Ɔ̀rɔ̀mùnka reè 8:10 - Bible Dzùùngoo Unicode

¹⁰ Kirisà yè bà ni ye ɲan, gɔɔ̀n raa saàn kpɛ̀yn ni e nima nɔ̀n, gooɲaan yè bà saabu, ŋà Ŋaablà re Dzia ɲàn raa jaamabee, tɔ̀ sa ni, terenbee yè bà saabu.

Ɔ̀rɔ̀mùnka reè 8:10 ပူးပေါင်းရင်းမြစ်များ

Yùxanà 14:23

Yesù yè dzin à ra ci: «Mòò riì mun kɛ̀niɔ̀n, tɔ nà mun dzugoomaa to e duùn, à y'à shi jiì. Mun Fà Ŋaablà sa to nà à tsìfa kɛ̀n. Mun ko n Faà, ɲe fiɛ̀ sa nà nà à tsìfa mà, ɲe yè e tsuùma bo à re.

Yùxanà 15:5

Mun nì ɛ̀rɛ̀nzhɛ̀nkuà, ye yè bà à sààn neè. Mòò riì to tsùuŋnà mun ɲan, min bà ni à tsìfa ɲan, tɔ nà dzin cɛyn, kàtsu ye na dzia gèsɔn pɛn fa mun shɔ̀ùn waa.

Yùxanà 17:23

Tà doùn, mun ni è ɲan, wo sa yeè bà ni mun ɲan. Yè bà soo ɲaun, sànko dziɲan y'a tɔ̀ tɔ̀ tsuru, ci wo rìì mun ka naɔ, wo to yè è kɛ̀niɔ̀n, a ci wo mun kɛ̀niɔ̀n nìi tsuru.

Yùxanà 4:14

Ŋà, mun ye n naa yuà sìn mòò o moò rà, à y'à mìn, mìnoo na tɔ̀ tsìfa kun jàa dɛ. Mun nà yu rìi sìn à tsìfa ra, tɔ nà bà don kungɔ à ɲan, nìi biri boò è bè suu fɔ jaamabe dziù dòbɛɛ dzu.»

Yùxanà 6:54

Mòò riì ye mun gɔɔ̀n shuà ɲɔn, è mun tsìɛn mìn, jaamabe dziù dòbɛɛ bàu ni tɔ̀ tsìfa ɲan, mun to nà à tsìfa sèè kpunan bo saàn ɲàn tsìɛ̀ sii sèè.

Yùxanà 6:56

Mòò riì ye mun gɔɔ̀n shuà ɲɔn, è mun tsìɛn mìn, tɔ̀ tsìfa bàu ni tsuù mun ɲan, mun sa yeè bà ni tsuù à ɲan.

Ɔ̀rɔ̀mùnka reè 5:12

Àyìwà, mòò sɔn nì saabu ɲan, gooɲaan dɔ̀un dziɲantsiɛ doùn, gooɲaan to yè nà ko saàn ka adamàdzin mòdzian sapɛ ma, kàtsu è sapɛ gooɲaan fau.

Ɔ̀rɔ̀mùnka reè 5:21

Tɔ fau nì, gè riì ni à to gooɲaan bàu nìi tsuru saabu saàn yè dzi tarà, tɔ̀ soo tsuru, terenbee baraka rɔn, Ŋaablà ɲanwùɔ sa yeè dzi tarà è ɲɛn jaamabe dziù dòbɛɛ tsɛ, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Korɛntsika reè jɔ̀naà 15:45

Tɔ̀ rii y'à to è bà sɛbɛɔ̀n Ŋaablà re Goomaa doùn nèe tsuru ci: «Mòdzìn jɔna niì bàu Adamà jɔ̀naà, tɔ bàu gɔɔ̀n mòdzin, jaamabe ni nìi ɲàn.» Ŋà nìi Adamà lataan, tɔ xɔɔn mòdzin, nìi jaamabee sìan.

