Ɔ̀rɔ̀mùnka reè 5:5 - Bible Dzùùngoo Unicode

⁵ Àwà, tɔ̀ sixɔbemaà na mòò màniɛn waa, è ɲɛn à tsɛ, Ŋaablà kɛnbààbee jee jiu mùn dùsùkuan ɲàn à re Dzia baraka rɔ̀n, tɔ̀ niì sìun mùn na.

Ɔ̀rɔ̀mùnka reè 5:5 ပူးပေါင်းရင်းမြစ်များ

Kɛɛradzin neè faadziɛ 10:45

Dzyèèsìbee mòdzin niì reè na naɔ̀ Piyɛrì ka, yè bà Yesù rè kàràndzin, à goò yè ji twɛy dzii tsɛ, kàtsu y'à jàu, ci Ŋaablà yeè e re Dzi Fɛnɛɛ jàaŋnà kun kpɛrɛ ì sa tsɛ, nìì reè na Dzyèèsìbee mòdzin ì waa.

Kɛɛradzin neè faadziɛ 2:17

"Goo nìi reè nà fa dziɲaan dò bwey, twɛy rìì siin: Mun Ŋaabla nà n ne Dzia jàà dziɲantsiɛ doùn mòdzian sapɛ tsɛ. Tɔ̀un, ye dzin kpir'leè ko ye dzin taan reè nà mun ne kɛɛrabee fa. Ye re dzunwɛyn neè nà bà jɛ̀y faa, ye re mòòbɔɔ rèè yè bà sìràn nèè faa, yè goo rèè jàa twɛy doùn.

Kɛɛradzin neè faadziɛ 2:33

È sèè è blà wɔ à ɲan, à y'à tsùù e sirama si jaa rè. Yesù na Dzi Fɛnɛɛ riì làyiri seòn ɲe re, à fà Ŋaabla tɔ̀ sìun à ra. Àwà, à sa tɔ̀ Dzia rìì jàaŋnà ɲe tsɛ. Ye jaa yɛ nìi rà, ye yè bà à myɛ̀ɛn, tɔ tɔ̀ Dzia tàànmàshɛɛn nì.

Ɔ̀rɔ̀mùnka reè 1:7

Ye nìì reè sapɛ ni Ɔ̀rɔmùn wɔ̀ rɔ̀n, Ŋaabla yeè bà ye kɛ̀niɔ̀n, è ye kiri e raa, sɛbɛn nee kaɔ ye rìì lè. Arì she, Ŋaablà ɲanwùɔ ko jaanciàn, mùn Fà Ŋaablà ko Tsìfa Yesù Kirisà yè twɛy sìn e ra.

Ɔ̀rɔ̀mùnka reè 8:28

Mùn y'a tɔ̀ sa, ci goò sapɛ faagoò faa esire, è goowùù fa Ŋaablà kɛnbaa rèè rà, nìì reè sapɛ kiriɔ è kòrò à re goo sɔ̀n byɛunmaà ka.

Ɔ̀rɔ̀mùnka reè 9:33

Tɔ fau, a ci à yɛ sɛbɛɔ̀n nìi tsuru Ŋaablà re Goomaa doùn ci: «À yɛ, mun nà kpàà tsuù Siyɔ̀n jɔun, sàn nà baan kpàà, mòdzìn mɛɛ kpàà. Mòò riì nà ɲɛn à ra, tɔ̀ fa seey fyeu.»

Korɛntsika reè jɔ̀naà 8:3

Ŋà mòdzian sɔn ye ba Ŋaablà kɛniɔ̀n, à tɔ̀ tsìfa tɔ̀.

Korɛntsika reè fiiraa 1:22

Wò rii sa yeè e re tàànmàshɛɛn tsùuŋ ɲe tsɛ, è re Dzia rè gè jɔun gè rèè ji ɲe ɲan.

