Ɔ̀rɔ̀mùnka reè 7:23 - Bible Dzùùngoo Unicode

²³ Ŋà, m'a jàa ci sàrìya kpɛrɛ ni mun gɔɔ̀n min niì sapɛ, nìi ni kaà rà mun akir'là ɲàn raa sàrìyaa ka, è mun bà tsùù gooɲaan raa sàrìyaa rè kàsòdzin, tɔ̀ niì ni mun gɔn nɔ̀n min niì sapɛ.

Ɔ̀rɔ̀mùnka reè 7:23 ပူးပေါင်းရင်းမြစ်များ

Ɔ̀rɔ̀mùnka reè 6:13

E maà e gɔɔ̀n min sɔn pɛn to gooɲaan suun, è bà terenbɛybeè rè faagoo faa gè waa. Ŋà ye e yɛrɛ sin Ŋaablà ra a ci mòdzin ì, nìì reè sèè kpunan bou saàn ɲàn, yè bà jaama, è gɔɔ̀n min niì sapɛ yeè bà ni terenbee faagoo rà Ŋaablà re.

Ɔ̀rɔ̀mùnka reè 6:19

Mun goomaa adamàdzin mòdzin goomau'n kur'la, è ɲɛn ye re fààn dzyɛ̀nbeè tsɛ. Àwà, ye yè e gɔɔ̀n gàne rèè bàu goo nooŋmaà ko terenbɛybee rè faagoo faa ge ì nìi tsuru è ɲɛn terenbɛybee tsɛ, tɔ̀ soo tsuru, ye è bà terenbee rè jon ì dòònuùn, nìi ye bàa Ŋaablà raa.

Ɔ̀rɔ̀mùnka reè 7:14

Àwà, m'à tɔ̀ ci sàrìyaa kpɛ̀yn, tɔ beò Ŋaablà raa goò tsɛ, ŋà nìi mun, mun naa goò beò gɔɔ̀n raà tsɛ, mun to yè bà gɔrɔɔ gooɲaan rè a ci jòn.

Ɔ̀rɔ̀mùnka reè 7:21

Mun sàò ye ba ni min goowùɔ fa, mun nìi jàa sàrìya, tɔ̀ rii yɛ sani min goowùɔ fa, mun gooɲaan nì faa.

Ɔ̀rɔ̀mùnka reè 7:25

Tswɛy Ŋaablà raa, Yesù Kirisà baraka rɔ̀n, mùn Tsìfaà ! Nìi dzia dè, tɔ̀ rii yɛ, ci akir'la kàjaa tsɛ, mun Ŋaablà raa sàrìyaa rè jòn, ŋà gɔɔ̀n kàjaa tsɛ, mun gooɲaan raa sàrìyaa rè jòn.

Ɔ̀rɔ̀mùnka reè 7:5

Àwà, juu bɔrɔɔ na ni mùn ɲan waatsi riì bwèy, sàrìyaa na kur'la goo ɲaan niì reè ɲan fu jia, twɛy na faagoo faa mùn gɔɔ̀n gàne rèè ɲàn, nìi nàfaà naà kpɛrɛ saàn tɛ̀y waa.

Ɔ̀rɔ̀mùnka reè 8:2

È ɲɛn à tsɛ, Ŋaablà re Dzia raa sàrìya riì jaamabee sìan Yesù Kirisà baraka rɔ̀n, tɔ̀ y'a tsi bou gooɲaan ko saàn raa sàrìyaa suun.

Galatsika reè 5:17

È ɲɛn à tsɛ, goo nìì re dzi gɔɔ̀n rà, twɛy xɔ Ŋaablà re Dzia mà. Nìì reè to dzi Ŋaablà re Dzia rà, twɛy xɔ gɔɔ̀n mà. È fiɛ̀ dzun wɔɔ e si ra, è bè bà ye n'a re ye yè nìi fa, ye na dzia tɔ̀ fa waa.

Dzyèèsìbee mòdzin neè 12:4

Ye ni sikun niì rà ko gooɲaan ka, ye na tɔ̀ sikuan fa, è bè suu fɔ saàn dzu ŋe waa.

Yàkubà 3:2

Mùn sapɛ fìr'la fau'n kuru gir'la. Mòò riì na fir'la goomaa kàjaa tsɛ fyeu, tɔ mòdzin dziitsyɛunma, è bà dzia dzi e gɔɔ̀n ko e kur'la sapɛ ra.

Yàkubà 4:1

Àwà kaa nìì reè, ko sɔ̀swɛy nìì reè ni ye ko e si fi, twɛy daàn min ? Kur'la goo ɲaan niì reè ni ye ɲan, yè bà ye sùùsuɔ̀, è na daàn mɔn nì ɔ̀ ?

Piyɛrì jɔ̀naà 2:11

N neema kɛniunma rèè, ye tɔnɔn dɔnbobaa ì dzɔ̀nxɔɔ̀ tsɛ. Tà doùn, m'a gaa e re, ye e yɛrɛ kun gɔɔ̀n kur'la goo ɲaan neè rà. È ɲɛn à tsɛ, twɛy kaa faa xɔɔn ka.