Ɔ̀rɔ̀mùnka reè 2:21 - Bible Dzùùngoo Unicode

²¹ Àwà, wo rìi mòdzian kàr'na, wo na a yɛrɛ kar'na ɔn ? Wo rìì y'à kàr'na ci shɔnbe mà fa waa, wo to shɔnbeè faa.

Ɔ̀rɔ̀mùnka reè 2:21 ပူးပေါင်းရင်းမြစ်များ

Matsiyù 21:13

È dzin è ra ci: «À sɛbɛɔ̀n ci: "Mun ne gbàà nà kiri Ŋaabla mafyɛn gba, ŋà ye, ye y'à baɔ̀ gookoron fa reè mɛnɛnmà."»

Lukì 11:46

Yesù yè dzin ci: «Ɔ̀ɔn ! Ye Sàrìyà Kaamoo reè kpɛ̀yn, byɛnbe ye sa nin ! A jà min tɔ̀ dè, ye seyn bla tsuɔ mòdzian kùùn, seyn niì sen na dzi waa, à to na ni ye yɛ̀r'leè mà, ye yè e siiniɛn tsu dzyɛn à ra tsu.

Lukì 12:47

Faagoofadzin niì yè e kuntsiɛ̀ dzibee goo tɔ, à to na goo sɔn pɛn fa tsuɔ à jɔun, jàci à dzi à ra nìi tsuru waa, tɔ̀ faagoofadzian nà banbwey giri tsi.

Lukì 19:22

Màsà kpir'là yè dzin à ra ci: "Jòn ɲan, mun nà kun wo dèvuà yɛ̀r'la rìì mà, min sàrìyaa vwɛ̀yn wo tsɛ. Wo na à tɔ̀ ci mun ne goò xɔ kɛ̀ ? Ci mun gè seen mun na nìi tsùuŋnà, min bà shìmàndzin gaa, mun na nìi siɔ̀ waa.

Lukì 4:23

Yesù yè dzin è ra ci: «M'a tɔ̀, ci ye nà tàlen nìi ban mun ne, tɔ̀ dèù'n kur'la rìì yɛ nèe tsuru ci: "E ba janfabaa, à wù, a yɛr'la rìì cɛrɛmabe ŋe." Ye nà dzin mun na sa ci: "Wo goo o goo fau Kapɛrinaxumùn wɔ̀ɔ̀ doùn, ɲe twɛy myɛ̀un. È tsuru fa a yɛr'la tà rɔ̀n mìin nɔn sa."»

Korɛntsika reè jɔ̀naà 9:27

Ŋà mun goo ɲɛɛn n gɔɔ̀n tsɛ, m'a jònbè kun, gè riì ni à to Kùnàgoo Dziɔ̀ dèumaà shɔ̀ùn dzyee rèè rà, mun yɛ̀r'la dzii yè bo waa.

Galatsika reè 6:13

Tɔ̀ y'a tàrà, è nìì reè yè e shɛɛ̀n, ye yɛ̀r'leè tsu na sàrìyaa shi jiɛ waa. È sàɔ rìì yɛ, ye yè bà ni e shɛn, ye yè tɔ̀ ka e yɛrɛ blabe ye gɔɔ̀n yè bà saabu.