Ɔ̀rɔ̀mùnka reè 15:2 - Bible Dzùùngoo Unicode

² Mùn soo sookɔɔn sapɛ y'a gaa rii mìn dzibe e modzìnsia rà à yɛ̀r'la nàfaà kamà, sɔn yeè bà ni ba à barakaà tɛ̀y.

Ɔ̀rɔ̀mùnka reè 15:2 ပူးပေါင်းရင်းမြစ်များ

Ɔ̀rɔ̀mùnka reè 14:19

Tà doùn, goo nìì reè nàa jaancin ka, mìn twɛy rìì gaa, ko nìì reè nà à to mìn fààn wɔ e si ɲan.

Korɛntsika reè jɔ̀naà 10:23

Goò sapɛ dàaŋnà, tɔ sààben, ŋà nàfa na ni goò sapɛ ɲan waa. Ɔ̀ɔn, goò sapɛ dàaŋnà, ŋà goò sapɛ na fààn siàn waa.

Korɛntsika reè jɔ̀naà 10:24

Mòò pɛn mà e yɛrɛ nafa gaa waa fɔ e modzìnsia raà.

Korɛntsika reè jɔ̀naà 10:33

Mun sa tɔ̀ rii faa, nìì yɛ goò sapɛ doùn, min dzibe mòdzian sapɛ ra. Mun na n yɛrɛ nafa gaa waa, fɔ mòò giri nàfa, gè riì ni à to yè tsi.

Korɛntsika reè jɔ̀naà 13:5

Kɛ̀nbààbee na goo nooŋma faa, à to na e yɛrɛ nafa gaa. À na e vununtaà, à to na ɲaan marà toò e duùn.

Korɛntsika reè jɔ̀naà 14:26

Tà doùn n neema ì, fee rìì wù è fa ? Ye ye e ladzyèè, sɔn dzia ye ceè, sɔn yeè mòò kàràn tàmafa è goò sɔn kpadè. Sɔn yeè gooma kun kpɛrɛ goòmà ì ɲàn, tàmafa à y'à dzuun de. Goò sapɛ yeè fa rii, è ka fààn wɔ mòdzian sapɛ ɲan.

Korɛntsika reè jɔ̀naà 14:3

Ŋà mòò riì kɛɛrabe goòmà rèè dèe, tɔ goomaa mòdzin ì nì ka. À fààn wɔɔ̀ è ɲan, è màxɔ̀n, è vununcin sìn è ra.

Korɛntsika reè fiiraa 12:19

Fɔ waatsi gbaan y'a kɛ̀sɛɛ̀ ci ɲe yè e dzi rìì dèe ye jaa ra. Ayi, à na tɔ̀ tsuru waa. Ɲe goomaa Ŋaablà rii jaaterema, Kirisà ɲàn. Àwà neema kɛniunma rèè, ɲe tɔ̀ sapɛ faa ye rìì yè bà ni fààn tarà.

Korɛntsika reè fiiraa 13:9

Àwà ɲe ŋɔ̀n ye ba fyɛn waatsi riì bwèy, fààn ye bà ni ye ɲan, ɲe taama bàa dzi. Ɲe raa màfyɛɛ̀n kùngɔɔ̀ rìì yɛ, ye dzii yè bà tsyɛɔ̀n.

Efɛsika reè 4:12

À tɔ̀ fau, è bà ni Ŋaablà re mòò rèè màbyɛ̀n faagoò kamà, Kirisà gɔɔ̀n yè bà ni fààn tarà.

Efɛsika reè 4:29

Gooma ɲaan pɛn mà bo e dzu, fɔ gooma wuu, nìi dzia fààn wɔ e myɛnbaa rèè ɲàn, è wùù fa è ra, à màgoo ye ba ni.