Ɔ̀rɔ̀mùnka reè 4:6 - Bible Dzùùngoo Unicode

⁶ Tɔ̀ soo sa tsuru, Ŋaabla mòò riì daàn tereunma, à to na à faadziɛ fyɛ̀ waa, màsà kpiri Dawudà dzii wɔɔ tɔ̀ raa xɛɛrɛɛ̀ goomaa tsɛ ci:

Ɔ̀rɔ̀mùnka reè 4:6 ပူးပေါင်းရင်းမြစ်များ

Matsiyù 25:19

Àwà waatsi gbaan tà shɔ̀ùn, è tsìfaà yè sèè na. È dzin è ra tɔ̀un, ci yè ɲɛɛn kpunan bo wò re.

Ɔ̀rɔ̀mùnka reè 1:17

Ŋaablà re terenbee kpàdeò è bo Kùnàgoo Dziɔ̀ rìì ɲàn. Tɔ̀ terenbee tàr'la ɲɛynaà soo ko e soo rii baraka ɲan a ci à yɛ sɛbɛɔ̀n Ŋaablà re Goomaa doùn nìi tsuru ci: «Mòò riì tereòn, tɔ nà jaamabee fa ɲɛynaà nì baraka ɲan.»

Ɔ̀rɔ̀mùnka reè 3:27

Tà doùn, mòò rè e yɛrɛ̀blàbè kun ni kɔn ɔn ? Ayi, tɔ̀ kùn na ni dɛ ! Sàrìya kɛn daàn tɔ̀ ka ? Faadziɛ raà gbɛ ? Fyeu ! Fɔ ɲɛynaà raa sàrìyaa.

Ɔ̀rɔ̀mùnka reè 4:11

Tɔ̀ rii shɔ̀ùn, à shimaangoo tàànmàshɛn tarau, nìi fyɛ̀, è kpàdè ci à terenbe tarau ɲɛynaà baraka rɔ̀n, tɔ̀ y'a tàrà à na shɛn ŋe waa. Tɔ̀ fau, gè riì ni à to, shɛnbɛy reè gè o ge ɲɛynaà faa, è bà ni ba twɛy sapɛ fa, tɔ̀ ɲɛynaà to yè bà ni dan twɛy sa re terenbe.

Ɔ̀rɔ̀mùnka reè 4:24

Ɲe nìì reè raa ɲɛynaà sa nà dan terenbe, à sɛbɛɔ̀n ɲe sa kamà. È ɲɛn à tsɛ, nìi mùn Tsìfa Yesù sèè kpunan bou fùn nèè fi, ɲe ɲɛɔ̀n tɔ̀ ra.

Ɔ̀rɔ̀mùnka reè 4:5

Ŋà mòò riì na faagoo faɔ̀ waa, tɔ̀ ye ɲɛn à ra ci Ŋaabla mòò bàa tereunma, mòò riì na shia à jɔun waa, tɔ̀ ɲɛynaà daàn à tsìfa re terenbe.

Ɔ̀rɔ̀mùnka reè 4:7

«Ŋaabla nìì reè rè terenbɛy goo ì mɛɛy boò è mà, è vu ra gooɲaantsiɛ dzii tsyee, twɛy raa wùbeu !

Ɔ̀rɔ̀mùnka reè 4:9

Tɔ̀ xɛɛrɛɛ̀ shɛunma rèè bàsɔùn nì naa ràà, tàà à shɛnbɛy reè sa raa ? Mùn kpɛ̀yn dzia nìi dè, tɔ̀ rii yɛ ci Ibraximà ɲɛunmaà kamà Ŋaablà ra, tɔ daun à re terenbe.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Galatsika reè 3:14

Tɔ fau, gè riì ni à to, Ibraximà rè dzwɛɛ̀ yè wɔ kun kpɛrɛ mòdzin neè tsɛ è bo Yesù Kirisà ɲàn. Tɔ̀ tsuru, Ŋaablà yeè e re Dzi riì làyiri seun, mìn dzi tɔ̀ tàrà ɲɛynaà baraka rɔ̀n.

Galatsika reè 4:15

Taamadzibe rìi na ni ye ɲan tɔ̀ waatsi rɔn, tɔ dɔ̀un min ? È ɲɛn à tsɛ mun ye shɛɛrɛ, ci è ba na dzia fa, ye na nà goo sapɛ ko e kuru fa mun ne, arì ye yè e jaadzin neè bo sìn mun na.

Efɛsika reè 1:3

Tsoo dzi yeè ɲɛn Ŋaa tsɛ, mùn Tsìfa Yesù Kirisà Fàà, wò riì yè e re Dzia dzwɛɛ̀ sapɛ ladzyèèmaa kuun mùn mà jìrànxɔɔ̀ doùn, Kirisà ɲàn.

Filipika reè 3:9

Tà ko, min jà à ɲan. Tɔ̀ na mun yɛ̀r'la raa terenbee baraka ɲan waa, tɔ̀ niì boo sàrìyaa ɲàn, ŋà, Kirisà rà ɲɛynaà terenbee baraka ɲan, tɔ̀ niì boo Ŋaablà ɲan, è bà gbaɔn ɲɛynaà tsɛ.

Tsìmotè fiiraa 1:9

À mùn tsiu, è mùn kiri bà e raa ì. Tɔ̀ na fa mùn faadzii reè baraka ɲan waa, fɔ à yɛ̀r'la rè goo sɔ̀n byɛ̀unmaà ko à ɲanwùɔ baraka ɲan. À tɔ̀ fau mùn ne, Yesù Kirisà ɲàn, sani dziɲaan yè ɲɛn.

Yàkubà 2:18

Àwà sɔn dzia dzin ci: «Ɲɛynaà ni wo re, faadziɛ yè bà ni mun ne.» Tà doùn, a re ɲɛynaà kpàdè n na, faadzii mà bà ni à ɲan waa, mun sa nà faadziɛ ka n naà kpàdè wo ra.

Piyɛrì fiiraa 1:1

Mun Shimɔn Piyɛrì, Yesù Kirisà rè jòn kpir'la ko a re kɛɛradzian, nèe mun ne sɛbɛn, è sìn mòdzin ì nà, ɲe ko nìì reè sa ɲɛyna soo tàrau nìi kpaxɔ, mùn ne Ŋaablà ko mùn Tsibaa Yesù Kirisà rè terenbee baraka ɲan.