Ɔ̀rɔ̀mùnka reè 5:2 - Bible Dzùùngoo Unicode

² Yesù rìì baraka ɲan, è kòrò ɲɛynaà ka, mùn nìn bàu ni Ŋaablà ɲanwùɔ ɲàn, mùn sàn gbaunma ni tɔ̀ niì ɲàn. Ɲe wàsau, è ɲɛn à tsɛ, ɲe si xɔ à tsɛ ci ɲe nà Ŋaablà nɔɔrɔɔ̀ tàrà.

Ɔ̀rɔ̀mùnka reè 5:2 ပူးပေါင်းရင်းမြစ်များ

Matsiyù 25:21

À tsìfaà yè dzin à ra tɔ̀un ci: "Tɔ wùbeu, wo jòn wùù, w'e bà tereòn. Wo tereun nèe goorii rèe faa doùn, mun nà wo tsùù blà kuùn. Nà a taama dzibe a tsifaà ka."

Yùxanà 10:7

Tà shɔ̀ùn, Yesù yè dzin kɔn ci: «Sààben na, mun nì ci e ra, mun nì sàà gbaà dɔ̀nmàdziɛ.

Yùxanà 10:9

Mun nì dɔ̀nmàdziɛ, mòò riì ye dɔn mun ne, tɔ nà tsi. À tsìfa nà dɔ̀n, è bo e saoma, è dziira gaa ɲwɛyn jà.

Yùxanà 14:6

Yesù yè dzin à ra ci: «A y'a myɛ̀n shia ko sààbeen ko jaamabee, tɔ mun nì. Mòò pɛn na dzia nà Fà Ŋaablà ma nàu'n kuru pɛn na, è bà mun shɛn too waa.

Yùxanà 5:24

Sààben na, mun nì ci e ra, mòò o moò yè e toro wɔɔ̀ mun ne gooma reè rè, Fà rìi mun ka naɔ è ɲɛn tɔ̀ ra, tɔ̀ tsìfa jaamabe dziù dòbɛɛ tàrau. Kitsi fa kùnùn à tsìfa tsɛ dɛ, à to bou saàn ɲàn, è dɔ̀n jaamabee ɲàn nòn.

Kɛɛradzin neè faadziɛ 14:27

Àyìwà, è wɔu Siiri jamaan Antsiyɔshì tɔ̀un, yè ɲɛynamoo kur'là mòdzian ladzyeè. Tà doùn, Ŋaablà baraka rɔ̀n, è dziu goo o goo rìì fa jìɛ̀ doùn, tà ko nìì reè kun kpɛrɛ mòdzin neè, Ŋaabla dziɛ saun twɛy rè nìi tsuru, sànko è sa yeè ɲɛn à ra, yè tɔ̀ sapɛ kpunan bo è ra.

Ɔ̀rɔ̀mùnka reè 11:20

À kpɛ̀yn sààben ! È jèè bou mɔn, è re ɲɛynabɛybeè yè bà saabu, ŋà wo yè bà shiɔ̀ mɔn, tɔ ɲɛynaà nì saabu. Tà doùn, maà a yɛrɛ blabe waa, ŋà shi rii.

Ɔ̀rɔ̀mùnka reè 12:12

E si xɔ nìi tsɛ, ye taama dzibe tɔ̀ ra. Byɛnbee doùn ye e mɔɲɔn, ye e maxɔ̀n màfyɛɛ̀n nà.

Ɔ̀rɔ̀mùnka reè 14:4

Wo tsì tɔ̀ tsuru, wo yè bà mòò kpɛr'laa faagoofadzin jaàkia ? À sàn gbaunma tou o, à to mɛrɔun o, tɔ ni à tsìfaà rìì mà. À sàn gbaunma to nà to, kàtsu à dzi ni Tsìfaà rà à y'à sàn gban.

Ɔ̀rɔ̀mùnka reè 15:13

Arì she, Ŋaablà riì sixɔbema sìan mòò rà, tɔ̀ yeè e ɲantsyɛn taamadzibeè ko xɛɛrɛɛ̀ sapɛ ka ɲɛynaà baraka rɔ̀n, gè riì ni à to ye yè sixɔbema tàrà è giribe ye ɲan Ŋaabla re Dzia fàan baraka rɔ̀n.

Ɔ̀rɔ̀mùnka reè 2:7

Nìì reè ɲanshiɔ̀ wùù faa rà, yè bà Ŋaablà nɔɔrɔɔ̀ ko à blàbee, ko jaamabe dobɛɛ gaa, twɛy nà jaamabe dziù dòbɛɛ tàrà.

Ɔ̀rɔ̀mùnka reè 3:23

Àwà mòdzian sapɛ gooɲaan fau, è sapɛ yeè fɔn Ŋaablà nɔɔrɔɔ̀ ɲan.

Ɔ̀rɔ̀mùnka reè 5:5

Àwà, tɔ̀ sixɔbemaà na mòò màniɛn waa, è ɲɛn à tsɛ, Ŋaablà kɛnbààbee jee jiu mùn dùsùkuan ɲàn à re Dzia baraka rɔ̀n, tɔ̀ niì sìun mùn na.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Ɔ̀rɔ̀mùnka reè 8:24

Àwà, mùn kpɛ̀yn tsiu tɔ sààben, ŋà tɔ faɔ̀ rìì ci mùn si xɔ à tsɛ. A si to xɔ goo rìi tsɛ, e dzi tɔ̀ jà nòn, tɔ̀ na kir'la ci a si xɔ à tsɛ dɛ. A goo nìi jàa nòn, a si xɔbee tɔ̀ tsɛ dzùrù kɔn ?