Korɛntsika reè fiiraa 13:5

Ye yɛ̀r'leè yè e yɛrɛ ɲansiin cɛyn, y'a siin ye ba ni ɲɛynaà shia tsɛ o. Ye e yɛrɛ dzuun bo siin. Tàà ye yɛ̀r'leè na à tɔ̀ ci Yesù Kirisà ni ye ɲan ɔn ? Fɔ ye ɲansiinmaà ye ye rìì kun.

Korɛntsika reè fiiraa 4:11

Àwà, ɲe nìì reè jaama, kudɛyn ɲe ni tsuù saàn dzii dzuun Yesù kamà, gè riì ni à to à raa jaamabee sa yeè e kpadè ɲe raa gɔn sanàmaà ɲàn.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Galatsika reè 2:20

Mun kpɛ̀yn ni jaamabee rà, ŋà à na mun ne jaamabe fakɔɔn dɛ waa, Kirisà rìì ni jaamabee rà mun ɲan. È ɲɛn à tsɛ, mun ni jaamabe riì rà gɔɔ̀n kàjaa tsɛ dòònuùn, mun tɔ̀ faa ɲɛynaà nì baraka ɲan Ŋaablà Dzin Kpir'la ɲàn, tɔ̀ niì mun kɛ̀niun, è yɛrɛ sin mun kamà.

Efɛsika reè 3:17

Àwà m'a gaa sa, Kirisà yè e tsuùma bo ye dùsùkuan doùn, ɲɛynaà baraka rɔ̀n. Ye jiɛ̀ ye gban kɛ̀nbààbee ɲàn, ye dzuun bau'n kuru yeè bà wù à tsɛ.

Filipika reè 1:23

Mun akir'là mun sɔ̀ɔn à goo fiɛ̀ tsɛ. Min bè, min bà ni Kirisà ka tɔ̀ kuru ni mun na, tɔ̀ yeè bà fyan kɔsɔbɛ.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Tesalonikika reè jɔ̀naà 4:16

Ɲe fa dɔ̀n twɛy jɔun waa, kàtsu Tsìfaà rè shia sìunmaà, mɛ̀rɛ̀kɛ rèè kùntsii blàa sɛ̀ɛ̀y vuà yè bo, Ŋaablà yeè vur'la fyɛ, à nà jàà bo na jìrànxɔ rɔ̀n. Tɔ̀un, nìì reè saun yè bà ni Kirisà ɲàn, twɛy jɔ̀na nà sèè kpunan.

Dzyèèsìbee mòdzin neè 12:23

Ŋaablà dzin kpiri jɔna niì reè tsoò sɛbɛɔ̀n jìrànxɔɔ̀ doùn ye yè e kpɛrɛu twɛy ladzyeeŋmaà kur'la rà. Ŋaablà riì mòdzian sapɛ dzyeèma kitsibaa, ye yè e kpɛrɛ̀ tɔ̀ ra. Mòdzin tereunma nìì reè nàu bà mòdzin dziitsyɛunma, ye yè e kpɛrɛu twɛy rà.

Dzyèèsìbee mòdzin neè 9:27

Àwà, mòdzian sapɛ saàn jaa soo pe rii, tà shɔ̀ùn kitsia yè kòmànà wɔ.

Goo kpàdèuma rèè 14:13

Tà shɔ̀ùn, min gooma vu sɔn myɛn è bo fɔ jìrànxɔɔ̀ doùn, tɔ dziàn ci: «À sɛbɛn ci: Nìì reè saàn yè bà ɲɛɔ̀n Tsìfaà rà, fɔ dòònuùn, twɛy raa wùbeu.» Ŋaablà re Dzia ci: «Ɔ̀ɔn, è nà e ɲanwɔ yè bo e re byɛnbee ɲàn, kàtsu è faadziɛ ni è kpɛyn.»