အွန်လိုင်း သမ္မာကျမ်းစာ

« အရင်

နောက်တစ်ခု »

Ɔ̀rɔ̀mùnka reè 8:7 - Bible Dzùùngoo Unicode

⁷ È ɲɛn à tsɛ, gɔɔ̀n raa dzibee goo reè, twɛy dzun wɔɔ Ŋaablà ra. È mà na jàaŋnà Ŋaablà re sàrìyaa rè, è to yɛ̀rɛ̀ na dzia à fa tsu waa.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

Ɔ̀rɔ̀mùnka reè 8:7
28 ပူးပေါင်းရင်းမြစ်များ

Matsiyù 12:34

È fɔnfwɛyn kur'là jà ! Ye dzia gooma wuu ì dè dzùrù, ye to na gè ɲànbè san ! Goo nìì reè duɔ̀n tsyɛɔ̀n, dziɛ̀ twɛy rìì dèe.

အခန်းကိုကြည့်ပါ။

Matsiyù 5:19

Tà doùn, mòò o moò ye to Ŋaablà dzugooma xɔù rèè soo latsùù bɛy, arì è ɲan kiɲaaniàn, è mòdzian kàràn ci è sa y'a fa tà tsuru, tà tsìfa sa nà kiri Jìrànxɔɔ̀ Màsàbee doùn mòdzin kiɲaaniàn. Mòò o moò to nà è shi jiì, à yè è kàràn dzyee rèè sa ra, tɔ nà kiri Jìrànxɔɔ̀ Màsàbee doùn mòdzin blaa.

အခန်းကိုကြည့်ပါ။

Yùxanà 7:7

Ye goo fa dzi xɔbe dziɲan modzian mà waa, ŋà mun, mun goò xɔ è mà, kàtsu mun dziɲan modzian faadzii ɲaan kpàdèe.

အခန်းကိုကြည့်ပါ။

Ɔ̀rɔ̀mùnka reè 1:28

È na e tsiì yè Ŋaabla tɔ cɛyn nìi fa waa, tɔ̀ kamà Ŋaablà sa yeè è ko e akiri ɲaan to e si ra, yè goo dàà bɛɛ faa.

အခန်းကိုကြည့်ပါ။

Ɔ̀rɔ̀mùnka reè 1:30

È mòdzìn tsòò barabaa ì, è Ŋaablà ɲan ì, è dzu gaa faa, è blà e yɛr'le, è yɛ̀rɛ̀dèra, è jaara sàn ɲaan ka, è na ker'làgè blàbee.

အခန်းကိုကြည့်ပါ။

Ɔ̀rɔ̀mùnka reè 3:31

Tɔ̀ y'a kpàdèe ci ɲɛynaà kamà, ɲe sào ni ɲe yè sàrìyaa bà gè nàfà bɛy gbɛ ? Ayi dɛrɛ, à na tɔ̀ tsuru waa. Ɲe yɛ̀rɛ̀ to nìi kpàdèe, tɔ̀ rii yɛ ci sàrìyaa gè nàfàma.

အခန်းကိုကြည့်ပါ။

Ɔ̀rɔ̀mùnka reè 5:10

Àwà è ɲe to Ŋaablà ɲan ì, ɲe ko à fia ye ba dziu lamɔnɔ̀n à Dzin Kpir'la saàn yè bà saabu, à fyɛɔ ci tɔ̀ làmɔn'na shɔ̀ùn, à re jaamabee baraka rɔ̀n, ɲe nà tsi.

အခန်းကိုကြည့်ပါ။

Ɔ̀rɔ̀mùnka reè 7:22

Àwà, mun duùn nɔ̀n, Ŋaablà re sàrìyaa goò dzi mun na.

အခန်းကိုကြည့်ပါ။

Ɔ̀rɔ̀mùnka reè 8:4

Tɔ fau, gè riì n'a to sàrìyaa ci nìi yè fa è bà tereòn, tɔ̀ dzii yè tsyɛn mùn ɲan, mùn nìì reè na jiɛ gɔɔ̀n kàjaa tsɛ dɛ, fɔ Ŋaablà re Dzia.

အခန်းကိုကြည့်ပါ။

Korɛntsika reè jɔ̀naà 2:14

Adamàdzin mòdzin maanaa na e tsiɛ Ŋaablà re Dzia raa goo rèè rà waa, kàtsu tɔ fàkɔ̀ɔ̀nbe rii à jaa ra. À na dzia è tɔ̀ waa, è ɲɛn à tsɛ, Ŋaablà re Dzia soo pe rii y'à toò, yè tɔ̀ bo e si ɲan.

အခန်းကိုကြည့်ပါ။

Korɛntsika reè jɔ̀naà 9:21

Tɔ̀ soo tsuru, sàrìyàbɛy reè ka, min bau a ci sàrìyàbɛy, min bà ni twɛy tàrà. Tɔ̀ to y'à tàrà mun na Ŋaablà raa sàrìyaa bɛy waa, è ɲɛn à tsɛ mun ni Kirisà raa sàrìyaa dzuun.

အခန်းကိုကြည့်ပါ။

Kolosika reè 1:21

Àwà dan, è kòrò ye kɛ̀sɛmàà ko ye faadzii ɲaan neè ka, ye na tɔnɔn ì Ŋaablà kajaa tsɛ, ye yè bà na à ɲan ì.

အခန်းကိုကြည့်ပါ။

Kolosika reè 2:18

E maà à to mòò pɛn yè e bo e re sàrà tàr'làmaà tsɛ, ci wò majàaŋnà, tàmafa ci wo mɛ̀rɛ̀kɛ rèè rìì jàa wò yeè è blàbe waa. Nìì reè ni tɔ̀ tsɛ, yɛ̀rɛ̀blàbe ni è ɲan, è kɛ̀sɛmàà yè bà adamàdzin mòdzin kɛsɛmà.

အခန်းကိုကြည့်ပါ။

Tsìmotè fiiraa 3:4

è jàànfà moo ì, è goo fa beè e kun nè, è ɲantsyɛɔ̀n yɛ̀rɛ̀blàbeè rà, dziɲaan dzibee goo reè rìì dzi è ra, è geren Ŋaablà tsɛ.

အခန်းကိုကြည့်ပါ။

Dzyèèsìbee mòdzin neè 8:10

Àwà, twɛy jisee reè shɔ̀ùn, mun nà Dzyèèsìbe riì wɔ ko Isirayɛlì mòdzin neè ka, tɔ̀ rii siin: Mun Dzyèèsìbee Ŋaablà, mun nà n ne sàrìya reè ji è akir'là ɲàn, mun y'à ɲììri è vunun tsɛ. Mun nà bà è re Ŋaablà, yè bà mun ne mòdzin ì.

အခန်းကိုကြည့်ပါ။

Yàkubà 4:4

Mòdzin terenbɛy ì Ŋaablà ka, ye na à tɔ̀ ci e dziɲaan goo rèè kɛ̀n, tɔ̀ rii yɛ e Ŋaablà goo xɔbe a ma ɔ̀n ? Mòò riì sào ni wò yeè bà dziɲaan dzunwɛynsi, tɔ̀ yeè e yɛrɛ baà Ŋaablà ɲan nì.

အခန်းကိုကြည့်ပါ။

Piyɛrì fiiraa 2:14

È jaà tsyɛɔ̀n ɲànmɔ̀ɔ̀beè rìì là, è to na cɛn jàa gooɲaan faa rà. Nìì reè sàn na gbaɔn waa, è twɛy màniɛ̀n, gè ɲɛyn goo to na ɲan è mà. È mòdzin dangauma ì.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