Ɔ̀rɔ̀mùnka reè 7:7 - Bible Dzùùngoo Unicode

⁷ Mùn dzia fèe dè tɔ̀un ? Sàrìyaa bàu gooɲaan gbɛ ? Ayi dɛrɛ ! Ŋà a y'a jà min gooɲaan tɔ̀, à sàrìyaa rìì fyɛ̀. Sàrìyaa ma ba na dziun ci: «Maà a jaàn bo mòò rè gè rè», mun fa ni à tɔ̀, ci mòò yè e jaàn boò mòò rè gè rè waa.

Ɔ̀rɔ̀mùnka reè 7:7 ပူးပေါင်းရင်းမြစ်များ

Matsiyù 5:28

Ŋà, mun nì ci e ra, mòò o moò taàn siɛ̀n à jaàn yè bo à re, tɔ ɲànmɔ̀ɔ̀be fau à ka e duùn nòn.

Lukì 12:15

Tà shɔ̀ùn, Yesù yè dzin jàmaà nà ci: «Ye e yɛrɛ kaàwɔ ! Ye e yɛrɛ kun nàfor'la kɛ̀n gereunmaà nà. Fee kamà min tɔ̀ dè, a kɛnsɛɛn ye nàfor'la tàrà dzii o dzii, a re jaamabee na ni tɔ̀ suun dɛ !»

Lukì 20:16

Àwà, dzùtsià nà nà è sapɛ vu rii, è re ɛ̀rɛ̀nzhɛ̀ndzuà kɛ̀ɛ̀yfa mòò kpɛrɛkuru ì mà.» Mòdzian tɔ̀ goomaa myɛ̀un min niì, yè dzin ci: «Ee, Ŋaa yè mùn tààn tɔ̀ mà !»

Kɛɛradzin neè faadziɛ 20:33

Mun na n jaàn bo ɲɛyn ne, mun na n jaàn bo sɛn'ne, mun to na n jaàn bo mòò pɛn ne vya ì rè.

Ɔ̀rɔ̀mùnka reè 13:9

È ɲɛn à tsɛ, Ŋaablà dzugooma xɔù nìì reè ci: «Maà ɲànmɔ̀ɔ̀be fa waa, maà mòò vu waa, maà shɔnbe fa waa, maà a jaàn bo mòò rè gè rè waa», ko dzugooma xɔù dzyee rèè sapɛ, tɔ̀ sapɛ ni nèe gooma ree ɲan, nìi yɛ ci: «A modzìnsia kɛ̀n, jàci a yɛr'la.»

Ɔ̀rɔ̀mùnka reè 3:20

Tɔ̀ kamà, mòò pɛn fa kpàdè ci à tereòn Ŋaablà jaa dzuun, sàrìyaa goo rèè yè bà saabu waa. È ɲɛn à tsɛ, sàrìyaa y'à toò mòdzian yè gooɲaan nì tɔ̀.

Ɔ̀rɔ̀mùnka reè 3:5

Ɲe raa terenbɛybeè to ye ba Ŋaablà raa terenbee rìì kpàdèe, mùn dzia fee rìì dè ? È kpàdè ci Ŋaablà na tereòn à re vununta jikɔɔn doùn ɲe tsɛ gbɛ ? Mun goomaa adamàdzin mòdzin goomau'n kur'la.

Ɔ̀rɔ̀mùnka reè 4:1

Àyìwà, Ibraximà nìi ɲe fàbɔɔ adamadzinbee kàjaa tsɛ, mùn dzia fèe rìì dè tɔ̀ raa goò tsɛ ? Mùn dzia dzin ci à fèe tàrau ?

Ɔ̀rɔ̀mùnka reè 4:15

Àwà sàrìyaa, tɔ nàa Ŋaablà re vununtaà rìì ka, ŋà sàrìya na ni min niì, à bar'la gooma tsu na ni mɔn waa.

Ɔ̀rɔ̀mùnka reè 5:20

Àwà sàrìyaa tsùuŋmaà, tɔ nàu fìrìgoò giribe rii ka. Gooɲaan to giribeu min niì, Ŋaablà ɲanwùɔ sa buuŋ mɔn a ci goo kpɛ̀rɛ̀.

Ɔ̀rɔ̀mùnka reè 6:15

À ni dzùrù ? Mìn gooɲaan nì fa kàtsu mùn na ni sàrìyaa dzuun dɛ fɔ Ŋaablà ɲanwùù ra ɔ̀ ? Ayi dɛrɛ !

Ɔ̀rɔ̀mùnka reè 7:11

Àwà gooɲaan siin è dzugooma xɔɔ̀ sen è mun sàn fìrì, è nà saàn ka mun mà.

Ɔ̀rɔ̀mùnka reè 7:13

Tà doùn, gè niì gè wùù, tɔ̀ ni dzi ba dzùrù kɔn è bà san mun ne ? Ayi dɛrɛ ! Ŋà gooɲaan yè bà ni kpadè rìì ci à gooɲaan, à goowùɔ rìì sen bau e tɛy, è nà saàn ka mun mà, gè riì ni à to è bà gooɲaan taki taki dzugooma xɔɔ̀ saabu rɔ̀n.

Ɔ̀rɔ̀mùnka reè 7:5

Àwà, juu bɔrɔɔ na ni mùn ɲan waatsi riì bwèy, sàrìyaa na kur'la goo ɲaan niì reè ɲan fu jia, twɛy na faagoo faa mùn gɔɔ̀n gàne rèè ɲàn, nìi nàfaà naà kpɛrɛ saàn tɛ̀y waa.

Ɔ̀rɔ̀mùnka reè 7:8

È ɲɛn tɔ̀ dzugooma xɔɔ̀ tsɛ, gooɲaan sa tɔ̀ seun, è mun jaan bo goo kaatsià sapɛ re. Àwà sàrìya ma ba ni fyeu, gooɲaan gè saunma nì.

Korɛntsika reè jɔ̀naà 15:56

Saàn raa vwɛ̀yn faa shɔɔ̀, tɔ gooɲaan nì, gooɲaan raa dzia yè bà sàrìyaa.

Efɛsika reè 5:3

Kɛ̀kɛ̀ɛ̀ybeè ko goo nooŋmaà kaatsi gè o ge, ko jaacɛnbɛybeè, twɛy tsoo tsu mà kiri e fi waa, kàtsu tɔ̀ na dàaŋnà Ŋaablà re mòò rèè fi waa.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tesalonikika reè jɔ̀naà 4:5

E maà à to gɔɔ̀n kur'la goo ɲaan yè dzi e dzuun, a ci kun niì reè na Ŋaablà tɔ waa, twɛy ni nìi tsuru.

Dzyèèsìbee mòdzin neè 7:19

Tɔ̀ sàrìyaa na goo sɔn pɛn bà goo dziitsyɛunma waa. Ŋà dòònuùn, ɲe siɲɛnma kpɛrɛ tàrau, nìi wù jɔ̀naà mà, è b'a toò, ɲe yè e kpɛrɛ̀ Ŋaablà ra.