Ɔ̀rɔ̀mùnka reè 12:9 - Bible Dzùùngoo Unicode

⁹ Ye kɛ̀nbààbee fa ko duun fyɛ ka. Ye ɲaan xɔbe e ma, ye e shi wùɔ rà.

Ɔ̀rɔ̀mùnka reè 12:9 ပူးပေါင်းရင်းမြစ်များ

Matsiyù 26:49

Àwà è nàu dzi min niì, Yudasì yè e kpɛrɛ̀ Yesù rà suu, è dzin ci: «Kàrànfaà, a kɔfen !» È siin à y'à tswà a ci e dzunwɛynsi.

Yùxanà 12:6

Yudà naà tɔ̀ dèe, ci gbakɔɔn reè raa goò rìì wò ŋòoŋnà dɛ, ŋà, shɔnbe n'a ɲan nìi fa, tɔ̀ rii kamà, è bà na tɔ̀ dèe, kàtsu, wò rii na ɲɛɛn màr'la. Ɲɛyn niì na màr'la, à na tɔ̀ seen.

Kɛɛradzin neè faadziɛ 11:23

Àwà, Barinabasì bèu wɔ mɔn, goo nìi fau twɛy mòdzin neè rè, Ŋaablà baraka rɔ̀n, à jaadzin yeè ɲɛn tɔ̀ mà. Tɔ̀un, à taama yè dzibe cɛyn. À yè è màxɔ̀n, ci yè e shi tsùù Ŋaablà ra kudɛyn, è mà bo tɔ̀ tsɛ waa.

Korɛntsika reè fiiraa 6:6

Mùn y'a kpàdèe duun fyɛɛ̀ doùn, twɛ̀ɛ, mɔ̀ɲɔɔn, wùɔ, Ŋaablà re Dzi Fɛnɛɛ baraka rɔ̀n, ko kɛ̀nbààbe fyɛumaà.

Korɛntsika reè fiiraa 8:8

Mun na à dèe ci m'a ka goo ji ye jɔun dɛ, ŋà m'a dèe rìì, min dzyee rèè raa sɔ̀bɛ̀nbee kpàdè ye ra, nìi ni dzi ba saabu ye sa yeè e re kɛ̀nbààbee sààbeen kpàdè.

Tesalonikika reè jɔ̀naà 2:3

Àwà, ɲe re waajibia gooma reè naà sànfìrì goòmà ì, è naà ŋɛ̀nɛ̀ɲàn ɲààn goòmà ì, è to naà mòdzìn mànììn goòmà ì.

Tesalonikika reè jɔ̀naà 5:15

Ye e yɛrɛ kaàwɔ. Mòò pɛn mà gooɲaan ka gooɲaan tsiì sàrà. Ŋà ye e gban wùɔ rìì kpɛyn, ye tɔ̀ faa kudɛyn e ko e si fi, ko mòdzìn dzyee reè sapɛ.

Tesalonikika reè jɔ̀naà 5:21

Ŋà, y'a sapɛ rii ɲansiin cɛyn, nìi wù, ye tɔ̀ kun gban gban.

Tsìmotè jɔ̀naà 1:5

Tɔ̀ goo dèumaà kùàn na pɛn waa, à kɛ̀nbààbee rìì, kɛ̀nbààbe riì ni duun fyɛ tsɛ, ko kɛ̀sɛmà wùù, ko ɲɛyna fyɛuma.

Dzyèèsìbee mòdzin neè 1:9

Goo nìi tereòn, tɔ̀ rii dzi wo ra, gooɲaan yè bà xɔ wo mà. Tɔ̀ rii y'à to, Ŋaablà, wo re Ŋaabla wo bou e si, è ɲinin kon wo kùùn, wo yè bà blà a dzyeèsi rèè sapɛ ma, tɔ̀ yeè bà taamadzibe brìsi wo re.»

Dzyèèsìbee mòdzin neè 12:14

Ye e maxɔbe, jaancin yè bà ni e ko mòdzian sapɛ fi. Ye e yɛrɛ fɛnɛbe, ye bà Ŋaablà raa. Tɔ̀ ma fa fyeu, mòò pɛn jaa fa ɲɛn Tsìfaà mà waa.

Yàkubà 3:17

Ŋà akiriblabe rìi daɔn è bo jìrànxɔ rɔ̀n, tɔ ni mòò riì ɲàn, à tsìfa fyɛɔ, à na kaa faa, à vunun ma dzi, à mɔ̀nɲɔɔ̀n, à màtsur'la fɔ è bè geren, faadzii wuu ni à ɲan, à na ɲànkɛrɛn faa, à to na duungoofiitsi.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 4:8

Goò sapɛ jɔun, ye e si kɛ̀n cɛyn. È ɲɛn à tsɛ, kɛ̀nbààbee saabu ɲan, gooɲaantsii gir'lì mɛɛ̀.