Ɔ̀rɔ̀mùnka reè 7:5 - Bible Dzùùngoo Unicode

⁵ Àwà, juu bɔrɔɔ na ni mùn ɲan waatsi riì bwèy, sàrìyaa na kur'la goo ɲaan niì reè ɲan fu jia, twɛy na faagoo faa mùn gɔɔ̀n gàne rèè ɲàn, nìi nàfaà naà kpɛrɛ saàn tɛ̀y waa.

Ɔ̀rɔ̀mùnka reè 7:5 ပူးပေါင်းရင်းမြစ်များ

Matsiyù 15:19

Goo nìì reè boò duùn nɔ̀n, tɔ̀ rii yɛ, kɛ̀sɛmà ɲaan neè, ko mòdzìn vua, ko ɲànmɔ̀ɔ̀bee ko kɛ̀kɛ̀ɛ̀ybeè, ko shɔnbeè, ko doò, ko tsoo bara goo reè.

Yùxanà 3:6

Mòò riì kereu, è bo kpiri ko tàan ɲan, tɔ mòdzin neè kuru, mòò riì to kereu Ŋaablà re Dzi rɔn, tɔ Ŋaablà re Dzia kuru.

Ɔ̀rɔ̀mùnka reè 1:26

Tɔ̀ kamà, Ŋaablà sa yeè è to e ceù boo kur'la goo ɲaan neè suun. È ɲɛn à tsɛ, tàan ko tàan na e si gaa waa è re tàan rèè to tɔ̀ rii faa.

Ɔ̀rɔ̀mùnka reè 3:20

Tɔ̀ kamà, mòò pɛn fa kpàdè ci à tereòn Ŋaablà jaa dzuun, sàrìyaa goo rèè yè bà saabu waa. È ɲɛn à tsɛ, sàrìyaa y'à toò mòdzian yè gooɲaan nì tɔ̀.

Ɔ̀rɔ̀mùnka reè 4:15

Àwà sàrìyaa, tɔ nàa Ŋaablà re vununtaà rìì ka, ŋà sàrìya na ni min niì, à bar'la gooma tsu na ni mɔn waa.

Ɔ̀rɔ̀mùnka reè 5:20

Àwà sàrìyaa tsùuŋmaà, tɔ nàu fìrìgoò giribe rii ka. Gooɲaan to giribeu min niì, Ŋaablà ɲanwùɔ sa buuŋ mɔn a ci goo kpɛ̀rɛ̀.

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Ɔ̀rɔ̀mùnka reè 6:19

Mun goomaa adamàdzin mòdzin goomau'n kur'la, è ɲɛn ye re fààn dzyɛ̀nbeè tsɛ. Àwà, ye yè e gɔɔ̀n gàne rèè bàu goo nooŋmaà ko terenbɛybee rè faagoo faa ge ì nìi tsuru è ɲɛn terenbɛybee tsɛ, tɔ̀ soo tsuru, ye è bà terenbee rè jon ì dòònuùn, nìi ye bàa Ŋaablà raa.

Ɔ̀rɔ̀mùnka reè 6:21

Ye na twɛy goo nìì reè faa, ye na fèe nàfa rìì jàa è ɲan ? She do, n ci è seey ye kuàn, è ɲɛn à tsɛ, à lataan saàn rìì.

Ɔ̀rɔ̀mùnka reè 6:23

Àwà gooɲaan sàr'là, tɔ saàn rìì, ŋà Ŋaablà gè niì sìan maana, tɔ jaamabe dziù dòbɛɛ rìì, mùn Tsìfa Yesù Kirisà ɲàn.

Ɔ̀rɔ̀mùnka reè 7:23

Ŋà, m'a jàa ci sàrìya kpɛrɛ ni mun gɔɔ̀n min niì sapɛ, nìi ni kaà rà mun akir'là ɲàn raa sàrìyaa ka, è mun bà tsùù gooɲaan raa sàrìyaa rè kàsòdzin, tɔ̀ niì ni mun gɔn nɔ̀n min niì sapɛ.

