Ɔ̀rɔ̀mùnka reè 15:3 - Bible Dzùùngoo Unicode

³ Àwà arì Kirisà, tɔ̀ tsu na à gaa è yɛrɛ dzibee goo fa waa, ŋà Ŋaablà re Goomaa doùn, à sɛbɛɔ̀n rìì ci: «Wo ɲɛ̀nbaa rèè rè ɲɛ̀ɛn dziu mun tsɛ.»

Ɔ̀rɔ̀mùnka reè 15:3 ပူးပေါင်းရင်းမြစ်များ

Matsiyù 10:25

Kàràndzian dààn nì yɛ è bà e karànfaà tsuru, jòòn dààn yè bà yɛ, è bà e tsifaà tsuru. Yè ba gbàtsià kir'là ci Baalizebulì, kwey rèè kùntsii blàa, à re gbàdòùndzin neè raà fa ɲanbe fyeu ɔ ?

Matsiyù 26:39

Tà shɔ̀ùn è kpɛrɛ̀ be jɔun dɛyn, è bè e kunun gban, è kuu, è Ŋaablà mafyɛ̀n ci: «Mun Fà Ŋaablà, è ba dzia fa, byɛnbe riì nàkɔɔn yɛ mun tàrà, à dàn gbànbe n na. Tà ko e sa ra, mun naa sàɔ mà fa dɛ, wo raà rìì yè fa.»

Matsiyù 26:42

È ma bo è ra kɔn e jaa fiira ɲan, è bè Ŋaablà mafyɛ̀n ci: «Mun Fà Ŋaablà, byɛnbe ree jɔun ma ba dzia bo bou'n kuru pɛn fɔ è mun tàr'li, wo sàɔ yè fa.»

Matsiyù 27:44

Gookoronfabaa nìì reè na gbaɔn à ka, twɛy sa y'a ɲɛ̀ɛn tɔ̀ ɲɛ̀ùn'n kuru soo rà.

Yùxanà 15:10

Ye ye mun dzugooma xɔù rèè to e duùn, ye nà to tsùù mun ne kɛ̀nbààbee doùn, a ci mun yè n Fa Ŋaablà dzugooma xɔù rèè tou n duùn nìi tsuru, min bà ni tsuù à re kɛ̀nbààbee doùn.

Yùxanà 15:24

Mun ma ba na goo ì fau è fi, mòò na nìì reè tsuru fa ja ŋe fyeu, gooɲaantsii goo fa ni siin è vu ra waa. Dòònuùn, è twɛy goo rèè jàu. Ŋà, è jàumaà ko e raà sa, arì she, è mun ko n Fa Ŋaablà sa goo xɔbee e yɛrɛ ma.

Yùxanà 4:34

Yesù yè dzin è ra ci: «Mun naa ɲwɛɛ̀n nì yɛ, mòò riì mun kaɔ, min tɔ̀ sàɔ shi jiì, à to faagoo rìi kɛ̀ɛ̀yfaɔ̀ mun mà, min tɔ̀ fa vyɛ e daùn.

Yùxanà 5:30

Mun yɛ̀r'la na dzia goo sɔn pɛn fa n yɛrɛ ma waa. Fà Ŋaablà ye nìi dè mun na, mun naa kitsia kùn'na tɔ̀ rii tsɛ, mun ne kitsia to tereòn. À tereòn, kàtsu mun na n yɛr'la raa sàɔ gaa dɛ, ŋà, mòò riì mun ka naɔ, mun tɔ̀ raa sàɔ rìì gaa.

Yùxanà 6:38

Mòò riì mun ka naɔ, mun jàà boo jìran nɔ̀n, min nà tɔ̀ raa sàɔ rìì fa, mun na naɔ̀ n yɛr'la raa sàɔ fa waa.

Yùxanà 8:29

Nìi to mun ka naɔ, tɔ ni mun ka. À na mun soo too waa, kàtsu nìi dzi à ra, mun tɔ̀ rii faa kudɛyn.»

Korɛntsika reè fiiraa 8:9

Mùn Tsìfa Yesù Kirisà yè e ɲanwùɔ kpàdèu nìi tsuru ye tɔ̀ tɔ̀. Tɔ̀ niì na gètsi, ye kamà, è bau gbakɔɔn gè rii ni à to ye yè bà gètsi à re gbaa saabu rɔ̀n.

Filipika reè 2:5

Kɛ̀sɛmà nìi na ni Yesù Kirisà ɲàn, y'a to tɔ̀ yeè bà ni e sa ɲan.

Filipika reè 2:8

È yɛrɛ majàaŋ, è to Ŋaablà dzugoomaa tsɛ fɔ saàn dzu, gbaàn gɔɔ̀ saàn yɛ̀r'la.