Korɛntsika reè jɔ̀naà 15:1

Àwà neema reè, mun ye toro kɔ̀u Kùnàgoo Dziù rìi rà, ye yè bà e tsiiŋ à ra ye to yè bà e shiɔ̀ à ra, mun ye taa toò tɔ̀ rii lè.

Korɛntsika reè fiiraa 3:18

Àwà ɲe sapɛ, vyaà boo ɲe nìì reè jaa ra, ɲe Tsìfaà nɔɔrɔɔ̀ siɛ̀n a ci mòo gè siɛ̀n dzwàleyn na nìi tsuru. Ɲe lakereu ɲe yè bà à bosi gè, nɔɔrɔ yè ɲɛn ɲe tsɛ nìi blà kɔn è geren Tsìfaà rè, tɔ̀ niì Dzi.

Korɛntsika reè fiiraa 4:17

Àwà ɲe re nèe waatsi ree byɛnbee, tɔ̀ ŋɔn fyɛn è bà dɔ̀n boò. À nɔɔrɔ ko nɔɔrɔ rìì mà byɛn tsùɔ ɲe re, dò na ni nìi mà waa.

Efɛsika reè 2:18

È ɲɛn à tsɛ, à baraka ɲan, mùn soo soo sapɛ dzia e kpɛrɛ̀ Fà Ŋaablà ra, à re Dzia soo baraka rɔ̀n.

Efɛsika reè 3:12

Kirisà rìì ɲàn, ɲɛynaà baraka ɲan à ra, mùn ko akiritsuu dzia e kpɛrɛ̀ Ŋaablà ra, mìn gooma à ka, mùn na shiɔ̀ waa.

Efɛsika reè 6:13

Tɔ̀ kamà, ye Ŋaablà re kaa faa gè rèè sapɛ sen, e san gbaunma yè bà ni to jisee ɲaan sii sèè. Goò sapɛ fa douma shɔ̀ùn, ye bà ni tsuù e san tsɛ.

Tesalonikika reè fiiraa 2:16

Mùn Tsìfa Yesù Kirisà yɛ̀r'la ko mùn Fà Ŋaablà, twɛy nìì reè mùn kɛ̀niun, yè vununmacin dòbɛy sin mùn na ko siɲɛnma wùù è ɲanwùɔ baraka rɔ̀n,

Dzyèèsìbee mòdzin neè 3:6

Nìi Ŋaablà Jaara Modzìàn, à re dzin kpiribee doùn, tɔ̀ sa vusootsi à tsùuŋmaà doùn Fà Ŋaablà re mòò rèè sapɛ kuùn. Mùn kpɛ̀ynto à re mòò rèè, Ŋà, fɔ mìn to goo soo tsɛ, à wù mùn akiri yè bà tsùuŋnà, mùn si yè bà xɔ à tsɛ, tɔ̀ riì mùn wàsaà goò.

Dzyèèsìbee mòdzin neè 6:18

Àwà, làyir'là ko kɛ̀ɛ̀, twɛy goo blà bla fiɛ̀ na dzia lakere waa. Ŋaablà to yè bà ni doò dè è doùn, tɔ̀ na dzia fa waa. Ɲe nìì reè vwɛ̀rɔɔ̀n ɲe yè e kungɔ mɛnɛn Ŋaablà re, tɔ̀ goò ɲe màxɔ̀ɔn cèreoma, à y'à to ɲe ye e si xɔbe arì she Ŋaablà re làyiri seunmaà tsɛ ɲe re.

Piyɛrì jɔ̀naà 3:18

Àwà Kirisà sa saun jaa soo pe gooɲaantsii reè kamà. Wò riì tereòn, à tɔ̀ fau terenbɛy reè tsɔ̀saan ɲàn, gè riì ni à to è ye wɔ Ŋaablà tsɛ. À saun gɔɔ̀n ɲàn, è sèè bà jaama Ŋaablà re Dzia baraka rɔ̀n.

Goo kpàdèuma rèè 21:11

Ŋaablà nɔɔrɔɔ̀ n'a tsɛ, è bà den deèn a ci kpààmà ge kpàxɔù. Ɔ̀ɔn, à ni a ci kpàà riì kir'là ci yasipe kpaa, à jaà ni yereyere a ci vɛɛrɛ.

Goo kpàdèuma rèè 21:23

Àwà, wɔ̀ɔ̀ màgoo na ni bwèy ko kuu pɛn na twɛy vyeè yè bà ni à vi waa. Ŋaablà nɔɔrɔɔ̀ rìì y'à ɲanviɔ̀, sààtòmòìriɛ yè bà à fìtsìnà vyee.

Goo kpàdèuma rèè 21:3

Min vu blà sɔn myɛn tɔ boo màsà gbaaniɛn nà, è bà dziàn ci: «Ŋaablà re bùù gba vyamaa siin nèe, nìi y'à tsùùma mòdzin neè ka. À nà e tsuù mɔn è ka, è bà ni è ka. Yè bà à re mòdzin ì, è bà è re Ŋaablà.

Goo kpàdèuma rèè 3:21

Mòò riì ye ba dzibaa, mun nà tɔ̀ tsùù n ka n ne màsà gbaaniɛn tsɛ, a ci mun sa bàu dzibaa nìi tsuru, min bè n tsuù n Fa Ŋaablà ka e re màsà gbaaniɛn tsɛ.