Ɔ̀rɔ̀mùnka reè 10:16 - Bible Dzùùngoo Unicode

¹⁶ Ŋà mòdzian sapɛ na e tsiì tɔ̀ Kùnàgoo dziɔ̀ goomaa nà waa. Kɛɛra Esayì dziun ci: «Tsìfaà, nìi myɛ̀un è bo ɲe dzu, tsì rii ɲɛun tɔ̀ ra ?»

Ɔ̀rɔ̀mùnka reè 10:16 ပူးပေါင်းရင်းမြစ်များ

Matsiyù 13:14

Tɔ kɛɛra Esayì rè kɛɛrabee gooma reè bou e shi tsɛ è re, nìi yɛ ci: "Ye nà myɛ̀yn fa cɛyn, ŋà à dzin fa sen waa. Ye nà siin fa cɛyn, ŋà jɛ̀y fa fa waa."

Yùxanà 10:26

Ŋà, ye na ɲɛɔ̀n à ra waa, kàtsu ye na mun ne sàà rèè kuru waa.

Kɛɛradzin neè faadziɛ 28:24

Polì na gooma niì reè dèe, swey yè ɲɛn à ra, ŋà swey na e tsiì yè ɲɛn à ra waa.

Ɔ̀rɔ̀mùnka reè 1:5

À baraka rɔ̀n, mùn y'à ɲanwùɔ tàrau, min bà kɛɛradzin, min bà ni wɔ kuan mòdzian sapɛ ra à tsoò kamà, yè ɲɛyna fa à ra, y'à dèvuà shi jiì.

Ɔ̀rɔ̀mùnka reè 11:17

Tà doùn, oliviku takia sààn neè swey jèè boumaà, wo jòon olivikuà sààn sɔn yeè tsyɛ na shì tɔ̀ sààn dzyee touma rèè fi, wo sa yeè bà ni à jiɛ̀ yuà nàfaà tàrà,

Ɔ̀rɔ̀mùnka reè 16:26

Àwà dòònuùn, kɛɛra reè rè sɛbɛn neè baraka rɔ̀n, à kpàdèu è fyɛ. Tɔ fau a ci Ŋaablà dobɛɛ y'à dèu nìi tsuru, nìi yɛ, kun kpɛrɛ mòdzin neè sapɛ y'a tɔ̀, yè ɲɛynaà shi jiì.

Ɔ̀rɔ̀mùnka reè 2:8

Ŋà nìì reè yè e nɔɔ̀n sààbeen mà, yè e maban à mà, è to yè e tsiiŋnà terenbɛybee rà, Ŋaablà re vununta brìsià twɛy nìn.

Ɔ̀rɔ̀mùnka reè 3:3

À ni dzùrù ? Swey kɛ̀nsɛɛn ma ba bàu vusootsi tɔ̀ goò doùn, tɔ dzia Ŋaablà raa vusootsibee sà ɔ̀ ?

Ɔ̀rɔ̀mùnka reè 6:17

Mìn tswɛ̀y fa Ŋaablà re, è ɲɛn à tsɛ, ye na gooɲaan rè jon ì, ŋà ye kàr'nìi tàrau, ye tɔ̀ shi jiiŋ e duɔ̀n sapɛ ka.

Galatsika reè 3:1

Galatsika reè, ye akiribɛy taki ! Tsì rii ye jɔun gaaŋnà ? Yesù Kirisà yè gban gɔɔ̀ rà, tɔ̀ na kpadè fyɛ ye ra ɔ ?

Galatsika reè 5:7

Ye vwɛ̀rɔ̀ùn'n kur'la na wù, tsì rii ye jɔun shuu ci ye mà sààbeen shi jiì ?

Tesalonikika reè fiiraa 1:8

À nà nà sàden brìsi fi. Nìì reè na Ŋaablà tɔ waa ko nìì reè na mùn Tsìfa Yesù rè Kùnàgoo Dziɔ̀ goomaa shi jiɛ waa, è byɛnbe ji twɛy tsɛ.

Dzyèèsìbee mòdzin neè 11:8

Nìi Ibraximà, tɔ̀ sa ɲɛunmaà kamà Ŋaablà ra, Ŋaablà y'a kiriu è nìi dè à ra, à tɔ̀ shi jiiŋ. Ŋaabla dziun à ra, ci è bo e fatsiɛ doùn, è bè jàmàan ɲan, wo nà nìi sìn à ra, è bà à raa. Ibraximà to yè dɔ̀n be, tɔ̀ y'a tàrà, à bèe min niì, à na tɔ̀ tɔ̀ waa.

Dzyèèsìbee mòdzin neè 4:2

Kùnàgoo Dziɔ̀ goomaa dèu ɲe ra, a ci à dèu ɲe fàbɔɔ rèè sa ra nìi tsuru. Ŋà, à myɛ̀unmaà ko e raà sa twɛy rè, à na è màgoo wube waa, kàtsu nìì reè y'à myɛ̀un yè ɲɛn à ra, è na e tsiì yè e ba twɛy tɛ̀y waa.

Dzyèèsìbee mòdzin neè 5:9

Àwà, twɛy goo rèè y'à bàu mòdzin dziitsyɛunma. Tà tsuru, nìì reè y'à dzugoomaa blàbee, à bàu twɛy tsibaa kudɛyn.

Piyɛrì jɔ̀naà 1:22

Àwà ye tsìiŋmaà sààbeen rà, tɔ ye dùsùkuan fyɛu, ye bà ni neema reè kɛ̀n ko duunfyɛ ka. Tà doùn, ye e si kɛ̀n ko e dusùkuan sapɛ ka.

Piyɛrì jɔ̀naà 2:8

À bàu sàn nà baan kpàà, kpàà riì mòò mɛɛ̀.» Yè san nà baan à ra, kàtsu yè e nɔɔ̀n Ŋaablà re Goomaa shi jiɛ̀ mà. Tɔ̀ rii sa na latsigɛ̀ tsùuŋnà è kàjaa tsɛ.

Piyɛrì jɔ̀naà 3:1

Nìi ye tàan rèè sa, ye e majàà e re kpir'leè rè. Tà tsuru è swey ma ba e tsiiŋnà yè ɲɛn Ŋaablà re Goomaa nà, yè dzi tarà bà Ŋaablà raa e re tààn fau'n kuru wuɔ saabu ɲan, à mà bà gooma tsu ka waa.