Korɛntsika reè fiiraa 3:18

Àwà ɲe sapɛ, vyaà boo ɲe nìì reè jaa ra, ɲe Tsìfaà nɔɔrɔɔ̀ siɛ̀n a ci mòo gè siɛ̀n dzwàleyn na nìi tsuru. Ɲe lakereu ɲe yè bà à bosi gè, nɔɔrɔ yè ɲɛn ɲe tsɛ nìi blà kɔn è geren Tsìfaà rè, tɔ̀ niì Dzi.

Korɛntsika reè fiiraa 4:6

È ɲɛn à tsɛ, Ŋaablà riì dziun ci: «Vyevyeè yè den tsitsiɛ̀ fi», wò rii deun ɲe dùsùkun neè tsɛ, gè riì ni à to è bà ni e nɔɔrɔɔ̀ twɛ̀ɛ vyevyeè bo, tɔ̀ niì den deèn Kirisà jaakɔrɔun.

Galatsika reè 4:6

Ye Ŋaablà dzin ì nìi fa, tɔ̀ kamà è Dzin Kpir'la rè Dzia ka na mùn dùsùkuan tsɛ, tɔ̀ yeè bà dziàn fààn na ci: «Bàa, mùn fàà»

Galatsika reè 5:22

Ŋà Ŋaablà re Dzia, tɔ̀ dziàn nì siin: Kɛ̀nbààbee, taamadzibeè, jaanciàn, mɔ̀ɲɔɔn, wùɔ, duunwubee, ɲɛynaà,

Efɛsika reè 1:13

Àwà Kirisà rìì ɲàn sa, ye sààbeen goomaa myɛ̀un, nìi ye tsià Kùnàgoo Dziɔ̀ goomaa. Wò rii sa ɲan kɔn ye ɲɛyna fau, Ŋaablà to yè tàànmàshɛn tsuù ye tsɛ, à re Dzi Fɛnɛɛ tàànmàshɛɛn, à na tɔ̀ niì làyiri seòn.

Efɛsika reè 4:30

E maà Ŋaablà re Dzi Fɛnɛɛ taama ŋununbe waa, à tɔ̀ riì tsùuŋnà tàànmàshɛn ye tsɛ, ye kùngɔ màbo jisee kamà.

Filipika reè 1:20

È kòrò mun kɔɔtɔuma nìi màshua, mun si yè bà xɔ à tsɛ, mun fa seey goo sɔn pɛn na waa. Ŋà mun akiri tsùuŋnà, ci dòònuùn ko waatsi sapɛ, Kirisà blàbee nà kpàdè mun gɔn nɔ̀n, è mun to jaama tàmafa min bà saɔn.

Tesalonikika reè jɔ̀naà 4:8

Tà doùn, mòò riì nèe làtsii rèe rèè maa, à na adamàdzin mòdzin maaŋnà dɛ, ŋà à Ŋaablà rii maaŋma, tɔ̀ niì yè e re Dzi Fɛnɛɛ sìan ye ra.

Tesalonikika reè fiiraa 2:16

Mùn Tsìfa Yesù Kirisà yɛ̀r'la ko mùn Fà Ŋaablà, twɛy nìì reè mùn kɛ̀niun, yè vununmacin dòbɛy sin mùn na ko siɲɛnma wùù è ɲanwùɔ baraka rɔ̀n,

Tsìmotè fiiraa 1:12

Twɛy goo rèè rìì kamà min bà byɛɛn. Ŋà tɔ̀ seey na ni mun na waa, è ɲɛn à tsɛ, m'a tɔ̀, mun ɲɛɔ̀n nìi rà. Mun si to xɔ à tsɛ, ci à nìi kɛ̀ɛ̀yfaɔ̀ mun mà, à dzi ni à ra è tɔ̀ màrà fɔ è bè suu jisee lataan dzu.

Yùxanà jɔ̀naà 4:19

Nìi kpɛ̀yn ɲe, ɲe kɛ̀nbààbee shi jiɛ, kàtsu, wò rii jɔ̀na ɲe kɛ̀niun.