaterema, Kirisà ɲàn. Àwà neema kɛniunma rèè, ɲe tɔ̀ sapɛ faa ye rìì yè bà ni fààn tarà.

Galatsika reè 1:20

Ŋaabla mun shɛɛrɛ, ci mun yɛ nìi sɛbɛn siàn ye ra, à na doo goòmà waa.

Filipika reè 1:8

Ŋaablà yɛr'la mun shɛɛrɛ, ci ye sapɛ goojaa ni mun duùn fɔ è bè geren, è ɲɛn Yesù Kirisà ɲàn kɛ̀nbààbe brisià tsɛ.

Tesalonikika reè jɔ̀naà 2:5

Ye sa y'a tɔ̀ ci ɲe na gooma ì dè jà nìì reè mòdzìn mànììn goòmà ì, à ŋɛ̀nɛ̀ɲan to na ja jà ɲe ɲan, ɲe yè mòò ɲɔn. Ŋaabla ɲe shɛɛrɛ.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Tsìmotè jɔ̀naà 2:7

Tɔ̀ rii kamà, Ŋaabla mun bàu waajibifabaa ko kɛɛradzin. È mun bà kun kpɛrɛ mòdzin neè kàrànfa, min ɲɛynaà ko sààbeen kàràn è ra. Mun sààbeen rìì dèe, mun na doò dèe waa.

Tsìmotè jɔ̀naà 5:21

M'a gaa wo re gaaŋ'n kur'la sapɛ, Ŋaablà ko Yesù Kirisà ko mɛ̀rɛ̀kɛ ɲankɛrɛunma rèè jaa ra, e nèe goo rèe rèè shi jiì, a maà mɛɛy mòò tsɛ, a to mà mòò bo mòò ɲàn.