Ɔ̀rɔ̀mùnka reè 2:15 - Bible Dzùùngoo Unicode

¹⁵ È fau'n kur'la y'à kpàdèe ci sàrìyaa ci nìi yè fa, tɔ sɛbɛɔ̀n è dùsùkuan tsɛ. È akir'là sa y'a shɛɛrɛbe faa, nìi doùn è kɛ̀sɛmàà yè è jààkia waatsia sɔn ɲan, waatsia sɔn ɲan è dzi sìn è ra.

Ɔ̀rɔ̀mùnka reè 2:15 ပူးပေါင်းရင်းမြစ်များ

Yùxanà 8:9

È dziu tɔ̀ goomaa myɛ̀n min niì, è sa yeè geren soo soo, è sen bɔɔ rèè rà, è bè suu fɔ bònè dzin neè rà. È to Yesù soo, taàn tsìiŋma ni à jaaterema.

Kɛɛradzin neè faadziɛ 23:1

Polì yè e jaà gban to kitsi kunun kuru blàa mòdzin neè sapɛ ra tɔ̀un, è kòmànà dzin ci: «Àwà n neema ì, è bè suu she dzu, min ne jaamabee shi jiiŋ, a ci Ŋaablà ci è fa nìi tsuru, mun na jààma jà n yɛr'la waa.»

Kɛɛradzin neè faadziɛ 24:16

Tɔ̀ rii kamà, min bà n maxɔbeò min goo tereunma faa kudɛyn, sànko jààma mà jà mun na è bè Ŋaablà kajaa tsɛ, jààma to mà jà mun na è bè mòdzian kàjaa tsɛ.

Ɔ̀rɔ̀mùnka reè 2:14

Àwà nìi kun kpɛrɛ mòdzin neè, twɛy nìì reè na Ŋaablà re sàrìyaa tɔ̀ waa, yè ba à goo rèè shi jiɛ e yɛrɛma, à to na ni è suun waa, tɔ̀ y'a kpàdèe ci è sàrìya e yɛr'la rè.

Ɔ̀rɔ̀mùnka reè 2:27

Tɔ̀ niì na shimaangoo faɔ̀ e tsuàn ɲàn waa, tɔ̀ ye ba sàrìyaa shi jiɛ, tɔ nà wo jààki, è ɲɛn à tsɛ, sàrìyaa sɛbɛunmaà ni wo re, ko shimaangoo sa, wo to na à shi jiɛ waa.

Ɔ̀rɔ̀mùnka reè 9:1

Kirisà ɲàn, mun sààbeen rìì dèe, mun na doò dèe waa. Ŋaablà re Dzia baraka rɔ̀n, mun akir'là sa mun shɛɛrɛ,

Korɛntsika reè fiiraa 1:12

Àwà ɲe raa yɛ̀rɛ̀blàbè kuàn nì yɛ, ɲe akir'là shɛɛrɛbe riì boò ɲe tsɛ, nìi yɛ ci ɲe yè e re jaamabee fau dziɲaan doùn duungoosoobe ko duunfyɛ ka è bo Ŋaablà ɲan, ye kàjaa tsɛ raà yè geren. Tɔ̀ na fa adamàdzin mòdzin ne akiritsifabe baraka ɲan waa, ŋà Ŋaablà ɲanwùɔ baraka rɔ̀n.

Korɛntsika reè fiiraa 5:11

Mùn sa Tsìfaà jɔun shiɲaanbeè tɔ̀ gè niì, ɲe goò sapɛ faa mòdzian yè bà ni à tɔ̀, ci ɲe nìi dèe à sààben. Ɲe re goo sɔn pɛn na mɛnɛɔn Ŋaablà ma waa. Mun kɛ̀sɛmà nɔ̀n, ɲe tsu re goo sɔn pɛn na mɛnɛɔn ye mà, e duùn waa.

Tsìmotè jɔ̀naà 4:2

Doodebaa duungoofiitsi rèè nà è sàn fìrì, twɛy nìì reè kɛ̀sɛmàà ni a ci myɛ̀ɛ̀n xe ka gè riì fyɛ̀ jiɔ̀.

Tsitè 1:15

Àwà nìì reè fyɛɔ, goo sapɛ fyɛɔ twɛy rè. Ŋà nìì reè nooŋnà è to na ɲɛɔ̀n Ŋaablà ra, goo sɔn pɛn na fyɛɔ twɛy rè waa. È kɛ̀sɛmàà ko è akir'là sa nooŋnà.