Ɔ̀rɔ̀mùnka reè 16:7 - Bible Dzùùngoo Unicode

⁷ Ye tswɛ̀y sin Andoronikusì ko Zhiniyasì rà, twɛy nìi reè mun kunsi reè, mùn sa ye bà kàsoò fau esire. È kɛɛradzinbe tsoo bou, yè bà bàu Kirisà raa mun jɔun.

Ɔ̀rɔ̀mùnka reè 16:7 ပူးပေါင်းရင်းမြစ်များ

Yùxanà 14:20

Tɔ̀ sii sèè ye wɔ, ye nà à tɔ̀, ci mun ni n Faà ɲàn, mun ni ye ɲan, ye yè bà ni mun ɲan.

Yùxanà 15:2

Sààn ge o ge ni mun na, è mà bà dzin wɔɔ̀, à twɛy sapɛ kunùn boò. Nìì reè to dzin wɔɔ̀, è twɛy kùùn baran, sànko yè dzin cɛyn.

Yùxanà 6:56

Mòò riì ye mun gɔɔ̀n shuà ɲɔn, è mun tsìɛn mìn, tɔ̀ tsìfa bàu ni tsuù mun ɲan, mun sa yeè bà ni tsuù à ɲan.

Ɔ̀rɔ̀mùnka reè 16:10

Ye tswɛ̀y sin Apɛlɛsì rà, tɔ̀ y'a kpàdèu, ci wo ɲɛynamoo dziitsyɛunma Kirisà ɲàn. Ye tswɛ̀y sin Arisitobul'laa gbàdòùndzin neè rà.

Ɔ̀rɔ̀mùnka reè 16:11

Ye tswɛ̀y sin Erodziyɔ̀n nà, mun kunsia. Narikusì raa gbàdòùndzin niì reè ni Tsìfaà ɲàn, ye tswɛ̀y sin twɛy ra.

Ɔ̀rɔ̀mùnka reè 16:21

Tsìmotè, mun faagoofasià ye tswàa. Lukiyɔsì, ko Yasɔ̀n, ko Sosipatɔrɔsì, mun kunsi reè sa yeè bà ye tswàa.

Ɔ̀rɔ̀mùnka reè 16:3

Ye tswɛ̀y sin Pirisiyì ko Akilasì rà, mun faagoofasi rèè Yesù Kirisà ɲàn.

Ɔ̀rɔ̀mùnka reè 16:6

Ye tswɛ̀y sin Mariyamùn nà, tɔ̀ niì faagoo giri fau ye re.

Ɔ̀rɔ̀mùnka reè 16:8

Ye tswɛ̀y sin Anpiliyatusì rà, mun ne kɛ̀niunmaà Tsìfaà ɲàn.

Ɔ̀rɔ̀mùnka reè 16:9

Ye tswɛ̀y sin Uribɛ̀n nà, mùn faagoofasià Kirisà ɲàn, ko Sitakisì, mun ne kɛ̀niunmaà.

Ɔ̀rɔ̀mùnka reè 8:1

Dòònuùn kpɛ̀yn, nìì reè ni Yesù Kirisà ɲàn, kitsi pɛn na mɛɛ̀ twɛy tsɛ dɛ.

Ɔ̀rɔ̀mùnka reè 8:11

Tà doùn, mòò riì rè Dzi Yesù kpunan bou fùn nèè fi, tɔ̀ ye ba ni ye ɲan, tɔ̀ niì Kirisà kpunan bou fùn nèè fi, tɔ nà à to ye gɔn nìì reè saàn, twɛy yè jaamabee fa e re Dzia baraka rɔ̀n, tɔ̀ niì tsùuŋnà ye ɲan.

Ɔ̀rɔ̀mùnka reè 9:3

Àwà à yɛ̀rɛ̀ na dzi mun na min bà dangaɔ̀, min vyɛ̀ bo Kirisà rà, n neema reè kamà, mun kun si reè, adamadzinbee kàjaa tsɛ.

Korɛntsika reè jɔ̀naà 1:30

Ŋaabla rii baraka ɲan, ye ni Yesù Kirisà ɲàn, tɔ̀ niì bàu ɲe re akiritsifabe è bo Ŋaablà re, è bà ɲe re terenbe. À bàu ɲe fɛnɛbee ko ɲe kùngɔ̀ màboo saabu,

Korɛntsika reè fiiraa 11:23

È Kirisà rè faagoofadzin ì nì kɛ̀ ? Mun kpɛ̀yn nà gooma a ci akirifukɔɔn dɛ, ŋà mun Kirisà rè faagoofadzin è geren è tsɛ. Faagoo ɲaɔ̀n kàjaa tsɛ, mun tɔ̀ fau è geren è tsɛ. Kàsò dòùn jia kàjaa tsɛ, mun tɔ̀ fau è geren è tsɛ. Banbwee kàjaa tsɛ, tɔ̀ giri mun tàrau è mà, min saàn jà n jaa ra waatsi giri.

