Ɔ̀rɔ̀mùnka reè 8:1 - Bible Dzùùngoo Unicode

¹ Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Ɔ̀rɔ̀mùnka reè 8:1 ပူးပေါင်းရင်းမြစ်များ

Yùxanà 14:20

Tɔ̀ sii sèè ye wɔ, ye nà à tɔ̀, ci mun ni n Faà ɲàn, mun ni ye ɲan, ye yè bà ni mun ɲan.

Yùxanà 15:4

Ye to mun ɲan, mun sa yeè bà ni ye ɲan. Sàan mà bà ni kunaà nà fyeu, à na dzia to e yɛrɛ ma, è dzin wɔ waa. Ye sa raà ni tɔ̀ rii tsuru, ye ma ba ni mun ɲan fyeu, ye na dzia dzin wɔ waa.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Ɔ̀rɔ̀mùnka reè 16:3

Ye tswɛ̀y sin Pirisiyì ko Akilasì rà, mun faagoofasi rèè Yesù Kirisà ɲàn.

Ɔ̀rɔ̀mùnka reè 16:7

Ye tswɛ̀y sin Andoronikusì ko Zhiniyasì rà, twɛy nìi reè mun kunsi reè, mùn sa ye bà kàsoò fau esire. È kɛɛradzinbe tsoo bou, yè bà bàu Kirisà raa mun jɔun.

Ɔ̀rɔ̀mùnka reè 5:1

Tà doùn, ɲɛynaà baraka rɔ̀n, à kpàdè niì fau ci mùn tereòn, tɔ jaancin dɔ̀un mùn ko Ŋaablà fi, mùn Tsìfa Yesù Kirisà baraka rɔ̀n.

Ɔ̀rɔ̀mùnka reè 5:16

À na ni a ci tɔ̀ kwɛ̀ygeè sìun a ci mòò sɔn gooɲaan fau nìi tsuru waa. Àwà mòò sɔn ne gooɲaan fauma nì kamà, kitsia kùnuun è mɛɛy mòdzian tsɛ. Ŋà fìrìgoo giri fauma nì y'à tou, Ŋaablà ɲanwùɔ yè nà ko dzi tar'la ka.

Ɔ̀rɔ̀mùnka reè 7:17

Tà doùn, nìi faa, à na mun ne fakɔɔn waa, ŋà gooɲaan niì ni mun ɲan, à tɔ̀ rii.

Ɔ̀rɔ̀mùnka reè 7:20

Tà doùn, mun na gaa nìi ra, min ba tà faa, à na mun ne goo fakɔɔn dɛ, ŋà gooɲaan niì ni mun ɲan, à tɔ̀ rii.

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Ɔ̀rɔ̀mùnka reè 8:14

Àwà, Ŋaablà re Dzia nìì reè sapɛ kuru kuɔn e re jaamabee doùn, twɛy sapɛ Ŋaablà dzin ì.

Ɔ̀rɔ̀mùnka reè 8:2

È ɲɛn à tsɛ, Ŋaablà re Dzia raa sàrìya riì jaamabee sìan Yesù Kirisà baraka rɔ̀n, tɔ̀ y'a tsi bou gooɲaan ko saàn raa sàrìyaa suun.

Ɔ̀rɔ̀mùnka reè 8:34

Tsì rii nà kitsi mɛɛy è tsɛ ? [Yesù] Kirisà rìì na san, è sèè kɔn è kpunan bo fùn nèè fi gbɛ ? Wò rii na tsùuŋnà Ŋaablà sirama si jaa rè, è bà ni màfyɛɛ̀n nà mùn ne o ?

Ɔ̀rɔ̀mùnka reè 8:4

Tɔ fau, gè riì n'a to sàrìyaa ci nìi yè fa è bà tereòn, tɔ̀ dzii yè tsyɛn mùn ɲan, mùn nìì reè na jiɛ gɔɔ̀n kàjaa tsɛ dɛ, fɔ Ŋaablà re Dzia.

Ɔ̀rɔ̀mùnka reè 8:9

Àwà nìi to ye, ye na ni gɔɔ̀n raa fàan dzuun waa, fɔ Ŋaablà re Dzia raà, è ɲɛn à tsɛ, Ŋaablà re Dzia tsùuŋnà ye ɲan. Kirisà rè Dzia na ni mòò riì ɲàn fyeu, tɔ̀ tsìfa na à raa waa.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè jɔ̀naà 15:22

Mòdzian sapɛ saàn nìi tsuru Adamà yè bà saabu, tɔ̀ soo tsuru mòdzian sapɛ nà jaamabee tàrà, Kirisà yè bà saabu.

Korɛntsika reè fiiraa 12:2

Àwà mun kpiri sɔn tɔ, nìi ni Kirisà ɲàn. Ŋaablà na tɔ̀ kpir'la sen fu dɔ̀n beò jìrànxɔɔ̀ zhììgìraa doùn, à jii teeŋ naàlen yɛ. À sen fu bèu gɔɔ̀n rìì ɲàn sa wà, à to yɛ̀rɛ̀ na gɔɔ̀n ɲàn sa wà, mun kpɛ̀yn na tɔ waa, ŋà Ŋaablà y'a tɔ̀.

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Galatsika reè 3:13

Kirisà ɲe kùngɔ màbou sàrìyaa dangaa suun, à yɛ̀r'la yè bà danga ɲe kamà, kàtsu à sɛbɛɔ̀n ci: «Mòò o moò nà gban gɔɔ̀ rà, tɔ̀ yeè danga.»

Galatsika reè 3:26

È ɲɛn à tsɛ, ye sapɛ bàu Ŋaablà dzin ì ɲɛynaà baraka rɔ̀n, Yesù Kirisà ɲàn.

Galatsika reè 3:28

Tà doùn, Dzyèèsìbee mòdzin na ni dɛ, kun kpɛrɛ mòdzin to na ni dɛ. Jòn na ni dɛ, xɔrɔn to na ni dɛ. Kpiri na ni dɛ, tàan to na ni dɛ. È ɲɛn à tsɛ Yesù Kirisà ɲàn, è sapɛ bàu soo.

Galatsika reè 5:16

Tà doùn, mun nìi dèe e ra, tɔ̀ rii yɛ, y'a to Ŋaablà re Dzia yè e re jaamabee kuru kun. Tà tsuru, ye fa gɔɔ̀n kur'la goo ɲaan neè fa dɛ.

Galatsika reè 5:25

Mìn ba jaamabee faa Ŋaablà re Dzia rìì baraka ɲan, mùn y'a to sa tɔ̀ yeè mùn kuru kun.

Efɛsika reè 1:1

Mun Poli, Yesù Kirisà rè kɛɛradzian Ŋaablà saɔ baraka rɔ̀n, nèe mun ne sɛbɛn è sìn Ŋaablà re mòò rèè rà Efɛsì wɔ̀ rɔ̀n, nìì reè ɲɛɔ̀n Yesù Kirisà rà.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.