Ɔ̀rɔ̀mùnka reè 10:12 - Bible Dzùùngoo Unicode

¹² Tà doùn, dànfaran na ni Dzyèèsìbee mòdzin ko kun kpɛrɛ mòdzin fi waa, è ɲɛn à tsɛ, Tsìfa soo rìì ni è sapɛ re, nìi gètsi, è bà e tsoò kiribaa rèè sapɛ magoo wubee.

Ɔ̀rɔ̀mùnka reè 10:12 ပူးပေါင်းရင်းမြစ်များ

Kɛɛradzin neè faadziɛ 7:59

È Etsiyɛnìn dzyɛɛn ko kpàà reè ka waatsi riì bwèy, Etsiyɛnìn na Ŋaablà mafyɛ̀ɛn nèe tsuru ci: «Tsìfa Yesù, min xɔɔn sèe a ma.»

Kɛɛradzin neè faadziɛ 9:14

Tɔ̀ nìn yè bo à ra, mòò o moò màfyɛɛ̀n faa wo tsoò ka, Saaka Jɔundzin neè y'à shi wɔ naɔ à suun mìin, ci è twɛy sapɛ kun.»

Ɔ̀rɔ̀mùnka reè 14:9

Àwà, a y'a jà Kirisà yè san è sèè kpunan, tɔ fau nì, è bà ni ba fùn nèè ko jaama reè sa kuntsii.

Ɔ̀rɔ̀mùnka reè 15:12

Kɛɛra Esayì sa yeè bà ci nèe tsuru ci: «Yesè tsua jiɛ̀ nà xe bo. Wò rii nà kun neè màrà, kun neè to nà e sixɔbe à tsɛ.»

Ɔ̀rɔ̀mùnka reè 2:4

Ŋaablà re wùɔ blàbee nìi boò, ko à re goo kua, ko a re mɔ̀nɲɔɔn, wo na tɔ̀ jàa goo dɛ ? Tɔ̀ to y'à tàrà wo na à tɔ̀ ci Ŋaablà ɲanwùɔ wo gaa nìi mà, tɔ̀ rii yɛ w'e nimisa, w'a re jaamabee fau'n kur'la lakere o ?

Ɔ̀rɔ̀mùnka reè 3:22

Ɲɛynaà nì baraka ɲan Yesù Kirisà rà, Ŋaablà ye e re terenbee kpàdèe mòdzian sapɛ kajaa tsɛ. À tɔ̀ tsuru, è ɲɛn à tsɛ Ŋaablà na mòò boò mòò ɲàn waa.

Korɛntsika reè jɔ̀naà 1:2

nèe sɛbɛn nee sìan ye Ŋaablà re ɲɛynamoo kur'là rà Korɛntsì wɔ̀ rɔ̀n. Nìì reè fɛnɛbeu Yesù Kirisà ɲàn, yè bà kiriɔ yè bà Ŋaablà raa, tà ko nìì reè sapɛ mùn Tsìfa Yesù Kirisà tsoò kir'là min niì sapɛ, è Tsìfaà è bà ɲe sa Tsifa.

Korɛntsika reè jɔ̀naà 15:47

Mòdzìn jɔnaa, tɔ bou dzɔ̀nxɔɔ̀ kpankpaàn ɲàn. Fiiraa, tɔ bou jìrànxɔ rɔ̀n.

Korɛntsika reè fiiraa 8:9

Mùn Tsìfa Yesù Kirisà yè e ɲanwùɔ kpàdèu nìi tsuru ye tɔ̀ tɔ̀. Tɔ̀ niì na gètsi, ye kamà, è bau gbakɔɔn gè rii ni à to ye yè bà gètsi à re gbaa saabu rɔ̀n.

Galatsika reè 3:28

Tà doùn, Dzyèèsìbee mòdzin na ni dɛ, kun kpɛrɛ mòdzin to na ni dɛ. Jòn na ni dɛ, xɔrɔn to na ni dɛ. Kpiri na ni dɛ, tàan to na ni dɛ. È ɲɛn à tsɛ Yesù Kirisà ɲàn, è sapɛ bàu soo.