Korɛntsika reè fiiraa 12:2

Àwà mun kpiri sɔn tɔ, nìi ni Kirisà ɲàn. Ŋaablà na tɔ̀ kpir'la sen fu dɔ̀n beò jìrànxɔɔ̀ zhììgìraa doùn, à jii teeŋ naàlen yɛ. À sen fu bèu gɔɔ̀n rìì ɲàn sa wà, à to yɛ̀rɛ̀ na gɔɔ̀n ɲàn sa wà, mun kpɛ̀yn na tɔ waa, ŋà Ŋaablà y'a tɔ̀.

Korɛntsika reè fiiraa 5:17

Tà tsuru, mòdzian sɔn ye ba ni Kirisà ɲàn, à bàu gè ɲɛunma yeu. Goo bɔrɔɔ sapɛ dɔ̀n bou, goò sapɛ yeè siin è bà yeu.

Korɛntsika reè fiiraa 5:21

Kirisà na gooɲaan fa ja waa, ŋà mùn kamà, Ŋaabla gooɲaan ɲɛun à tsɛ, gè riì ni à to mìn bà mòdzin tereonma ì Ŋaablà re.

Galatsika reè 1:22

Àwà tɔ̀ sapɛ ɲan, ɲɛynamoo kuru nìì reè na ni Yude mar'lɔùn Kirisà ɲàn, twɛy naà mun jaɔ̀ ŋe yè mun tɔ̀ waa.

Galatsika reè 2:2

Mun bèu mɔn è ɲɛn goo kpàdèuma nì tsɛ. Mun to Kùnàgoo Dziù rìi dèe kun kpɛrɛ mòdzin neè rà, min tɔ̀ jaa dè jɔundzin neè rà e dan na, gè riì ni à to, mun vwɛ̀yn riì fau ko mun ni vwɛ̀yn riì rà, tɔ mà nà bà goo maana waa.

Galatsika reè 2:6

Àwà, nìi jɔundzin neè kàjaa tsɛ, è na mòdzin bla ì ò, è to naà mòdzin bla ì ò, à sa soo mun ne. È ɲɛn à tsɛ a ni niu'n kuru o niu'n kuru, Ŋaablà na tɔ̀ siɛ̀n waa. Twɛy kpɛ̀yn, è na goo kpɛ̀rɛ̀ bà mun mà fààn, è bà mun ne fakɔɔn tɛ̀y waa.

Galatsika reè 5:6

Àwà Kirisà ɲàn, a shɛun o, a na shɛn ò, nàfa na ni tɔ̀ pɛn ɲan waa. Ŋà nàfa ni nìi ɲàn, tɔ̀ rii yɛ, ɲɛyna nìi faagoò faa kɛ̀nbààbee baraka ɲan.

Galatsika reè 6:15

È ɲɛn à tsɛ, a shɛun o, a na shɛn ò, tɔ̀ pɛn na kùn waa. Nàfa ni nìi ɲàn, e bà gè ɲɛunma yeu.

Efɛsika reè 2:10

È ɲɛn à tsɛ, ɲe Ŋaablà sifyɛ̀ɛ̀ rìì. À ɲe ɲɛun Yesù Kirisà ɲàn goowuu faa rìì kamà, à na tɔ̀ niì lamɔnɔ̀n tsùuŋnà nòn, mìn bà ni na à shi jiì.

Kolosika reè 4:10

Arisitakì ye tswàa, tɔ̀ niì sa ni kàsoò rà mun ka. Marikì yè bà ye tswàa, Barinabasì neema kpir'la, tɔ̀ niì rè goo ì dèu ye ra. È be e re mɔn, y'a kuun'n kuru wuu fa.

Filemɔ̀n 1:23

Epafarasì wo tswàa, tɔ̀ riì sa ni kàsoò rà mun ka, Yesù Kirisà ɲàn.

Yùxanà jɔ̀naà 4:13

M'à tɔ̀ nìi rà ci à ni mùn ɲan, mùn sa yeè bà ni à ɲan, tɔ̀ rii yɛ, è re Dzia sɔn siun mùn na.

Yùxanà jɔ̀naà 5:20

M'à tɔ̀ ci Ŋaablà Dzin Kpir'la nàu sa, è nà akiri sìn mùn na, mìn Ŋaablà takia tɔ̀. Mùn to ni Ŋaablà takia ɲàn, à Dzin Kpiri Yesù Kirisà baraka rɔ̀n. Wò rii Ŋaablà takia, ko jaamabe dziù dòbɛɛ.

Goo kpàdèuma rèè 1:9

Àyìwà mun Yùxanà, ye neema kpir'la, ko ye byɛnbefasià è ɲɛn Yesù rè goo rèè tsɛ, ye ko mun sa yeè bà soo à re màsàbee doùn, mìn bà e mɔɲɔɔ̀n à kamà, mun kun bèu Patsimɔsì kòòyua fi dzɔ̀nxɔ̀ gane sɔn ɲan, Ŋaablà re Goomaa ko Yesù rè shɛɛrɛbee yè bà saabu.