Ɔ̀rɔ̀mùnka reè 4:1 - Bible Dzùùngoo Unicode

¹ Àyìwà, Ibraximà nìi ɲe fàbɔɔ adamadzinbee kàjaa tsɛ, mùn dzia fèe rìì dè tɔ̀ raa goò tsɛ ? Mùn dzia dzin ci à fèe tàrau ?

Ɔ̀rɔ̀mùnka reè 4:1 ပူးပေါင်းရင်းမြစ်များ

Matsiyù 3:9

E maà à ji e duùn, ye dzin ci ye Ibraximà tsua dzin ì dɛ ! Àwà, mun nì ci e ra, è ba tɔ̀ rii, arì kpàà niì reè yɛ nèe, Ŋaabla dzia è lakere ba Ibraximà tsua dzin ì.

Lukì 3:8

Ye goo rìì fa, nìi nà à kpàdè, ci ye yè e re jaamabee fau'n kur'la lakereò. E maà à ji e duùn, ye dzin ci ye Ibraximà tsua dzin ì dɛ ! Àwà, mun nì ci e ra, è ba tɔ̀ rii, arì kpàà niì reè yɛ nèe, Ŋaabla dzia è lakere ba Ibraximà tsua dzin ì.

Yùxanà 8:33

Yè dzin Yesù rà ci: «Ɲe Ibraximà tsua dzin ì nì, ɲe na ba jà mòò pɛn ne jòn ŋe waa. Wo dzia dzin dzùrù, ci ɲe nà tsi bo jònbe ɲan ?»

Yùxanà 8:53

Ɲe fà Ibraximà nìi saun, w'a siɛ̀n ci wo rìì blà tɔ̀ mà gbɛ ? Kɛɛra reè sa na san ɔn ? W'a yɛrɛ baà tsì rii tɔ̀ tsuru ?»

Yùxanà 8:56

Ye fà Ibraximà taa na ni à mà, ci wo nà mun naa jisee jà nìi fa, tɔ̀ y'a taama dzibeu, fɔ è bè geren. À to y'à jàu, à taama yè dzibe cɛyn.»

Kɛɛradzin neè faadziɛ 13:26

Tà shɔ̀ùn, Polì yè dzin ci: «N neema ì, ye nìì reè Ibraximà tsua dzin nèè ko ye dzyee nìì reè sapɛ shia Ŋaablà jɔun, mùn tsià gooma ree, Ŋaabla tɔ̀ deò mùn sapɛ rii laa.

Ɔ̀rɔ̀mùnka reè 1:3

Kùnàgoo Dziù rèe goomaa à Dzin Kpir'la rìì tsɛ, tɔ̀ niì bàu mòdzin, è bo màsà kpiri Dawudà tsua ɲàn.

Ɔ̀rɔ̀mùnka reè 3:5

Ɲe raa terenbɛybeè to ye ba Ŋaablà raa terenbee rìì kpàdèe, mùn dzia fee rìì dè ? È kpàdè ci Ŋaablà na tereòn à re vununta jikɔɔn doùn ɲe tsɛ gbɛ ? Mun goomaa adamàdzin mòdzin goomau'n kur'la.

Ɔ̀rɔ̀mùnka reè 4:16

Tɔ̀ kamà, e bà ni tɔ̀ shɛɛ̀n tàrà, tɔ faa ɲɛynaà nì baraka ɲan, gè riì ni à to è bà kwɛ̀yge nìi làyir'là dzii tsyɛɛn Ibraximà tsua dzin nèè sapɛ re. À na sàrìyaa dzuun dzin neè bàsɔùn waa, fɔ nìì reè sapɛ ɲɛynaà faa Ibraximà raà tsuru. È ɲɛn à tsɛ, Ibraximà mùn sapɛ fa rìì.

Ɔ̀rɔ̀mùnka reè 6:1

Mùn dzia fèe dè tɔ̀un ? Mìn to gooɲaan nì ɲàn Ŋaablà ɲanwùɔ yè bà ni giribe gbɛ ?

Ɔ̀rɔ̀mùnka reè 7:7

Mùn dzia fèe dè tɔ̀un ? Sàrìyaa bàu gooɲaan gbɛ ? Ayi dɛrɛ ! Ŋà a y'a jà min gooɲaan tɔ̀, à sàrìyaa rìì fyɛ̀. Sàrìyaa ma ba na dziun ci: «Maà a jaàn bo mòò rè gè rè», mun fa ni à tɔ̀, ci mòò yè e jaàn boò mòò rè gè rè waa.

Ɔ̀rɔ̀mùnka reè 8:31

Mùn dzia fèe rìì dè kɔn twɛy goo rèè doùn ? Ŋaablà ye ba ni ɲe ka, tsì rii dzia bà ni ɲe kamà ?

Korɛntsika reè fiiraa 11:22

È Dzyèèsìbee mòdzin, mun sa Dzyèèsìbee mòdzin. È Isirayɛlidzin, mun sa Isirayɛlidzin. È Ibraximà tsua dzin, mun sa Ibraximà tsua dzin.

Dzyèèsìbee mòdzin neè 12:9

Mùn fà nìì reè ni dzɔ̀nxɔɔ̀ tsɛ, n ci twɛy mùn kor'na, mìn bà è blàbee ? Mìn ba tɔ̀ faa, mùn Fà nìi ni jìrànxɔ rɔ̀n, à wù mìn majàà tɔ̀ re kɔn, è geren. Tɔ̀ ye fa, mùn nà to xɛɛrɛ ra.