Efɛsika reè 1:7

À ɲan, mùn kùngɔ mabou à tsìɛn baraka rɔ̀n, mùn ne gooɲaantsii reè yè mɛɛy bo mùn vu ra è kòrò à ɲanwùù brisià ka.

Efɛsika reè 2:4

Ŋà Ŋaablà ɲan màtsur'la blà è bà mùn kɛ̀niɔ̀n kɛ̀nbààbe brisi ka.

Efɛsika reè 2:7

À tɔ̀ fau, è bà ni e ɲanwùù brisi dàn tɔ̀ bɛɛ kpàdè waatsi nakɔɔn doùn è kòrò à re wùɔ ka mùn kàjaa tsɛ, Yesù Kirisà ɲàn.

Efɛsika reè 3:16

È ɲɛn à re nɔɔrɔ brìsià tsɛ, m'a gaa è fààn wɔ ye ɲan duùn nɔn ko dzibaabe ka, à re Dzia baraka rɔ̀n.

Efɛsika reè 3:6

Tɔ̀ gòndoo rìì yɛ, Yesù Kirisà ɲàn, kun kpɛrɛ mòdzin neè, ko Dzyèèsìbee mòdzin sapɛ bàu e si shɛnsensi. È sa bàu gɔnkungɔ soo, è sa nin yè jà Ŋaablà re làyiri seunmaà ɲàn, Kùnàgoo Dziɔ̀ baraka rɔ̀n.

Efɛsika reè 3:8

Mun nìi Ŋaablà re mòò rèè sapɛ ɲan kiɲaaniàn, à yè e ɲanwùù reè kɛ̀ɛ̀yfau mun nì mà, nìi yɛ min Kùnàgoo Dziɔ̀ dè kun kpɛrɛ mòdzin neè rà, Kirisà ɲàn nàforo dan tɔ̀ bɛɛ.

Filipika reè 2:11

Nɛɛ̀n sapɛ to y'à dè, ci Yesù Kirisà rìì Tsìfaà, è nɔɔrɔ ɲɛn Fà Ŋaablà tsɛ.

Filipika reè 4:19

Mun ne Ŋaablà nà ye màgòò gee sapɛ sin ye ra, è kòrò à re gètsìfàbe nɔɔrɔmaa ka, Yesù Kirisà ɲàn.

Kolosika reè 1:27

Ŋaablà sao ni twɛy y'à tɔ̀, tɔ̀ gòndoo nɔɔrɔɔ̀ nàfor'la nìi boò kun kpɛrɛ mòdzin neè fi, nìi yɛ Kirisà yè bà ni ye ɲan, tɔ goo nìi ye si xɔbee ci ye nà nɔɔrɔ nàkɔɔn tàrà.

Kolosika reè 3:11

È ɲɛn tɔ̀ tsɛ, kun kpɛrɛ mòdzin na ni dɛ, Dzyèèsìbee mòdzin to na ni dɛ. Mòdzin shɛunma na ni dɛ, shɛnbɛy to na ni dɛ. Jòòndzin na ni dɛ, mòdzin jaadzii san bɛy to na ni dɛ. Jòn na ni dɛ, xɔrɔn to na ni dɛ. Kirisà rìì gè sapɛ sa, è bà ni mùn sapɛ ɲan.

Tsìmotè jɔ̀naà 2:5

È ɲɛn à tsɛ, Ŋaablà soo pe rii ni, ko sòrònfabaa soo à ko adamàdzin mòdzin neè fi, nìi Yesù Kirisà, adamàdzin mòdzin.

Goo kpàdèuma rèè 17:14

Twɛy ko sààtòmòìriɛ nà kaà fa, sààtòmòìriɛ to nà dzi è ra, kàtsu tɔ tsìfa rèè raa Tsìfaà, è bà màsa reè raa Màsaa. À re mòdzin kiriuma rèè, ko à jaara modzìn nèè, ko à ka vusootsi rèè rìì nà dzi è ra esire.»

Goo kpàdèuma rèè 19:16

Tsoo sɔn sɛbɛɔ̀n à re mɛ̀yɛɛ ko à geen tsɛ, nìi yɛ ci: «Màsa reè raa Màsaa, ko tsìfa rèè raa Tsìfaà.»