Ɔ̀rɔ̀mùnka reè 2:13 - Bible Dzùùngoo Unicode

¹³ Nìì reè dàan sàrìyaa myɛ̀ɛ̀n bàsɔùn mà, twɛy na tereòn Ŋaablà jaa dzuun waa, ŋà nìì reè y'à shi jiɛ, twɛy rìì nà kpàdè ci è tereòn.

Ɔ̀rɔ̀mùnka reè 2:13 ပူးပေါင်းရင်းမြစ်များ

Lukì 18:14

Yesù yè dzin kɔn ci: «Àwà, mun nì ci e ra, tɔ̀ xɔnsɔɔntsibaà ci e ye sèè tsii doùn waatsi riì bwèy, goo sɔn pɛn naà ni à ko Ŋaablà fi dɛ. Ŋà, nìi Faridziɲɛn kpir'là, tɔ̀ raà na ni e nima nɔ̀n. Àwà, wo mòò o moò y'à yɛrɛ ɲanseen, wo ma nà jàà. Ŋà wo mòò o moò y'à yɛrɛ majàa, wo ɲan nà sen.»

Lukì 8:21

Yesù yè dzin mòdzian nà tɔ̀un ci: «Nìì reè yè e toro wɔɔ̀ Ŋaablà re goomaa rè, y'à shi jiì a ci à deò nìi tsuru, twɛy rìì mun na ko mun tseyn kpiri ì.»

Yùxanà 13:17

E ye ba twɛy goo rèè jaa tɔ̀, e y'a shi jiì tɔ̀ tsuru, e raà wùbeu.»

Ɔ̀rɔ̀mùnka reè 10:5

Terenbee sàrìyaa nìi, Musà sɛbɛn fau tɔ̀ tsɛ, nìi doùn à ci: «Mòò riì nà à shi jiì, tɔ nà jaamabe fa à baraka ɲan.»

Ɔ̀rɔ̀mùnka reè 2:25

Àwà, a kpɛynto ye ba sàrìyaa shi jiɛ, mòo dzia dzin ci nàfa ni a shɛunmaà ɲàn. Ŋà w'e ba à bar'la rìì, a shɛunmaà ko e raa sa, à ni a ci a na shɛɔn tsu.

Ɔ̀rɔ̀mùnka reè 3:20

Tɔ̀ kamà, mòò pɛn fa kpàdè ci à tereòn Ŋaablà jaa dzuun, sàrìyaa goo rèè yè bà saabu waa. È ɲɛn à tsɛ, sàrìyaa y'à toò mòdzian yè gooɲaan nì tɔ̀.

Ɔ̀rɔ̀mùnka reè 3:23

Àwà mòdzian sapɛ gooɲaan fau, è sapɛ yeè fɔn Ŋaablà nɔɔrɔɔ̀ ɲan.

Ɔ̀rɔ̀mùnka reè 3:30

À tɔ̀ tsuru, è ɲɛn à tsɛ, Ŋaabla soo rii, è bà à kpàdèe ci mòdzin shɛunma ko shɛnbɛy sa tereòn ɲɛynaà baraka rɔ̀n.

Korɛntsika reè jɔ̀naà 4:4

Àwà mun akir'là kpɛ̀yn na mun jààkia kàjaa pɛn tsɛ waa tɔ sààben, ŋà tɔ̀ na à kpàdèe ci mun tereòn waa. Nìi mun kitsia, tɔ Tsìfaà rìì.

Galatsika reè 2:16

Àwà, à na dzia kpàdè ci mòdzin tereòn è ɲɛn sàrìyaa raa goo farama rèè tsɛ waa, fɔ e ɲɛn Yesù Kirisà bàsɔùn nì nà. Tà doùn, ɲe sa ɲɛun Yesù Kirisà rà gè riì ni à to è kpàdè ci ɲe tereòn ɲɛynaà baraka rɔ̀n Kirisà rà, ŋà à na sàrìyaa raa goo rèè waa. È ɲɛn à tsɛ, è ba sàrìyaa raa goo rèè rìì, mòò pɛn fa kpàdè ci à tereòn waa.

Galatsika reè 5:4

Àwà ye nìì reè terenbee gaa sàrìyaa baraka ɲan, ye yè e vyɛ bou Kirisà rà. Ye mɛrɔun Ŋaablà ɲanwùɔ kàjaa tsɛ.

Yàkubà 1:27

Ŋaabla shi nìi fɛnɛɔ̀ Fà Ŋaablà jaa dzuun, noo na ni à kàjaa pɛn tsɛ fyeu, tɔ̀ rii yɛ a taa to dzinsèè rèè ko fùnshɔ̀ùntaan rèè rè e re byɛnbee doùn, tà ko a yɛrɛ taàn dziɲaun goo nooŋmaà sapɛ ma.

Yùxanà jɔ̀naà 2:29

Àwà ye ba à tɔ̀ ci à tereòn, y'a tɔ̀ sa ci mòò o moò terenbee shi jiɛ, tɔ kere boo à re.

Yùxanà jɔ̀naà 3:7

N ne dziniin ì, e maà à to mòò pɛn yè e san fìrì. Mòò riì terenbee goo rèè shi jiɛ, tɔ tereòn a ci Kirisà sa tereòn nìi tsuru.