Ɔ̀rɔ̀mùnka reè 2:16 - Bible Dzùùngoo Unicode

¹⁶ Ŋaablà ye ba nà mòdzian rè goo mɛnɛunma rèè kitsi kunun jisee riì, è bo Yesù Kirisà ɲàn, a ci mun ne Kùnàgoo Dziɔ̀ y'à dèe nìi tsuru, tɔ̀ sapɛ nà kpàdè tɔ̀ sii sèè.

Ɔ̀rɔ̀mùnka reè 2:16 ပူးပေါင်းရင်းမြစ်များ

Matsiyù 16:27

Àwà Adamà dziàn nà nà e fa Ŋaablà nɔɔrɔɔ̀ doùn, e re mɛ̀rɛ̀kɛ rèè ka. Tɔ̀ sii sèè, à nà mòdzian soo soo sapɛ sarà, è kòrò è faadziɛ ka.

Lukì 8:17

Àyìwà, goo o goo mɛnɛɔn, à sapɛ nà bo da. Goo o goo to gòndo, à sapɛ nà bo ji vyevyeè rà.

Yùxanà 12:48

Mòò riì ye e nɔn mun ne, à mà e tsiì mun ne gooma reè rà waa, tɔ̀ tsìfa kitsibaà ni nòn. Mun gooma niì taki deu dɛ, tɔ̀ rii nà tɔ̀ tsìfa raa kitsia kùnùn tsìɛ̀ sii sèè.

Kɛɛradzin neè faadziɛ 10:42

Tà doùn, Yesù ɲe kau ci ɲe yè mòdzian toro kɔ̀ Kùnàgoo Dziɔ̀ rà, tà ko ɲe y'à dè, ci Ŋaabla wò rii tsùuŋnà fùn nèè ko jaama reè sa kitsibaà.

Kɛɛradzin neè faadziɛ 17:31

È wù yè tɔ̀ fa, kàtsu, Ŋaabla jisee soo rii tsùuŋnà nìi sii sèè, à nà kitsia kùnùn dziɲantsiɛ mòdzian sapɛ tsɛ, sààben ka. Àwà, à mòò sɔn dzin soo rii boo e jaa ra, è tà tsùù à goo rèè shi jɔun. À goo rìi ka tɔ̀ kpàdèe mùn na, tɔ̀ rii bàu tɔ̀ mòò sɔɔ̀n saunmaà, à y'à sèè kpunan e shɔùn, è bo fùn nèè fi.»

Ɔ̀rɔ̀mùnka reè 16:25

Mìn tsoo dzi ɲɛn Ŋaa tsɛ ! À dzi ni à ra è fààn sin ye ra ɲɛynaà doùn, è kòrò Kùnàgoo Dziɔ̀ ka, mun tɔ̀ niì dèe, Yesù Kirisà raa kùnàgoo goomaa. È kòrò gòndo ka tɔ̀ niì na mɛnɛn tsùuŋnà fɔ gbìyaarà, è bà kpàdèu.

Ɔ̀rɔ̀mùnka reè 2:5

È ɲɛn wo re tantaamaxɔbeè ko wo re dùsùkùnxɔ̀beè tsɛ, wo vununta rìì lamɔnɔ̀n tsùɔ a yɛrɛ tɛyn jisee kamà, nìi Ŋaablà re vununtaà jisee, ko à re kitsi tereunmaà kpàdè jisee.

Ɔ̀rɔ̀mùnka reè 3:6

Ŋaablà terenbɛy ? Ayi dɛrɛ ! È ba na tà tsuru, à na nà dziɲan kitsi dzùrù ?

Korɛntsika reè jɔ̀naà 15:1

Àwà neema reè, mun ye toro kɔ̀u Kùnàgoo Dziù rìi rà, ye yè bà e tsiiŋ à ra ye to yè bà e shiɔ̀ à ra, mun ye taa toò tɔ̀ rii lè.

Korɛntsika reè jɔ̀naà 4:5

Tà doùn, e maà kitsia kùnùn e waatsia jɔun waa. E maà à kùnùn, Tsìfaà nà bwey mà bà wɔɔ waa, tɔ̀ riì ye na nà, à nà tsitsii dzuun goo mɛnɛunma rèè sapɛ bo vyevyeè rà, è duungoo reè sapɛ bo da. Tɔ̀un mòdzian soo soo sapɛ wù tsoo dzi riì ka, è nà tɔ̀ tàrà Ŋaablà re.

Korɛntsika reè fiiraa 5:10

È ɲɛn à tsɛ, fɔ mùn sapɛ rii yè e tsiì Kirisà rè kitsikununmaà jaaterema mùn dzuun ye bo, mùn soo sookɔɔn sa yeè sàrà è kòrò mùn faadziɛ ka. E ba wùù faɔ̀ à y'a to gɔn nèe ɲan, e sàrà wùù ka. A to ye ba ɲaan ni faɔ̀ à y'à to gɔn nèe ɲan, e sàrà ɲaan ka.

Galatsika reè 1:11

Neema reè, mun nà nìi dè ye ra, ye bà ni à tɔ̀, tɔ̀ rii yɛ ci mun Kùnàgoo Dziù rìi dèu ye ra, à na adamàdzin mòdzin naa waa.

Tsìmotè jɔ̀naà 1:11

Tɔ byɛɔ̀n dzwɛɛ̀ tsìfa Ŋaablà re Kùnàgoo Dziɔ̀ nɔɔrɔmaa mà, tɔ̀ niì kɛ̀ɛ̀yfau mun mà.

Tsìmotè fiiraa 2:8

A taa to Yesù Kirisà rè, màsà kpiri Dawudà tsua dziàn, tɔ̀ niì kpunan bou fùn nèè fi, a ci mun yɛ Kùnàgoo Dziù rìi dèe.

Tsìmotè fiiraa 4:1

Àyìwà mun y'à dè màxɔbee wo ra Ŋaablà ko Yesù Kirisà jaa ra, tɔ̀ niì nà kitsia kùnùn jaama reè ko fùn nèè sa tsɛ, mun y'à dè màxɔbe à nà jisee ko à re màsàbee tsoo ra,

Tsìmotè fiiraa 4:8

Àwà è sen dòònuùn, terenbee màsà baanflaa màrà tsùuŋnà mun ne. Tsìfaà, kitsikununbaa tereunmaà nà à sìn mun na jisee lataan sii sèè. À fa bà mun bàsɔùn waa, nìì reè sapɛ nà à nà jisee kɛ̀n, à nà à sìn twɛy sa ra.

Dzyèèsìbee mòdzin neè 9:27

Àwà, mòdzian sapɛ saàn jaa soo pe rii, tà shɔ̀ùn kitsia yè kòmànà wɔ.

Piyɛrì jɔ̀naà 4:5

Ŋà, Ŋaablà riì sɔn byɛɔ̀n è jaama reè ko fùn nèè sa kitsi, è nà nà kùn dey fa tɔ̀ ra.

Piyɛrì fiiraa 2:9

Tɔ̀ y'a kpàdèe ci nìì reè shia Ŋaablà jɔun, Tsìfaà twɛy tsiu'n kuru tɔ e byɛɛn goo rèè rà, è bà terenbɛy reè to tsùuŋnà, è bà ni è byɛn kitsia jisee sii sèè.