Korɛntsika reè jɔ̀naà 15:56

Saàn raa vwɛ̀yn faa shɔɔ̀, tɔ gooɲaan nì, gooɲaan raa dzia yè bà sàrìyaa.

Korɛntsika reè fiiraa 10:3

Ɲe kpɛ̀yn adamàdzin mòdzin ɲe yè bà jìɛ adamàdzin mòdzin jiìŋ'n kur'la, ŋà ɲe na e raa kaà faa adamàdzin mòdzin naa fau'n kur'la waa.

Galatsika reè 3:10

Àwà, nìì reè sapɛ ci ye sàrìyaa goo rèè rìì shi jiɛ, danga ni twɛy sapɛ tsɛ. È ɲɛn à tsɛ, à sɛbɛɔ̀n Ŋaablà re Goomaa doùn ci: «Wo mòò o moò na sàrìyaa goo rèè sapɛ shi jiɛ kudɛyn, wo y'à dzii tsyɛn, danga wo nìn.»

Galatsika reè 5:24

Nìì reè Kirisà raa, twɛy gɔɔ̀n dzibee goo reè ko e kur'la goo ɲaan neè sapɛ gbaun gɔɔ̀ rà.

Efɛsika reè 2:11

Àwà ye e taa to ci ye na kun kpɛrɛ dzin ì dan, è ɲɛn gɔɔ̀n tsɛ, Dzyèèsìbee mòdzin neè yè bà na ye kir'la ci shɛnbɛy reè, ye yè bà shɛunma rèè. Tɔ̀ to y'à tàrà, tɔ̀ shimaangoo na mòdzin si fyɛ̀ rìì è gɔɔ̀n ɲàn.

Efɛsika reè 2:3

Ɲe sapɛ, ɲe sa na twɛy mòdzin neè kur'li. Ɲe sa na gɔɔ̀n kur'la goo ɲaan neè shi jiɛ dan, ɲe y'à sàɔ faa, ɲe yè e gban kɛ̀sɛmà ɲaan neè kpɛyn. Àwà, è ɲe to tà tsuru, Ŋaablà re vununtaà na ni ɲe sa tsɛ, a ci dzyee rèè.

Kolosika reè 3:5

Tà doùn, dzɔ̀nxɔɔ̀ tsɛ raa juu riì ni e ɲan, ye tɔ̀ vu bo e ɲan nìi yɛ kɛ̀kɛ̀ɛ̀ybeè, noo, gɔɔ̀n dzibee goo, kur'la goo ɲaan, jaacɛnbɛybeè, tɔ̀ niì ko ɲɔ̀n kɔ sa soo.

Tsitè 3:3

È ɲɛn à tsɛ, dan ɲe sa na mòdzin akiribɛy ì, mòdzin mabaunma ì, mòdzin firiuma ì. Ɲe na kur'la goo ɲaan ko dzibee goo kaatsià sapɛ re jòn. Ɲe na ni jaamabee rà ɲanbee ɲàn, ɲe jaàn yè bà na boò gèè sapɛ re. Ɲe kinin naà ni mòò rà dɛ, ɲe goo yè bà na xɔ e si mà.

Yàkubà 1:15

Wo y'a tsiì kur'la goo ɲaan nà, tɔ gooɲaan nì ker'là. Gooɲaan to ye bɔɔ dzi, tɔ nàa san nì ka.

Yàkubà 4:1

Àwà kaa nìì reè, ko sɔ̀swɛy nìì reè ni ye ko e si fi, twɛy daàn min ? Kur'la goo ɲaan niì reè ni ye ɲan, yè bà ye sùùsuɔ̀, è na daàn mɔn nì ɔ̀ ?

Yùxanà jɔ̀naà 3:4

Mòò o moò gooɲaan faa, tɔ̀ na goo tereonma faa waa, kàtsu gooɲaan nì yɛ, goo teren bɛɛ.