Ɔ̀rɔ̀mùnka reè 8:3 - Bible Dzùùngoo Unicode

³ Àwà sàrìyaa fa ni dzi nìi fa waa kàtsu à ŋɔn fyɛnbeu mòdzin ne fààn dzyɛnbee kamà, Ŋaablà tɔ̀ fau. Gooɲaan yè bà saabu, è yɛr'la Dzin Kpir'la bàji nau adamàdzin mòdzin gooɲaantsi rèè bosi, è nà gooɲaan raa bara gɔɔ̀n ɲàn.

Ɔ̀rɔ̀mùnka reè 8:3 ပူးပေါင်းရင်းမြစ်များ

Marikì 15:27

Yè gookoronfabaa fii sa gban gɔɔ ì rà à ka, soo ni à sirama re, soo yè bà ni à ɲɔ̀nma re. [

Yùxanà 1:14

Àwà, Goomaa bàu mòdzin, è tsuù mùn fi. À ɲan tsyɛɔ̀n wùɔ ko sààbeen rà. Mùn y'a nɔɔrɔɔ̀ jàu, nɔɔrɔ rìi daun Fà Ŋaablà re dzin kpiri soo raa.

Yùxanà 9:24

Àwà, yè jaana kpiri jaa dzii saunmaà kiri kɔn e jaa fii ra ɲan, yè dzin à ra ci: «Blà wɔ Ŋaablà ɲan e sààben de. Ɲe y'à tɔ̀, ci nèe kpir'lee gooɲaanfabaa rìì.»

Ɔ̀rɔ̀mùnka reè 3:20

Tɔ̀ kamà, mòò pɛn fa kpàdè ci à tereòn Ŋaablà jaa dzuun, sàrìyaa goo rèè yè bà saabu waa. È ɲɛn à tsɛ, sàrìyaa y'à toò mòdzian yè gooɲaan nì tɔ̀.

Ɔ̀rɔ̀mùnka reè 6:6

Mìn bà à tɔ̀, ci juu bɔrɔɔ riì na ni mùn ɲan, tɔ gbaun gɔɔ̀ rà ko Yesù ka. Tɔ fau, gè riì n'a to mùn gooɲaan gɔɔn yè bara, mùn mà bà gooɲaan rè jon ì dɛ.

Ɔ̀rɔ̀mùnka reè 7:18

Mun kpɛ̀yn y'à tɔ̀ ci mun ɲan, nìi dzuɔn mun gɔɔ̀n, wùù na ni waa. Wùɔ kpɛ̀yn ŋɛ̀nɛ̀ɲaan, tɔ ni, ŋà è bà ni fa rii, tɔ̀ na ni waa.

Ɔ̀rɔ̀mùnka reè 8:32

Tɔ̀ riì na e Dzin Kpir'la yɛ̀r'la tsu to waa, ŋà à y'à sìun mùn sapɛ kamà, à bèe bà dzùrù, à fa gè sapɛ sin mùn na ko à ka ?

Ɔ̀rɔ̀mùnka reè 9:3

Àwà à yɛ̀rɛ̀ na dzi mun na min bà dangaɔ̀, min vyɛ̀ bo Kirisà rà, n neema reè kamà, mun kun si reè, adamadzinbee kàjaa tsɛ.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Galatsika reè 3:21

Sàrìyaa yè e dzun wɔɔ Ŋaablà re làyir'lèè rà tɔ̀un gbɛ ? Ayi dɛrɛ ! Àwà sàrìya ye ba na sìun nìi dzia bà jaamabee fa saabu, tà doùn, terenbe na dzia tàrà n dzi, è bo sàrìyaa ɲàn.

Filipika reè 2:7

Ŋà è bou tɔ̀ ɲan peu, è ba jòn. È ba mòdzin neè bosi, y'à jà mòdzin maana.

Dzyèèsìbee mòdzin neè 10:12

Ŋà, Ŋaablà Jaa ra Moò, tɔ saaka jaa soo pe rii bou, nìi ni tsuù kudɛyn, è bà ni mòdzian rè gooɲaantsiɛ bo è vu ra. Tà shɔ̀ùn, è tsuù Ŋaablà sirama si jaa rè.

Dzyèèsìbee mòdzin neè 10:14

À saaka jaa soo pe riì bou, tà baraka rɔ̀n, à nìì reè fòò fyɛ bou e re gooɲaantsiɛ ɲàn, yè bà Ŋaablà raa, à twɛy bàu mòdzin dziitsyɛunma kudɛyn.

Dzyèèsìbee mòdzin neè 2:14

Àwà, à mòò niì reè gooma deè tɔ̀ tsuru, gè soo rii ni twɛy sapɛ ɲan, nìi yè è baɔ̀ soo, tɔ̀ yeè bà tsìɛn ko shutswɛɛ. Tɔ̀ rii y'à to, Yesù nàu, twɛy gè rèè na ni à sa ɲan, è kpàdè, ci à sa è tsuru mòdzin. À tɔ̀ fau nì, sànko à saàn saabu rɔ̀n, saàn fààn niì ni Sànwɔbaà suun, è san ɲinan tɔ̀ tsɛ.

Dzyèèsìbee mòdzin neè 2:17

Tɔ̀ rii kamà, à na wù, è bà e neema reè tsuru mòdzin kàjaa sapɛ tsɛ, sànko, è bà Saaka Jɔundzin, wùù ni nìi ɲàn, è bà vusootsi Ŋaablà re faagoò doùn. Tɔ̀ na wù è fa, sànko è mòdzian rè gooɲaantsii reè bo è vu ra.

Dzyèèsìbee mòdzin neè 4:15

Àwà, goo nìi reè doùn, mùn gbaa e yɛrɛ dzuun, ɲe raa saaka jɔundzian Saaka Jɔundzin, nìi ɲe tsɛ tɔ̀ twɛy doùn. À ɲe tsɛ tɔ̀, kàtsu, Sùtana y'à sa dzuun bo siin kàjaa sapɛ tsɛ, a ci à ɲe tàr'la nìi tsuru. Ŋà, tɔ̀ pɛn na à to è gooɲaan soo fa.

Piyɛrì jɔ̀naà 2:24

À yɛ̀r'la ɲe re gooɲaantsiɛ seun gbaàn gɔɔ̀ rà e gɔɔ̀n ɲàn, gè rii n'a to mùn saunmaà gooɲaan kàjaa tsɛ, mìn jaamabee fa terenbee kàjaa tsɛ. À màà ɲuun neè rìì saabu ɲan, ye cɛrɛmabeu.