Ɔ̀rɔ̀mùnka reè 13:8 - Bible Dzùùngoo Unicode

⁸ Mòò pɛn ne tsìi mà bà ni e ra, fɔ kɛ̀nbààbee tsìɛ̀ e ko e si fi, kàtsu, mòò riì dzyee rèè kɛ̀ɛn, tɔ sàrìyaa ko e kuru dzii tsyɛun.

Ɔ̀rɔ̀mùnka reè 13:8 ပူးပေါင်းရင်းမြစ်များ

Matsiyù 7:12

Tà doùn, ye sào ni mòdzian yè nìi sapɛ fa ye re, e sa yeè tɔ̀ soo fa mòdzian rè. Sàrìyaa gooma reè tɔ̀ rii kpàdeò, Kɛɛra reè sa yeè bà ci tɔ̀ tsuru.

Yùxanà 13:34

Mun nà dzugooma xɔù yeu de ye ra nìi yɛ ci: Ye e si kɛ̀n. Mun ye kɛ̀niun kɛ̀nìùn'n kur'liì rà, e sa yeè e si kɛ̀n tɔ̀ tsuru.

Ɔ̀rɔ̀mùnka reè 13:10

Àwà a y'a modzìnsia kɛ̀n, a na ɲaan pɛn faa à ra waa. Tà doùn, kɛ̀nbààbee rìì sàrìyaa ko e kuru dziitsyɛunmaà.

Ɔ̀rɔ̀mùnka reè 13:7

Nìì wù nìi ka, ye tɔ̀ fa tɔ̀ re. Xɔnsɔɔn wù è sìn nìi rà, ye tɔ̀ sìn tɔ̀ ra, siigur'la to wù è sìn nìi rà, ye tɔ̀ sìn tɔ̀ ra. Nìi gàsin wù è tsùù, ye tɔ̀ gàsin tsuù, nìi to wù è blàbe, ye tɔ̀ blàbe.

Galatsika reè 5:14

È ɲɛn à tsɛ, sàrìyaa ko e kuru dzii tsyɛɔ̀n nèe gooma ree ɲan: «A modzìnsia kɛ̀n jàci a yɛr'la.»

Kolosika reè 3:14

È geren tɔ̀ sapɛ tsɛ, ye kɛ̀nbààbee ji e ma, tɔ̀ niì ye shìù'n kuru wubee e si ra cɛyn.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Yàkubà 2:8

E kpɛyn ye ba Ŋaablà re màsàbee shi kpadèuma rèè shi jiɛ a ci à sɛbɛɔ̀n à re Goomaa doùn nìi tsuru ci: «A modzìnsia kɛ̀n jàci a yɛr'la», tɔ̀ fakɔɔn wù e re.

Yùxanà jɔ̀naà 3:10

Nèe kàjaa ree rìì y'à toò Ŋaablà dzin nèè ko Sànwɔbaà dzin nèè yè tɔ̀ bo e si ɲan: mòò o moò na terenbee shi jiɛ, ko mòò o moò na e neemasia kɛ̀ɛn waa, tɔ̀ na Ŋaablà raa waa.