Ɔ̀rɔ̀mùnka reè 8:34 - Bible Dzùùngoo Unicode

³⁴ Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Ɔ̀rɔ̀mùnka reè 8:34 ပူးပေါင်းရင်းမြစ်များ

Matsiyù 20:28

Tà soo tsuru, Adamà dziàn na naɔ̀ ci mòò yè faagoo fa à re dɛ, ŋà à naɔ̀ nì ci è faagoo fa mòdzian rè. È xɔɔn sìn, à y'à ka mòò giri kùngɔ màbo.»

Marikì 16:19

Àwà, Tsìfa Yesù gooma doumaà shɔ̀ùn kàràndzin neè ka tɔ̀ tsuru, à ɲan yeè sen fu bo è ɲan, è tèyn be jìrànxɔɔ̀ doùn, è bè e tsuù Ŋaablà sirama si jaa rè.

Yùxanà 14:19

Sani dɛyn, dziɲan jaa fa ɲɛn mun mà dɛ, ŋà ye, ye nà mun jà, kàtsu, mun jaama ni, ye sa to nà bà jaama.

Yùxanà 16:23

Àwà, tɔ̀ jisee ye wɔ, ye fa mun tey goo sɔn pɛn mà dɛ. Sààben fyan, mun nì ci e ra, ye ye gè o ge gaa Fà Ŋaablà re mun tsoo ka, à nà tɔ̀ sìn ye ra.

Kɛɛradzin neè faadziɛ 2:24

Ŋà, Ŋaablà y'a fau è sèè kpunan, è bo saàn byɛnbee ɲàn. Tɔ fau, kàtsu saàn fa ni dzi à mà ɲinan to e raa dzia doùn waa.

Ɔ̀rɔ̀mùnka reè 14:13

Tà doùn, mùn mà e si jààki waa. Sani ye jààki fa, y'a gaa rii e maà bà e neemaa mɛɛ̀ saabu tàmafa à sàn nà baan kpàà waa.

Ɔ̀rɔ̀mùnka reè 14:9

Àwà, a y'a jà Kirisà yè san è sèè kpunan, tɔ fau nì, è bà ni ba fùn nèè ko jaama reè sa kuntsii.

Ɔ̀rɔ̀mùnka reè 4:25

À dɔ̀un dziira mùn ne fìrìgoo rèè rìì kamà, è sèè kpunan bo saàn ɲàn, è kpadè ci mùn tereòn.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Ɔ̀rɔ̀mùnka reè 8:27

Àwà, nìi dùsùkun neè ɲansiɛ̀n, tɔ Ŋaablà re Dzia ŋɛ̀nɛ̀ɲaan tɔ̀. À y'à tɔ̀ ci à màfyɛyn nìi faa Ŋaablà re mòdzìn neè rè, tɔ kòroò Ŋaablà saɔ ka.

Kolosika reè 3:1

Àyìwà, ye ba kpunaun ye bo saàn ɲàn ko Kirisà ka, ye jìrànxɔ rɔ̀n naa gè rèè rìì gaa sa, Kirisà tsùuŋnà min niì, Ŋaablà sirama si jaa rè.

Dzyèèsìbee mòdzin neè 1:3

Ŋaablà blabee vyeè, tɔ wò rii, Ŋaablà to ni niu'n kur'liì rà taki, à sa ni tɔ̀ rii tsuru. À dzugooma barakamaa rìì kamà, dziɲan doùn gè sapɛ ma kun tsùuŋnà. Wò rii mòdzian fɛnɛbeu gooɲaantsiɛ yè bo è vu ra. Tɔ̀ faumaà nì shɔ̀ùn, à bèu e tsuù màsa blaa sirama si jaa rè jìrànxɔɔ̀ doùn, nìi Ŋaablà.

Dzyèèsìbee mòdzin neè 7:25

Tɔ̀ kamà, nìì reè yè e kpɛr'la Ŋaablà ra à baraka rɔ̀n, à dzia twɛy tsià kudɛyn, kàtsu à ni tsuù jaama kudɛyn, è bà Ŋaablà mafyɛ̀ɛn è re.

Dzyèèsìbee mòdzin neè 9:24

Mòdzian bùù gba vyama niì gbaun e si ka è bà jìrànxɔɔ̀ raà bosi, Ŋaablà Jaara Modzìàn na dɔn tɔ̀ doùn fɛnɛɛ doùn dɛ, ŋà, à dɔ̀un jìrànxɔɔ̀ raà yɛ̀r'la rìì doùn, è bà tsìiŋnà Ŋaablà jaaterema dòònuùn, è mùn ne goo rèè jaa boò.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Piyɛrì jɔ̀naà 3:22

À tèyn bèu jìrànxɔɔ̀ doùn, è bà tsùuŋnà mɔn Ŋaablà sirama si jaa rè. Mɛ̀rɛ̀kɛ rèè ko kùntsii rèè, ko dzibaabe reè sapɛ koroòn à re.

Goo kpàdèuma rèè 1:18

Mun jaama. Mun saun, ŋà mun yɛ jaama, waatsi sen ɲɛn waatsi tsɛ. Saàn ko fùn nèè tàà sa neèdzian ni mun suun.